恭和堂-龜苓膏

最近食既野都好熱氣咁

燒、炸、煎、炒、焗……

仲要好夜……唔係！係好早先訓

真係瘋狂到日日人地去晨運我先番床訓

感覺好熱氣好上火咁……唔理啦食下龜苓膏先

龜苓膏（標準）

非常細滑嫩口，唔會有大氣泡唔會有粒狀物係入面

味道苦中帶微甘，仲有淡淡藥材香氣

我自己幾中意苦苦地既野，因此係沒有加糖，亦食到佢最原味

個人認為熱食對身體會好少少，至少唔使腸胃調溫xd

環境都ok既係可能有少少窄少少逼

衛生合格呀，起碼佢枱面唔會黏笠

有時d人落糖漿會搞到成枱都痴笠笠但佢還好:^)

服務可以既

其實而家既涼茶舖冇以前咁串嘴咁惡死

記得細個果陣去，揀野食嗌慢d，又或者點得少都會俾d呀嬸黑面

講真果陣當堂d火升番哂黎，飲一加侖廿四味都睇怕降唔番xdddd，但又係回憶

儘管如此，我係唔會專登去服務態度差既地方食，例如……唔使例如，就係澳牛

不過講到恭和堂，我都係中意去番尖沙咀果間xddd

Rosedale Hotel Hong Kong-Skyzone-午間嚐

以前成日搵Semi-buffet去食
位於銅鑼灣珀麗酒店既星域其實是list中之一
但一直冇去試
今次係諗唔到食咩好既時間突然腦海浮現了它的名字
那好吧就這間試下姐:^)

Semi-buffet Lunch Menu由$148+10%起

Salad Bar同Dessert Bar都係buffet形式任食既

仲有幾款普通飲品可以任飲:^)

另外就會有個主菜，如果要安格斯肉眼則要多付幾十元了

雖說當日係平日，但都幾多客

同埋餐廳似乎唔係好多位

要試既話我諗最好訂位，又可以訂靠窗卡位，落地玻璃幾好view:^)

