同朋友好耐冇見，夾到時間就梗係事不宜遲約飯局啦xd
因為想食韓國野，特別係小食同特色料理
但已經試左好多間炸雞，所以要諗下alternatives
見唔少人話辛安東燉雞不錯
我之前自己去左韓國廿幾日都冇試過
（就算食得哂佢通常都要兩人或以上先入座得
無疑係會試呢間架啦xddd
環境有韓國食店既感覺
仲有好多poster佈置擺設，好有韓國特色:^)
乾淨企理，坐位都闊落
室內位唔係單純落地玻璃，但燈光都夠光猛，起碼睇得清楚囉xd
小辛半隻燉雞 $128
認真個份量……好啦我認我大胃係一定可以自己食得哂
味道幾濃，香氣重，辣度都可以接受（我唔係好食得辣
雞肉連皮，感覺有點油膩，夠入味，肉質微老但水分足
蘿蔔薯仔都好入味，仲帶來點點清新感
薯粉晶瑩，爽口彈牙，不淋爛不易斷（唔係韌果種:^)
舂米炸雞 $48
講到份量……算啦真係幾塊雞咁囉，少左d咁
炸雞外皮幾香既，但有少少油，同埋有點濕稔唔算脆
雞肉脂肪多，食落有雞油同肉汁，保持到濕潤唔會乾柴
醬汁酸甜開胃，即使係creamy厚身，都起到解膩作用
芝士咖哩年糕 $48
賣相十分吸引，一睇到相都未影差d就食左XDD
表面芝士層幾厚，係落足料架！
焗到金黃微焦，食落香口濃郁仲有焦香，溶溶地牽哂絲都係個賣點:^)
咖哩汁偏稠，味道香氣濃郁，辣度一般
年糕份量都ok，煙煙韌韌，糯感足，彈牙得黎唔會太黏太爛
整體感覺真心絕配，個份量係剛好，啱同人share
雖然自己食一定食得哂仲唔夠飽，但會有點膩xd
海鮮煎餅 $68
一睇個份量……好似幾少咁
不過煎完外表帶焦香又未去到燶黑既地步係唔錯既
用料都足既，係滿意既，海鮮爽口彈牙不會韌
餅皮香口，有點點糯感，加上沙律醬酸酸甜甜好解膩:^)
真露煮大蜆 $68
真露酒香清醇，加入煮成湯後酒氣稍稍蒸發，保持微微香氣又唔會太嗆
老實說蜆既份量都不少，我地仲以為係得十隻左右架咋xddd
蜆肉爽口帶鮮，大部分都開哂口，得一兩隻係食唔到既
蜆肉仲係連殼，聽講唔新鮮或者死蜆果d蜆肉好易會甩殼，咁好明顯佢地用料都合格的
食完蜆就飲湯，湯毫不油膩，調味得宜可以帶出鮮味，仲有少少酒香（Y）
沒有留言:
發佈留言