J.S. FOODIES - 又一班戟朝聖地

J.S. FOODIES為日本時裝品牌Journal Standard跨界開設的西日風概念餐廳

店家主打漢堡和熱香餅，亦有供應三文治、飯類、窩夫與新地等咖啡廳常見菜式

也許大家對J.S. FOODIES感到陌生，不過大抵會聽過同屬Baycrew's Group的Flipper's

憑著軟綿如雲朵的梳乎厘班戟，來到香港這半年幾乎每天都人頭湧湧，人氣可見一斑

而香港的J.S. FOODIES不單保留了自家招牌餐點，更會引入Flipper's的梳乎厘班戟

難怪教人翹首以待，而且落戶九龍塘，非油尖旺、銅鑼灣和中環核心一帶

終究不是人丁最興旺的地段，加上座位多一半，排隊等候的時間相信比較短吧？

想吃的實在太多，雖然已經就手點菜，但是還得先來一杯酸甜清新的飲品相伴

Honey Orange Lemonade甜中帶橙酸，特別開胃，又有氣泡刺激，清爽不膩

相較之下，友人的Lemon Ginger就輕柔溫和多了，酸味不重，又有淡緻薑香

眾所周知，熱香餅配鹹食並不是此家獨創，最基本的M記早餐配漢堡扒已是一例

然而，Tandoori Chicken with Pancakes　印度烤雞班戟這配搭卻非隨處可見

熱香餅可轉選全麥版本，軟綿香甜，不易濕爛，輕咬一口，傳來陣陣麥味

如果不喜歡熱香餅的話，也可以轉配白飯，但既然到此一遊，何不一試？

烤雞沒有傳統印度烤雞般濃味，勝在算香口，沒有雪藏味，肉質不老柴又帶點彈性

咖哩醬汁稠度合宜，不會嗆辣；要吐糟的是沙律和咖哩烤雞味道不搭，分開吃為上

小食時間，民心所歸Truffle French Fries with Sour Cream　酸忌廉黑松露薯條

儘管近日吃了大量炸物，但實在難抗拒厚潤香滑的酸忌廉及幽香輕滲的黑松露醬

薯條熱辣脆口，滲油情況未算嚴重，沒有油溢味，不過若有焗薯角的選擇就好了

安哥Strawberry Blueberry Banana Kiseki Pancake　士多啤梨藍莓香蕉班戟

上回在Flipper's已經嚐過，這次的梳乎厘班戟固然濕潤，並較細綿鬆軟一些

在此要先戴頭盔，畢竟食材份量、製作時間及溫度稍有差池都可能影響出品的質感

果肉保留一定鮮度，如此組合，也許是想以香蕉的甜意平衡莓果可能帶有的酸味吧

Bistro Bon-學生版

頹飯，相信是不少大學生的集體回憶

對比起中學時代有什麼活動時，去大學食堂食個飯的十幾蚊消費

現在可是跟著物價一起升到至少廿幾三十蚊先叫有個入到口又食得飽肚既飯餐

質素嗎？算了吧，也只是填填肚，維持生命而已

今日揮手暫別已被美心集團佔據的城大校園，來到旁邊的另一家九龍塘大學

不是說美心的出品讓人難以忍受，但長久下來校內校外的話又有點兒……

悶！對，就是有點厭倦，若果說某家店子用到其出品，如麵包，感覺上也比100%要好

有得揀好過冇得揀，簡單易明的道理

來到的不是浸大主Canteen，而是吳多泰博士國際中心那邊

這樣說一說，有點頭緒了嗎？午餐選址就是Biston Bon

就是早前教人驚喜萬分的名廚Ricky Cheung的那家，將Fine Dining及大學飯堂來個Crossover

可惜今回是趁上堂前竄出來偷閒，晚上的私房菜……大抵無緣了

只不過Fine Dining跟學校飯堂的規模及流程等一定是有著莫大的分別