我地walk-in就冇得咁要求，因為而且full哂窗口位

Salad Bar

三文魚刺身

唔好期望好高質素，都係切哂一大碟拎出黎冰鎮既

講真刀工就……真係一般啦，但佢都算係厚切

油香不算重，感覺亦不膩，至少佢冇腥味，有淡淡三文魚香

都冇咩筋位，肉稔得黎有嚼勁，唔會話係好霉果種，色澤都係合格既橙紅

菠蘿火腿沙律

講真呢個係我呢餐最中意既沙律xddd

菠蘿十分juicy，味道自然，唔係糖水罐頭感覺

甜中帶酸，令人覺得好新鮮好開胃

火腿係薄片果種，但味道不會太濃烈，沒有破壞清爽印象

雜菜沙律

有好多種蔬菜，如青瓜、紅腰豆、栗米等

沒有太多調味，主要靠蔬菜既原味，反而更是清新

青瓜好爽口，食落又多水分，解膩一流

蕃茄沙律

酸甜清爽，蕃茄好多汁，微凍食左幾開胃

佢其實真係淨蕃茄咁唔會有芝士等等，食落好清

西蘭花忌廉湯

佢地整得算係濃稠，可能會有點膩滯感

西蘭花味帶清香，會見到湯入面都好多西蘭花碎

湯味偏濃，幾creamy，但忌廉香不重

豬肉燒賣

其實呢樣野會出現都係幾神奇既事XDDD

燒賣外皮也許有點濕潤破裂了

餡料都好足，食落香口又唔會太油膩，實身並非填粉呃稱既，調味亦剛剛好

估計係外面交貨？怎樣都好，我覺得選貨揀得ok囉xdddd

花生雞腳湯

呢個真係幾神奇，呢個湯好少係semi-buffet會出現XD

花生香氣濃郁，加上雞腳既少少鮮味，飲落幾自然足料唔人工

不過都係有d油，同埋味濃而集中，都係淺嘗輒止

Main Course

香煎龍脷柳配芒果沙沙

賣相都幾正常既，感覺唔會好突兀

龍脷柳煎得好熟，魚香頗鮮，冇雪藏味及腥味

肉質偏老但不乾不柴，入口彈牙爽口，外層更是有少少焦脆感

調味得宜沒有蓋過魚味，如果可以煎得嫩滑香口則更理想

芒果沙沙清新帶酸甜味，因為係稀身既，唔會太稠太膩滯

鮮香仲有果香味，與煎魚同食解膩之餘又帶出另一味道層次

碳燒牛柳配燒蒜汁

牛柳叫左七成熟，容易切開之餘又不韌口

輕輕一壓已是肉汁滿溢，沒有血腥味，反之是濃濃既牛肉香氣

外表帶重焦香，沒有太多苦焦味，卻是能鎖住肉汁，保持牛柳濕潤度

外層既肉燒熟，乾身但不老柴，易咬易食

內層帶粉紅色，肉汁豐潤肉香濃郁，都冇筋位唔會黏牙

蒜汁有輕輕蒜香，沒有嗆感，味濃但份量得宜不會過了頭

薯蓉香滑可口，細緻不膩帶點奶香

置於牛柳之下吸收肉汁後更是惹味

Dessert Bar

麵包布甸

麵包香脆帶焦香，有少少嚼口是可以的

可惜佢布甸部分過老，乾身得似煎全熟蛋

而且又有好多大氣泡，食落好粗糙，沒有細緻嫩滑的感覺

雲尼拿汁甜得黎有少少雲尼拿香味，但偏人工香油味

順帶一提係當日雲尼拿汁沽清都冇職員去添補……

仲要布甸係咁乾身既……教客人如何吃？

朱古力慕絲蛋糕

一睇個樣以為係伏，但點都想試下先下定論

豈知佢既mousse部分係細滑嫩口，重點係甜中帶苦香

配上表面既朱古力漿，朱古力味甚是香濃，膩感不大

整體係出乎意料既正常，亦沒有人工藥水怪味:^)

芝士蛋糕

芝士味不重，帶檸檬香味，感覺好creamy

蛋糕底覺得在我角度不討好，我都係偏好餅底

佢既蛋糕底……唔知點解我覺得好舊底街坊餅店咁……

但家人又幾中意食（？），原因不明不過我就transfer埋俾佢啦XD

合桃露

凍食既，係dessert bar任斟

合桃香氣算濃，味道夠自然，細緻冇粉粒

甜度不高，但幾濃稠，感覺有點油膩

新鮮水果

唔知一開始係有d咩揀，因為去到都已經係人地食左一半既時間

但我幾中意佢有新鮮菠蘿，味道清新爽甜，多水分好啱現時炎炎夏日清新開下胃

雪糕

有兩款味：咖啡及草莓

唔多見酒店會用Pappagallo雪糕

咖啡味偏甜，香氣頗濃，奶香細滑，感覺不錯

草莓味更佳，食落有草莓籽，清新香甜，仲有少少果酸味，十分自然

係雪糕櫃側擺放左幾款配料，杏仁片穀物片等任加

飲品

佢有兩款果汁同埋咖啡紅茶等任飲

果汁酸酸甜甜幾開胃，有果肉，成個感覺係好天然咁xd不會過甜

咖啡果d基本款唔多講，奶係熱住既，沖落咖啡紅茶唔會咁易結塊及影響溫度

Cambo-城中泰

話說先前食完飯經過

見到佢地既「本店推介」都幾吸引

決定下次出尖沙嘴食飯要試呢間先:^)

環境算是開揚，特別在於佢有幾張枱係開放式向商場內部

職員當日就係安排我地坐果邊，但有個問題係唔夠人手

主要果邊場我就唔清楚，只係我坐果邊就好難叫到人

要等職員經過或上菜既時候先有回應

餐湯

調味不濃，稀身唔會一黎未食野先飽滯

帶有淡淡芫茜香氣，唔會太嗆口

感覺未算過油膩，主要油份不多，都係浮係表面

原隻菠蘿焗飯（餐跟湯跟飲品）　$72

上桌份量普通，不算很多，但予人一個真材實料的印象

賣相精美吸引，三隻蝦紅潤鮮色，感覺新鮮，食落都彈牙可口

入面有肉鬆雜豆等材料，飯量一般

飯底軟身，米粒粒粒分明，黃薑香氣濃郁而不油膩

菠蘿肉鮮甜開胃，水分多，因此會稍為讓飯底偏濕潤

菠蘿底部已去釘，可以挖出菠蘿肉:^0

泰式青咖哩軟殼蟹鍋配法包　$80

就係為左佢而黎！

上枱後職員會點著個爐頭，一路熱番青咖喱鍋

軟殼蟹炸過，香脆惹味，食落有點油膩，點左咖哩反而少左膩感

呢個青咖哩感覺溫和不會過辣過烈，滑身微辣

椰汁香濃郁，感覺頗為自然

鍋內仲有不少蔬菜配料，帶點清新感

法包外皮硬身帶韌性，沾上咖喱後甚是香口，內部軟稔易嚼，外皮帶點嚼勁

食到鍋底就見到整咖哩既香草碎，色澤青綠算新鮮

可見係好自然唔係單靠咖哩醬汁調味既

東大門-韓風起

睇完電影Chef之後突然好想食肉

（對不起地球，是我的錯，我有罪

反正黎到旺角，不如去食韓燒啦咁多間可以揀:^)

