除左韓燒、炸雞及冰品，當然不能少數最近既芝士豬排骨
話說之前去自己去韓國，得一個人又唔係好想食咁貴
番到香港，數月前路過一家位於灣仔既韓國餐廳見到有得賣
但係價位就頗高，所以都係推薦左俾一位相識既人氣Instagram用家
結果佢一出就吸引左不少追蹤者去試
今次呢間本身剛開業就諗住一嚐:^0
只係當晚去到莊士倫敦廣場，搭升降機既時候發生左少少意外
最後不安心久留，都係下次先算
拖拖下，就去到今個月先食到，打得黎我諗都蚊訓
即使係平日晚上都極度旺場
建議訂座，否則七點前或九點後大概先唔使等太耐
另外唔好好似我地咁登記完走左去，因為就算留電話佢都係唔會打俾你，係無作用的
最後我地總共等左個幾鐘
主入口有電視屏幕，不時播放MV及綜藝節目
可以俾等待中既客人一個娛樂選擇，冇咁悶冇咁無聊，就冇咁易等到不耐煩
都係一種減低客人中途離場既方法
終於入座啦！！！！！
等候期間我地已經諗好左點咩菜式
一坐低就可以黎料了XDDDD
只係可能真係太忙
而且有部分職員又唔係好識韓文，難以同韓籍員工溝通
以至點左餐都好似唔知有冇落到單咁-____________>-
講真早知係咁，我就直接搵韓籍員工幫我啦……
仲要之後一直揚手示意都冇人理
老老實實我真係超級十分不耐煩囉！
服務表現我真係不敢苟同
環境算是清潔整齊
至少冇成地垃圾，桌面座椅又冇咩殘餘物
只係有點水跡及油光，食慣就唔會當係一回事
不過講真係幾大油煙，有時候望遠點都會帶點灰白
食完就真係連頭髮都一大陣烤肉味，或者……可以說是油煙味
當然，覺得好香好正既咪儲起慢慢聞囉
假若是一般情況，個人認為最好聽日換第二件衣物，洗埋頭最好xd
前菜係平日常見既款式
菠菜稔身帶爽，清香夠水分
不算油膩，配上白芝麻則更添香氣:^p
辣青瓜幾爽脆，醬汁稠身帶甜辣
同埋有少許似魷魚切絲伴食，因為只有一兩條，醃後質感亦有變，不易猜想
豆腐應該十分保險啦，全因用既都係百福
泡菜酸辣度係易入口既親民版本，只可惜有點包裝瓶罐既殘留味道
豆芽勝在夠清爽，唔會好似有時食到好多麻油反而變膩
芝士豬排骨 $188+10%
好明顯呢個係一人既份量！！！！！
佢係小小既一盤，只有三條豬肋骨
上桌既時候係開氣爐，燒熱鍋以溶掉表面既芝士
芝士正路用既係Mozzarella，方便牽絲，又唔會太過重鹹得令人止步
侍應會幫手捲豬肋骨
但在這之先，要先好好均勻充分地溶掉芝士
因此當本身係碎條狀既芝士半溶至外圍起泡時，侍應就以半炒既方式混合芝士
咁樣做係可以防止外邊既芝士太過熱至燶黑
亦都可以將半溶芝士既熱力帶進未溶既，去加快速度
侍應其後會捲好肋骨，分配俾我地
三條肋骨又點平分兩個人呢？
侍應十分聰明咁將易離骨既稔香豬肋骨去骨，把肉分兩份，捲好芝士就俾我地
再者，用唔完既芝士佢地會捲埋一個淨芝士球俾客人
師奶心態加唔想浪費食材既我真係嘖嘖稱好！！！！
捲好既一條豬肋骨，外層包覆著厚身且大量既芝士
混合豬肋骨原有醬汁既橙紅色，變得金黃誘人，賣相吸引拎足分！
講番芝士部分，本身已經牽絲，咀嚼下來是韌勁十足
加上場內空氣流動大，冷風一句唔該都冇就將芝士豬肋骨吹凍
令到外層厚過一厘米既芝士層變得冷韌，食落膩度甚重
豬肋骨表現令我甚算滿意！
佢既醬汁係類似甜辣燒醬，稠度中上，香口惹味
遠睇都已經見到辣椒外皮既碎片，辣味自然帶香，並有少少麻感
越嚼是越有辣勁，感覺可接受
然而如此濃味既醬汁係冇喧賓奪主，佢沒有搶去豬肉既肉香肉味
肉質稔香易嚼，又容易離骨，唔可以話好嫩口但未有想像中乾硬
雖然我覺得佢捲唔捲都唔會有太大既味道落差，但這就是特色，不是嗎？
芝士豬大腸 $188+10%
兩個人食一份又點會夠呢？
話就話黎之前已經食左野打底，但淨係一個小小既豬肋骨係唔夠架！
我地兩個都係中意食豬腸既，見到呢道菜就不期然心心眼xdddd
上桌格局同前者無異，只係今次既辣炒大腸咁散，唔知又要點食呢？
好啦，又係要得侍應出馬對付呢一鍋
見佢都係拉長芝士再捲捲捲……
其實咁散，捲到咩？捲完又會變成點呢？
話說捲完仲淨左好多洋蔥及芝士
今次我就請韓國姐姐留低個鍋，好等我地食埋最後一層唔好嘥（Y）
呢兩碗就係侍應出手下既產物
驟眼看去……嗯，好似細份左啲喎，一碗飯咁上下都未必有
芝士部分同豬肋骨既版本大同小異
只係今次個醬汁就冇咁稠身同甜香，辣度則是相若
芝士團都仲係好易凝固，食到冇兩下就已經係可以成件芝士由碗底夾起
中間係包裹住豬大腸及蔬菜配料，少不了是香辣醬汁
芝士團放涼少許既感覺仍然係考牙力既！
而且豬腸既脂肪油份比佢地豬肋骨既純瘦骨，的而且確係油身膩口左
結論係豬腸版本係較少甜多油:^||||||
豬大腸既佔量原來係好多既
之前未捲佢就炒埋一堆睇唔清；捲左，又壓實一團，找不見
入口是彈牙不黏，稔身又富嚼勁，且不會過韌至難以吞嚥
豬腸原味既香味都係好突出，之前食到芝士都有帶其油香
大腸係清潔得潔淨又無異味，只可惜中間既脂肪團亦清走
當中富含既豬腸油脂香氣，是不得復見了/___>\