至少平時追求精緻細味，現今則要變成快捷而又不失正常水準的出品

之前上網睇話會先煮到半熟，有單既時候再繼續烹調，預先就做好準備功夫

那麼食物又不會攤放過涼，令食味質感水準大降，同時也不用花太多時間去由頭做起

香辣烤雞伴牛油飯　$68

烤雞先以低溫慢煮約40分鐘，點餐後就會入爐烤焗

金黃成色，以及飽滿豐盈而不會油光滿盤，膩感十足的烤雞就上桌了

灑上的點點小蔥添份清香，大啖撕咬著雞肉的同時就不會太膩口了吧？

烤過後雞皮下油脂微溶，不過本就不算太肥，也只有淡淡雞油香

烤雞未算老韌過頭，保持到適度的濕潤，不過瘦肉來的，不多不少也有少許寡

幸得雞皮帶來的少許焦香及油份滋潤，亦有微辣的調味醒醒味蕾

即使不至於要拍手叫好，但都叫做合格，學校飯而言也許就已經合格以上

牛油飯飯量恰到好處，呈米黃色調的牛油飯粒粒分明

不是濕爛過頭的黏糊狀態，比起不少餐廳的油飯要好得多

油香緩緩地一陣陣傳來，沒有於秒間以油感填充口腔，拿掐得宜

若果醬汁可以再多些少，足夠撈一撈飯就更理想了

葡汁蘑菇豬肩肉飯　$58

對比起來，這碟就是醬汁滿盤的飯餐，讓我醬怪也滿足了

先切好至方塊粒狀的豬肩肉充分裹上葡汁，叉子一戳進去，沒有豬肉過熟或未熟的韌感

熟度剛好的豬肩肉綿稔可口，不見多餘的白白脂肪團，膩度也少一分

肉香嘛，普普，好在沒有雪藏味，也沒有腥味膻味

葡汁味道不會過份濃烈，表面亦沒有一層厚厚的油份

稠度不高，拌著飯吃，味道剛好，夠順口，而且有少少粟米的清甜作陪襯

飯粒依然是分明不爛，所之澆上醬汁後都沒有半點成糊成膏的跡象

間中來一兩口清清的蘑菇，要不就是沒調味的西蘭花，我就不怕膩呢

飽餐一頓之後，去膩消滯的黑咖啡是少不免的了

以如此價位打入學校客群，將Fine Dining及學生飯堂風馬牛不相及的兩者結合

不錯的理念方向，只是實行起來又不算非常的合意

或者因為這是個午餐，不是真正品嚐到師傅心思功架實力的私房菜吧？

等待著如果某天重遊舊地……

喜棧-外賣仔

校內的Canteen及餐廳每日款式都相約……應該是說每Sem每年都在吃同款

總覺得夠無聊的，可是（So Called）White Zone價位又高不少

通常去又一城食飯就只會去Cafe，Starbucks及Pacific Coffee等等

Food Court基本上是不會去的了，因為等到永遠，而且感覺上吃得不自在

真的太悶，外賣Food Court食物其實也是不錯的選擇

正值午飯時間，人流多得擠滿櫃台外，而座位？當然全滿座

不過這次做外賣仔，帶走的話就不用考慮有冇位食的問題

買完就等，外賣要包裝，需時比較久，不過包裝得頗妥當就是了

柱候牛筋腩　$80

單點牛筋腩，一盒中盛滿牛筋腩，沒有用大量配菜裝裝樣子去填塞

牛筋腩沒有想像中那麼稔軟鬆化，不嫩身，但也算易嚼

牛肉肉香仍在，也不覺怎樣腥臊，加上柱候醬的鹹香帶鮮，更是提味

腩肉旁邊附著半透的筋位，彈爽微黏，沒有附著過量脂肪，入口不會過膩

不會一整盆全是肉，也叫做有一兩條菜，清清爽爽的

蜜汁叉燒撈麵　$64（餐）

十分有趣的配搭，之前聽過蝦子撈麵、牛腩撈麵……配叉燒屬少見

大概因為喜棧有製作燒味，順便入饌，想出其他特別的餐點

外賣的話，一邊放上蝦子撈麵及叉燒，另一邊則是蠔油