係MTR出到黎，咦係喎咁耐都淨係去梗果幾間，東大門見有朋友食過但冇親身試過

咁就呢間啦:^)

早到既時間冇咩人，雖然有d預約左，但我地都仲係有……包廂？XDDD

感覺多左私人空間:^)同埋可以邊望住崔秀英邊食肉（做咩姐你……

 各式前菜

青瓜微稔，唔夠凍:^(

但清清地，加左醋酸酸甜甜都幾開胃

魚蛋條甜中帶點點鹹味

感覺唔會太甜膩，爽口不油

粉絲唔係韓國果種粗身彈牙既，佢係幼條

不過煮得剛剛好唔會太稔爛，味道亦可以，不算很油

大豆芽同芽菜仔都好爽口，食落清新唔會話太重調味，亦未見過油:^)

泡辣蘿蔔酸辣爽脆，辣得黎唔會嗆，夠入味

蘿蔔充滿水分，又冇白蘿蔔本身既青澀味:^)

咸魚仔十分脆口，易咀嚼唔會過韌過硬

鹹中帶甜，作為小食係幾惹味

可惜係佢好多都係好零碎，真係夾得起既只有寥寥數條/__>

青菜其實係菠菜，清新不油膩，邊食肉邊清味蕾也無不可

薯仔綿密可口，鹹甜既味道互相配合，減低膩滯感

只係如果中意爽口薯既話就未必啱啦:^0

椒鹽雞翼香脆惹味，調味得宜唔會過鹹

雞翼好大隻，煮得夠入味，冇雪味冇腥味

但表面有點兒油膩，都係食一隻兩隻就夠了:^|

 燒烤美食

講真我覺得呢度既肉食都ok架

至少佢唔會起勢咁醃，搞到淨係食到有甜味

我知韓國本地都係好興醃到d肉甜甜地咁食，但問題係香港好多搞到冇哂肉味

食左d咩肉係完全唔會知，因為同一個味-__>

呢度既肉係真係有番少少肉香，肉汁原味咁，食落都冇咁甜膩啦

不過覺得佢地好多都漏，唔知無心定有意啦，點左兩輪蠔同青口真係半隻都冇上過-__

牛肋骨要點XDDD佢近骨既肉比普通位置好食少少

感覺軟稔嫩身，肉味算是香濃，同埋唔多脂肪位唔覺肥膩

八爪魚仔都幾大粒，食落彈牙有嚼勁，冇雪味冇腥味:^)

