世事變幻，種種變遷告訴我們時光不復再，昔日認為理所當然的事物其實並不如此
單指飲食方面，曾經人頭湧湧的Gimmick熱店相繼結業，還有數家老店亦決定離場
（在此不能下劣幣驅逐良幣的定論，畢竟當中也有些是質素參差的伏店）
不過在紛亂之中，看到一些買少見少的街坊店開始受關注，總算是令人欣慰的一點
久仰明記咖啡糖水小食，據聞同路之餘，質素不錯而穩定，屬抵食推介
但平時少到港島東，加上西灣河又不是大眾消閒去處，只有專程前來才得以一會
順帶一提，附近大街有間差唔多名，記得要認明招牌（西灣河街110C及114號）以免炒車
芒果木槺凍餅 $42就如雪糕蛋糕，上桌時外形不扁塌，較預期中更為冰凍硬實
比起平時木槺布甸的鬆綿奶潤，眼前的木槺凍餅重冰感，甚至到脆口的程度
所之先將其放置play一下，看看暖化融冰後境象何如⋯⋯
結果是表面軟化後重拾木槺布甸軟綿感，但中心依然冰凍，也許這本應如此？
尤其是大塊果肉，咬落有幾分似雪條，不過若在炎夏時分，吃著透心涼就沒差
另有最經典的原味及抹茶、士多啤梨、咖啡、榴槤、Oreo等口味以供選擇
（估計想食到軟滑版就要揀番杯裝木槺布甸，但只有原味及Oreo兩款）
雖是獨毒食，但想著既來之，順道多點份西米露芋圓豆腐花 $35也不為過（應該係）
由於店家並非主打台式甜品，所以不抱太大期望，見其為自家製作，預先加了心思分
芋圓、番薯圓及紫薯圓煙韌不糊爛，帶微微香甜，伴滑溜豆腐花及西米等樂得清新
如果想吃得傳統些少，這裏亦有腐竹雞蛋糖水、芝麻糊及紅綠豆沙等等
更不乏細個時好興既生果撈涼粉、乜乜冰沙綿綿冰、班戟及糖不甩之類的款式
每碗三十左右，價格算正正常常，閒來無事偕友來嘗點甜亦無不可