叉燒份量很多，現在去吃個叉燒飯什麼的，通常只有寥寥數片

厚薄適中，色水帶橙紅微焦，不過主要還是白白的部分

肉質紥實，不算鬆稔，但富嚼感，不會像是用鬆肉粉製作那麼綿身

撈麵幼細，煮得剛好帶點煙韌彈性，不怕水爛得過份

本身拌有粒粒蝦子，已經略帶鮮香甜美，沾上稠身帶鹹的蠔油，愈可帶出鮮味

魚湯油菜（餐）看外觀還以為是湯麵的湯另上

說這是魚湯油菜，湯頭應該也不會強差人意，先嚐嚐再說

魚湯未會太過油膩，加上菜葉的點點清甜滲透，入口不會完全像單有鹹味的味精湯

而油菜用上菜心，份量多，爽爽甜甜的頗為清新

蝦子鮮蝦雲吞麵　$58（餐）

為友人點的湯麵，下單的時候忘了問他們是否湯麵分上，離開時總有點不安

還記得中學時代叫外賣，平價飲食，湯麵不分上

結果送到學校，拿回課室，打開碗蓋……糊了，糊得爛化了

這個一打開時還以為吸收完湯汁，因此表面無湯

但左右抖抖，根本不覺有湯的蹤影，袋中又沒有另一碗湯，還打算倒入魚湯

才發現原來有夾層，配料及麵就放上層，拿起可見湯

鮮蝦雲吞皮薄透餡色，從白中帶黃的外皮就可見中間滿滿粉紅餡料

大口吃下，其實也沒有期望太多，畢竟是Food Court食物

就算是這個價位，也只當幫店方交租，又一城可不是平租地

不過這個雲吞也算足料，可以吃到蝦肉一點爽口，豬肉也不肥膩

而麵條還是那雲吞麵，但因為湯麵分上，沒有吸收過量水分，條條分明無誤

清爽，幼細卻未會粉爛，亦不見過份的乸口的鹼水味

點湯麵餐選配的是魚腐魚蛋（餐），各兩粒，連湯盛上

魚腐外皮略有炸後香氣，不覺油溢，可是有點膩

咬下去是綿身稔滑的，比起平時吃的魚腐，少了份韌感

魚蛋為白魚蛋，不是炸得金黃，街頭小食那種黃魚蛋

也屬綿稔，輕輕魚肉香帶過，還有點點彈爽

外賣拿去另一個城內小世外桃源，沒有大量植物圍繞，卻仍吃得舒適又有景觀

室外位置雖然熱辣辣，但不時有微風輕送，感覺不太辛苦

比起困在Food Court之中，四面八方都是人，焗促，不是適合進食的地方

不過想想，去Food Court亦只為填肚，不會留意是否食得開心自在，著重點不同

生活步伐急速，在種種限制之下過活，真要花點時間調適了……

Sweetology-純白的

Sweetology未開業之前已經有留意到

係又一城既指南都會顯示佢既logo

今次經過，原來試業啦，仲係第三日

直到11月17日，只開下午兩時至十一時，以及係只收現金

即刻急搵窩夫愛好者朋友過黎一齊試下佢:^D

餐牌設計精美有格調，清晰易暸

選擇款式多樣，除左有今次揀左既窩夫，仲有班戟、可麗餅……連中式糖水都有！

環境感覺十分高級，以純白為主調

大理石既地面同枱面都好有高貴感覺

整體裝修好適合影相架，只可惜係燈光分佈不平均就失色左啦

服務都唔錯既，起碼會儘快應先

雖然問職員餐點既問題就唔太回應到，但佢地好肯幫手去問廚

仲要之後係有回應既！唔係話扮幫你又走左去咁

睇隔離枱，似乎店方都好肯聽意見，會在乎客人既睇法

Valrhona Chocolate Marshmallow Sandwich with Movenpick Icecream　$78+10%

一上枱真係有點驚艷，單睇賣相就感受到店方既用心

因為同佢餐牌入面既相片只有甚少出入……就係左右擺位既分別

試業期間可能客流量不高，且看日後既質素及穩定性了:^)

