屹立五十年的星座冰室並非所屬大型連鎖集團，隱身於尖沙咀香檳大廈的地庫
地理位置顯得低調，然而這裏卻是街知巷聞的食店，甚至有不少遊客聞名而至
所謂「星座」不是指占卜運程那些星座，曾閱過報章，原來因為餐廳由粵語片明星開設
店內最著名的莫過於其蕃茄湯麵食，有聞是以新鮮蕃茄、豬骨及牛肉等自家製作
聽就聽得多，每每因其餐點賣相而卻步，終於有日忽發奇想要嚐嚐，馬上召喚好友同行
芝士蕃茄牛通 $37賣相確實普普，我也不打算拌勻，以免更糟
蕃茄湯底濃郁，酸甜開胃，伴以芝士片添上輕微鹹潤
也許因為Mac n Cheese，要搭配芝士而且有得揀既話，我會選擇轉通粉
然而落單後我馬上覺得後悔，因為帶湯好易浸爛粉麵
幸好奉桌成品正路，而牛肉微韌但無雪味，量亦不算少
雖然味道沒有特別精彩之處，但夠街坊家常，不失為港式Comfort Food
友人點的蕃茄雞絲麵 $37其實並非我們所想手撕雞那種雞絲，而是像炒雞柳
雞肉醃得十分入味，加上蕃茄湯的酸可以平衡一下，不會只有鹹甜醬油味
即食麵為出前一丁，不用再加錢轉底，我未有一嚐，但根據友人所言未有爛麵
按價錢而論不是最便宜食店，不過思及心思功夫，一試確實無妨
沒有留言:
發佈留言