李家-甜和辣

聽朋友講李家炸雞好好食

但一直約唔到一齊去試

話說附近應該冇咩出名食韓式炸雞既食店，呢間真係獨市咁劑

成日見要排好耐隊又要限時食咁

聽人講食冇用既，今次真係一試便知龍與鳳:^)

約左一個好耐冇見既朋友，結果兩人放縱到XDDDDD

甜辣炸雞

炸雞真係好香脆，雖然連雞皮炸，但唔會感覺油膩

連我呢個唔食雞皮既人都忍唔住連皮食

雞肉好香，冇雪味，熟透哂好放心食

醬汁十分濃稠，食落甜甜辣辣好似炒年糕既醬

雞件沾上醬汁後，份外可口，真係食極都唔厭咁

醃蘿蔔

佢呢度既醃蘿蔔係偏酸

清新開胃，仲夠哂爽脆

蔬菜絲

都係好清爽好新鮮，可以解膩:^)

芝士海鮮年糕鍋

份量幾大架，上面既芝士厚厚一層，真係牽哂絲咁

芝士味香濃不膩，加上焗過既焦香味，正哂

海鮮佔量多，對比番貴價，算係值番D

烏冬彈牙不黏爛，年糕煙韌有嚼勁，配上辣醬當堂冇咁劑

不過我都係覺得多人食先好嗌，我地失哂算兩個人叫三個菜式，食完真係會好飽

魚糕湯

魚糕份量好多，唔係一大兜湯得幾片果種

湯既味道未見過濃，辣辣地好重椒味

食落唔會好油膩，又有魚糕既甜味同咬口，可以一試

當晚兩個人就咁解決左三個菜，真心超飽

李家既食物係貴價但份量夠大，同埋味道都不錯，性價比都可以接受

建議組隊去食李家XDDDD

韓雅林-牛肋骨

話說同呀媽去CWB，佢就會叫我去食呢間韓國野

佢話以前食過幾次，d野好食，不過貴少少

咁既然同佢一齊出去，順便試埋啦一於

前菜

有好多款式，感覺上好認真

我中意既除左菠菜豆芽之外，蓮藕同薯仔都不錯

一食落口係偏甜既，但慢慢會有d鹹味出黎中和番，開胃可口

牛肋骨煲

呀媽話之前食過好味，份量又多，就單點左黎試

味道鹹中帶甜，不過又唔會好膩，係有d牛肉既鮮味肉味

牛肉好入味，雖然有少少肥，但有時會食到d膠質，十分甘香

蘿蔔煮到入哂味變哂色，仲要外稔內爽，唔會淋到泥狀，當清下味蕾

泡菜煎餅

酸辣味道自然不過嗆

用料好足，主要係泡菜唔係粉漿

份量算多既，不過又香又開胃，話咁快清哂

邊邊香脆帶焦香，其實都幾好食既

紅棗茶

細細杯，但味道好濃

重甜而味道自然，唔係過量糖既死甜味

糖朝-滑到點

又係一日假期

又係同呀媽食

午餐後又係要食下甜品XDDD

銅鑼灣……咁多選擇，食咩好呢？

想試新野但又唔想咁飽劑……

「我想飲下野……」

「咁去希慎果邊睇下啦。」

杏仁豆腐花

好滑好濃豆香既豆腐花

甫到嘴邊，白玉化成濃漿，由齒縫徐徐滲入

加上杏仁既微微香氣及甜味，就好似食緊糖水

不過豆腐花係保持固體，直至食入口先瞬間溶化

講真我由細到大都好中意食豆腐花

記得我細時，婆婆買餸會專登買兩碗俾我

十幾年黎出名無名連鎖小店堂食外賣，試過好多間

糖朝豆腐花既品質比一D出名豆製品店既出品更佳

（我指我食呢次，如果你食過或因而食完覺得唔好食與我無關）

椰汁

只試飲，唔多記得佢係配咩（紅豆？

但一入口係濃郁既椰香，冇香精香油既人工味

可能凍飲，完全唔覺膩，好清新