食完晚餐順便逛逛超市逛逛一田
點知結果係食多餐宵夜XDDD
路過見到Pizza既賣相好吸引，用料豐富不手軟
加上係新鮮烤焗，直接超市入面有烤爐
雖然已經幾夜，但見佢仲不時出緊
大小大概係1.5部Samsung，計番價錢大多三十蚊上下好似幾抵食
唔使諗啦一於就試下！！！！！
黑松露薄餅
攞上手仲係暖熱:^)，香到淨係影左個盒面就開始食xddd
點點黑松露顯而易見，明顯地佔量係合格既
當然更多的是菇菌，爽口冇怪味（Y）
芝士份量剛剛好，有香氣又不會蓋過主調搶過風頭
批邊焦脆，批底煙韌
非厚底美版pizza但剛好唔會過淋過濕
拎住食都唔驚跣哂d料落黎，唔怕狼狽冇儀態xd
其實我唔多中意佢配蕃茄
雖則係經典款，但因為個人認為黑松露香配上酸味易被掩蓋
而且味道上不太配合，反而變左有d不協調
其後上網睇到資料先知原來店主都係唔聲唔聲既
意大利美食學院教授，仲修讀過食物科學博士課程
對自家製麵團係獨有心得，有特別配方，先可以柔韌帶脆又不濕爛
Pizza索價唔會太貴既，質素都不錯，路過可一試既:^)
沒有留言:
發佈留言