石斑魚感覺雪到好硬身一條咁

燒完之後係乾身，肉質不可說是嫩滑，但食落好爽口又唔腥

牛脷薄身，大小適中，牛肉味幾香

其實唔使燒好耐，脆口帶點焦香就最好

食落爽得黎有少少咬口，但又唔會太韌去到咬唔開既地步

豬排骨就麻麻啦……佢切個骨位有d難咬有少少界口

中間豬肉位燒完韌身要食到肉就更加困難了/__

名廚美食

豬腳係薑醋版既，炆得非常軟稔可口，夠哂入味

豬皮柔軟又夠清潔，膠質好重，充滿骨膠原既感覺

不禁食了幾件，都唔會覺得油膩，甜醋不會太稠身，甜甜酸酸甚是開胃

滷水雞腎食落算爽口，稔身易嚼不過韌

係幾入味既，當小食食都好香口

人蔘雞湯入面真係有dddddddd蔘碎條既

但湯……飲落去真係唔覺有蔘味囉，不過一早預左所以唔係咩開心大發現

雞湯底……說實話連雞味都唔覺有，再見//

豆腐湯係清既，冇辣，又唔濃味

豆腐同湯料都俾得多，但豆腐得個滑字而冇豆味……算啦//

炸蕃薯炸得好脆，但外皮略嫌太油膩了

蕃薯味道清甜，纖維絲不多，綿軟香甜

泡菜肉餅餅底厚身，外脆內軟，味道微微酸辣甚是開胃

沒有細看餅既結構，唔多覺有肉，但食落唔會好膩

煎蔥餅餅皮厚身軟糯，外皮帶點焦香帶點脆度

但……認真佢叫蔥餅唔係叫大餅？蔥……係邊？我搵得你好苦;^(

炸咖哩角薄脆不膩，不過講真唔知佢係咩餡

真心好薄，係薄到入面有咖哩味，但餡係冇存在感既

椰汁糕有聞幾係野……至少我係吞得落既

椰香就算數唔講啦，佢糕身係好易爛好易斷開唔實身既

食落有點黏稠感覺，甜度剛好，唔會太濃太甜膩，正常既

腐竹糖水都足料既，聽我講點呢個做sweet ending大概會好過椰汁糕……

甜度不算高，食落清清地

腐竹量多，綿滑至入口即化既地步

不過佢蛋花就有待改善，佢係會落到一大團咁:^0

整體黎講真係……一般般

我就唔會話有幾想再去架啦

服務普普通通，真係一dd員工咁，仲要係唔同時段佢地態度唔同

漏單呀唔記得野真係常事，但又未去到會鬧人咁既

（睇番以前有人講係度俾職員鬧，但如果講到係鬧既話我真係唔會忍……

少少耐性都唔想俾佢，老子也不是省油的燈就是了）

Chips Republic-惹味薯

之前有一段時間吹薯條風XD

成日見朋友去食薯條加哂醬好吸引咁:^0

但我自己對薯條呢樣野就一般，唔會話太中意

因此想試都唔會專登去買黎食

今次係一個瘋薯兄……姊妹話想試先會有呢個機會食既xddd

點餐後會有收據同通知器

準備好就會通知客人去櫃檯取餐:^)

待餐時有咩好做？

醬怪當然要去爆拎醬啦XDDD（真係用得哂架冇嘥唔係用黎玩-___>

有茄汁、黃芥末、Tabasco、HP醬……

黑松露芝士薯條

黑松露芝士醬既份量其實幾多下

本身就咁睇面已經覺得唔係呃秤

點知翻到底原來佢仲有好多流哂落去沉哂底（Y）

芝士味香濃，可口滑順卻沒有油膩感覺，鹹度不高

黑松露用量不少，香氣濃郁而溫和不嗆，越嚼越香，感覺深邃

薯條呈金黃色，沒有出油泛油光，可惜有點軟身，脆度不足

整體份量都足架，唔係話得幾條就算果d:^)