窩夫製成三文治，中間夾左棉花糖……

好啦唔講咁多，試左先！！！！！

窩夫外層微脆，內裏香稔軟綿

表面仲有薄脆既果仁片，增添香氣

本身已經係用朱古力粉漿，有牛奶朱古力既啡色

帶有淡淡朱古力香氣，表面淋上朱古力漿作點綴

咬開即可發現一大堆密麻麻微溶既Valrhona朱古力碎……

「朱古力」呢個詞究竟要出現幾多次？XDDDDDDDD

甜中帶有苦香，味道濃郁，可口順滑卻沒有一絲膩感

中間夾既棉花糖係大大粒既，綿香有彈性

仲要稍為烤過下，焦香金黃，溶溶地好吸引

只係始終有少少棉花糖既明膠味道？

雲尼拿汁細滑香濃，味道清甜自然，感覺不膩

一旁既焦糖脆脆香脆可口，焦糖香味濃重

食後稍有黏牙，不過唔會過於甜膩

雪糕又係重頭戲了！

Movenpick既雪糕非常足料大家應該知，店方亦大大球上碟不手軟

果仁同朱古力既味道互相交織，濃滑細密，易入口既甜度又怎能抗拒？

整份既窩夫三文治十分鐘就解決了

朱古力係重到想像唔到

睇餐牌見佢價錢都係六七十蚊，平時見有唔少伏野都係差唔多價

仲要開係又一城，大概有部分都係租啦，食物質素用料……

加上試業中又唔係連鎖店，都唔知係咪得個樣

連個中意食窩夫上哂腦既朋友都表示懷疑，唔係好想特登黎試

但結果係我地決定要叫埋其他朋友一齊掃MenuXDDDDD

希望正式開業後我地約到個……少人d既時間啦-____>-

2/3 Dolci-三分二

那天

從Project偷溜出走的半小時

我品嚐了甜點……

Mini Chiffon Set　$32

啡色應該係榛子味，不過香味好淡，味道好soft好mild

紅莓味就濃少少，食得出佢微酸同清香，仲有d紅莓籽碎:^)

綠茶味甘香不苦，香味好濃烈

全部既chiffon cake既濕軟又有彈性，氣泡大小平均

而且不油不膩，可惜既係太少啦XDDDD

Duppio Espresso　$25

環境清靜舒適，清潔衛生

特別要坐我最中意既高枱高櫈XDDD

Oliver's-焗薯日

之前Lunch試過Oliver's既焗薯，覺得都不錯，同d材料好配合

因此……今次就盡力食焗薯啦XDDD

蜜味雞肉焗薯

醬汁帶甜味，配上雞肉又好Match唔會怪，同BBQ落蜜糖差唔多道理

雞肉不肥，冇雪味腥味，份量剛好夠配焗薯不覺太劑

德國腸芝士焗薯

同鹹牛肉用既係同一款芝士

鹹香味好濃，帶微甜

同埋唔會一凍就硬哂，係芝士醬咁既

德國腸有d香草味，味道不太濃，又唔會好肥膩咁

煙三文魚沙律蛋沙律焗薯

蛋沙律重蛋香味，甜甜地，醬汁唔算過多過稠

煙三文魚沙律雖然酸甜帶鹹味，但煙三文魚畢竟帶油

加上多醬就有點油膩:^|

一旁配上蕃茄沙律，酸味好清新

就算加左麻醬，因為用量少，只係會香同開胃，唔會好膩

Oliver's-紅絲絨

食完飯本身諗住番屋企

但突然見到Oliver's又想試佢d蛋糕（食下午茶果次已經想加點

好多人又冇fd幫手霸位

最後同人搭枱下試左最近新寵:^)

Red Velvet Cake

我覺得賣相幾靚，佢有d裝飾同埋暗紅好靚

cheese部分香而不膩，最後微酸感好解膩

蛋糕體帶點點濕潤，朱古力味輕淡

整體還可以既，唔係雪到乾哂硬哂，但唔會專登再食囉:^|

Chocolate Cake

其實個全名就真係唔記得左，好似係咩truffle咁既

一睇個色水好濃，係深啡黑色，似乎會好膩咁

面頭有朱古力粉，偏苦，但唔會過多而黏口

朱古力味香濃，整體感覺濕軟細滑

蛋糕體部分層層分隔，厚薄適中，因此中和到朱古力本身既膩感