晚飯時間，與友用完正餐之後未有順勢滿足甜胃，只因餐廳供應的甜品款式感覺太膩滯
天上降落貓與狗，在滂沱大雨之際，不願就此打道回府，因為甜點需要與我們同在
此時憶起第一日到埗後路經的Cloud Nine，那時見客似雲來，出於好奇入去望一望
Bubble Gum、Peanut Butter Jelly、Banoffee……雪糕口味獨特，色彩繽紛，非常吸引
「請問你地呢度會開到幾點？」
「夜晚十二點。」
「真架？十二點咁夜？」
「係啊，我地開到好夜架！呢邊多酒吧餐廳，等佢地食完野就會多人。」
「咁我今晚再過黎！」
結果當晚太累，沒有回頭再訪，但是已經下了決定，離開都柏林之前要嚐一次
同場有售多款冬甩，不過已見飽，加上一開始就為雪糕而來，沒有分心
身處愛爾蘭，我們不約而同地選擇富有道地特色的Irish Whiskey Ice Cream €4
材料選用The Temple Bar Traditional Irish Whiskey，而雪糕店正正佇立於Temple Bar區
沒有嚐過威士忌原味，但聽聞味道偏重麥芽及蜜甜，且有雲尼拿及牛油香，本就順口
與其他食材拌和溝淡，製作成雪糕後變得尤其細緻柔和，毫無嗆感
酒味著實不濃，幸好不會只有奶感及甜味，就算吃過一大球也不覺甜膩
雪糕店地方大也是一大優點，至少買完可以輕鬆慢歎，不用狼狽急著閃避別人
特別是在如此下雨天，邊吃邊避雨，同時可以看看街上百景
話說對面酒吧因門前積水太深，其職員要剷水外潑，路人無不驚呼連連，紛紛走避
最後，職員還是誤潑至一行人身上，我們在店內雖安然無恙，但已能想像那人的苦況
Cloud Nine
46 Temple Bar, Dublin, Ireland
+353 1 675 4340
每日 8-24
沒有留言:
發佈留言