炸魚薯條

炸魚唔係英國傳統粉漿炸既方式，而是用回帶點吉列既方法

外皮乾身脆口，未會太過油膩，炸粉不算太厚

魚肉全熟但仍保持水分，雖稱不上嫩滑，但易入口是不容置疑的

一旁的焗豆已加熱（Y），沒有罐頭味，酸酸甜甜幾開胃既

薯條金黃微脆甚是香口，沒有特別調味……唔緊要！我地大把醬！

香蕉奶昔加Oreo

甜度高得黎帶有香蕉清香，非死甜類型

奶昔濃稠不黏口，係好甜架啦但唔會甜到膩既

Oreo碎反而多左層餅香，甜度比milkshake低，又有點脆度

飲落個感覺唔係一味香蕉味，個人認為會冇咁寡

百利甜酒奶昔加Brownie

Bailey's夠香，酒香不重但甜度味道猶在XD

呢杯既感覺好厚，奶香酒香都好濃郁好Creamy好重身既，怕甜膩請試其他

重點係我地加埋Brownie XDDDDDDDDDDDDD

Brownie都幾多既，細細粒，朱古力味十分香濃，質感亦是實身有嚼勁的

環境幾清潔整齊

我地揀坐吧枱位仲可以望住遠……景（興建中……）食野

觀景吹水也算是賞心樂事吧？XDD

圓方本身都唔係太擠擁吵雜既商場，坐、食同Hea都舒服自在清靜好多XDD

另外係佢坐位都多，又夠哂位夠鬆動

見到有大長枱，一班人黎食都好爽下xddd

好好-有耐心

同朋友去到佐敦都下午一點幾

想求其食「少少」野之後去食下午茶XDDDD

最後搵到呢間上海野

地點好就腳一出地鐵站轉左轉左就係:^)馬路都唔使過

擔擔麵套餐　$42

個餐就係送一杯自家豆漿，可選熱或凍:^0

咁我地兩個人，可以揀兩款唔同配料既share是不錯的xd

豬扒一款都有幾塊，更有帶骨豬扒（個人認為好食d，特別係骨邊肉

好入味，帶點香茅香，冇羶味雪味腥味

肉係熟透既，實身，但不必驚慌，佢係一咬即撕開，唔會太韌太難嚼

脂肪帶不多，頓時肥膩感大降

牛肉一款有幾片肥牛，真心係肥既多脂肪位，不過整唔走唯有照吞食

牛肉唔算太薄片，還是有點咬口的

肉味幾香既，可惜真係過老過韌了

基本上我是咬不開的……唔想嘥野我真係成舊吞左佢，但感覺真的麻麻

擔擔麵底係幼麵，滑身得黎條條分明冇痴埋一舊

不過講明先佢唔係散到一條條咁既「條條分明」

我既意思係麵條仲係一捲捲卻沒有黏爛

保有少許咬口，咀嚼間還嚐出點麵香來了！

湯底重花生香，但感覺唔會太油膩，帶點辣度更是惹味

蔥花既清香解膩之餘亦增添了一層香氣

豆漿

飲落幾清既，雖然有糖但唔算太甜，豆味清

服務方面其實是不錯的

我地係度諗左好耐又選擇困難症既時候都冇催促同黑面

另外同場加映有多要求既顧客，這裏就不說她了（公開平台唔想黑人

講真平時餐廳仔晨早就趕左個人出去，一唔係就加料招待佢

d姨姨都係好心平氣和同佢對答，盡量滿足佢要求（Y）

翠亨邨-點心熱

好耐之前係Mira Dining既網站睇到有點心放題promotion

其實一直都想試翠亨邨，但約唔到腳單挑好冇癮既

點知過左一排仲上埋雜誌

見佢影出黎已經係座無虛席，大概出左報導會有更多食客

本身諗住都係冇望冇得試架啦，點知朋友竟然話一齊去，咁梗係要試試啦

為免冇位，我地早早剛開門就到左啦:^)

門面幾有特色夠藝術

元素是走香港復古懷舊路線，但佈置舖排又有設計感

環境不錯，坐得好舒服又夠哂位郁動

得意既地方係佢有個卡位（？）（如相中可見）

感覺有點新意，唔單係懷舊風

任點任食Menu有好多款式選擇既

由前菜到點心到甜品都有

唔係話俾你任食就求其得幾款咁

但朋友係唔食得辣果種，比我更甚，因此我地冇點到辣既野

星期一至四$128已包茶芥加一

原本係上午11時至下午3時無限既

但人流太高，當日我地係12:30p.m.就要交枱

前菜小碟

椒鹽豆腐粒

外皮炸得香脆，薄身得黎香口不油膩

熱度剛好，入口即化，豆腐綿軟得不行

仲有脆口炸蒜（？）同埋椒鹽調味，惹味可口，encore必點！

麻醬鮮淮山

淮山帶有清香，唔會有令不少人反感的藥材味（我倒是很愛

入口是出乎意料之外的綿密，原本以為係硬身實身偏脆口既

配上麻醬，微甜微酸，芝麻香十分香濃，整體可口吸引

陳醋青瓜

青瓜新鮮爽脆而多水分（唔係出水果種）

陳醋酸度一般，香氣幾重幾濃，甚是開胃

上海肴肉

肴肉切成薄片，晶瑩吸引，感覺比厚身既清爽

鹹香味道重，質感爽口不膩，更有點兒彈牙有嚼勁

精選點心

筍尖鮮蝦餃

蝦餃外皮晶瑩剔透，彈牙又不會過厚

蝦肉幾大粒，落足料，鮮美爽口好正:^)

筍唔筍尖我就唔係好分到啦，但幾清新嫩口既

調味亦得宜，不會蓋過餡料既鮮香味

潮州蒸粉果

皮唔會好厚，又唔會好黏爛:^)

入面好足料，有蝦有豬肉又有蔬菜咁，爽口味鮮

另外係佢有d水分，可以話佢入面係有汁咁

鮮味不油膩，更加嚐得到食材既味道

北菇蒸燒賣

一睇個size都大既，粒粒飽滿

面頭有蝦仁，彈牙又鮮美，但怪怪地係有d凝漿，大抵是粟粉水結糊

食落好足料，濕潤保持水分易入口

肉香加上菇香既配搭真心ok，菇味鮮唔會奇奇怪怪:^)

蠔皇叉燒包

賣相還可以，未知味道如何？

餡料份量不算多，但可以接受既

叉燒味道普普，平時聽不少人讚翠既叉燒正

或許是因為太多醬汁掩蓋叉燒香味的緣故？

薑汁雞包仔

外表同叉燒包相似，我地都係分唔到照食左先xd

雞包餡料份量都可以接受

雞肉唔多肥膏，真係有肉香冇雪味既

可惜……薑汁？認真我真係唔覺有薑汁味……

爵士奶皇包

張開大口一咬……「嘩！好熱！」

奶皇餡幾乎要流瀉而出，想馬上用口接住，卻怕了那燙口感覺XD

餡料黃得黎顏色自然，香滑不膩

甜度適中不會過重味，食完唔覺太heavy

腸粉

皮薄晶瑩，彈牙可口，感覺細滑而不濕爛

不過佢幾款既通病都係太多皮，真係食皮都會滯

蜜汁叉燒味道不濃，叉燒偏瘦但夠水分唔會乾柴

陳皮牛肉富陳皮清香，只係牛肉也許太滑身，食左都唔覺有……

韭黃鮮蝦都可以的，蝦肉鮮香爽口，韭黃淡淡清甜也算配襯的

高湯牛肉球

牛肉球嫩滑不膩，帶點肉香，味道輕淡

但個人認為過於鬆散易爛

高湯清澈，沒有油膩感，調味鮮味自然，唔會太重味

也許因用高湯浸，食落冇咁油膩，濕潤易入口

蠔皇鮮竹卷

腐竹豆香重，滑身綿軟可口又不易爛

餡料好足，整個係好飽滿又有鮮香味，入面既蔬菜幾爽口

配上少少蠔油，微稠可以掛上鮮竹卷

但味道又唔會過濃，只係香口不膩:^)

順德魚皮餃

呢個真心幾正，完全一口大小但會食唔停口

外皮微硬但係好易就咬開既

一咬就是爆汁的感覺，肉汁豐富，包係硬實皮層內不會未食先漏

睇個汁好似好濃味咁，但其實係剛剛好，反而更帶出肉香鮮美

蜜味柑桔雞翼

外皮十分香脆可口，而且係冇油膩感既

雞翼係熟透左，冇雪藏味冇血味

柑桔味甚濃，酸酸甜甜都算開胃

不過我總覺得有薄荷味，唔係太中意

沙律明蝦角

炸得好脆口，外層只係有少少油，唔會泛哂油光

皮薄餡多，蝦肉都係好鮮香

沙律醬卻是有點怪怪的，太creamy太固體了，質感幾有幾分像布甸……

蜆芥鯪魚球

外皮有點米粒，幾特別既

炸完係好香脆，沾了沾蔥油就大口吃下

鯪魚球重魚肉香，彈牙滑身

可惜我真係唔中意鯪魚球既味，真係仲會有點腥氣，我還是草草吃下放棄吧

安蝦鹹水角

炸皮煙韌甜脆，講真個甜甜皮真係我中意鹹水角既原因XD

足料香口，花生香氣濃郁但不會有很油膩的感覺

整體黎講都幾好食架，皮又唔算太厚唔會一下子好膩滯

滋味甜點

砵仔糕

有黃糖同白糖兩款

個人中意黃糖款，甜得黎多左d香味，唔係咁單調

不過我覺得佢既感覺太實身，欠缺了彈牙的感覺

馬豆糕

馬豆綿密又算多既

糕底嫩得黎唔會好水，香甜細滑味道夠自然

但個人認為size大左d，佢大可以分一半但上兩件，唔係一次過大件上

椰茸糯米糍

椰絲香氣非常濃郁，但同時感覺係清香不混濁

糯米糍軟糯香甜，仲帶點煙韌嚼勁

其實我個人覺得呢個算係當日最好既甜品了……

生磨杏仁茶

香滑，沒有油膩感覺

甜度適中，不會乸口，算是自然的

生磨合桃露

合桃香氣不算很濃烈，感覺不膩

細滑稠密得黎唔會好溜，甜味不大亦不覺甜膩

杏仁豆腐

食左但冇影到，係凍食既

杏仁味如杏霜，老實講係假左d……

不過食落嫩口有豆香味呢點補番

滑身有如豆腐花，卻是實身有彈性如啫喱

服務就真係……正常既……

人手似乎不太夠應付當日既墟冚場面

一入座過左一段時間都冇人理我地

想開茶都要問幾次先得，期間只係會叫我地等一陣但之後係冇人會黎既

當中有少少漏左單，叫個人都難，更莫論收碟收籠

重點係佢限我地個半鐘，手腳卻如此繁忙如此緩慢……