再次去到King Ludwig食buffet
全因好想食豬手XDDDDD
其實真心抵既
因為佢buffet同本身單點炸豬手都係差幾十蚊
但就多左好多其他既食物
豬手又係任食既:^)
德國炸豬手佢一開始仲係會自動波先上一碟連酸菜薯角既，只係我冇影到姐
係外面任拎任食既大多數去左皮，但上黎果碟係連皮
皮薄得黎十分香脆，熱度夠又冇油膩感
皮肉之間有厚厚的膠質層，香糯軟黏，充滿骨膠原xd
豬手肉表層乾身，但入面仲係有點濕潤的
鹹度剛剛好，肉香味重，惹味可口
白汁蘑菇炸豬扒做法同藍帶豬扒相若，今次既夾層係白汁蘑菇
老實講味道係似飲開既罐頭湯，係冇咩特別但又唔會點fail既
問題係佢白汁蘑菇係好濃郁好creamy，甚至可以話係有少少膩既食物
炸豬扒夠香脆，但內層濕軟，豬扒亦有點老身
整體既感覺的確是香口，同時卻是又膩又滯
其他食物款式大多上次都有提及
佢既質素同味道同上次都冇咩分別
因此，在這裏就不再多說了
Tiramisu甜中帶苦，帶點酒香卻不會嗆口
主體香口細滑，奶香濃郁
蛋糕體帶點濕潤，加上佔量比例適中，中和番奶膩感
雲尼拿奶凍味道偏甜，重奶香，有點creamy及黏稠感
咖啡蛋糕分左幾層，賣相幾精緻:^)
mousse感覺都算細滑，起碼唔會有大氣泡
香氣甜味也算平衡，唔會太濃烈太甜膩
咖啡奶凍好重咖啡香味，特別係表層既啫喱
奶凍部分甜而重奶香，滑嫩香濃，稍有膩感
不過配上咖啡凍一層，帶點苦香味，都係可以解下膩既
————————————————————————————————————
之前去過King Ludwig食午餐semi-buffet
見有燒腸仔同蛋批都幾啱胃口xdd
聽講過weekend有long lunch buffet，仲有任食豬手
聽到已經想去試，終於去左探一探路了
脆皮豬手
一黎佢會俾盤豬手先，之後自己去夾
豬手外皮香脆可口，重點是不會油膩
豬手肉好夠味入味，仲保持到少少嫩度
豬皮同肉間有點膠質，油香四溢，膠原豐富
前菜冷盤
餐廳提供多款沙律前菜任君選擇
我個人就好中意熟三文魚
「下？食熟三文魚不如食多D小龍蝦好過！」
並非如此
佢地出既熟三文魚係成條長三文魚肉咁出，任你夾
三文魚油香十分濃郁，但佢熟左就冇煙三文魚咁油膩
完全冇期望到佢肉質能如此嫩滑可口
而且沒有多作調味，可以食得出三文魚香氣及鮮味
燒牛肉
有師傅企出黎切俾你既
外層熟得黎夠水分，牛肉味香自然
內層呈漂亮吸引既嫩紅色，肉質十分香嫩
沒有太多脂肪同筋位，容易嚼咬又不過膩
藍帶豬排
竟然有呢樣，未見過自助餐會有
炸得脆香吸引，芝士係呈半溶流心狀態既，單係聞就感受到佢既濃郁香氣
火腿薄得黎少脂肪，帶點鹹香
豬排略嫌過於乾身，肉質不夠鬆軟，肉汁同水分都不多，有點難嚼
炸海鮮
炸皮薄身，夠脆，heat住唔會泛哂油光咁
冇雪味同埋腥味，亦冇油溢味，都ok架
脆皮腸
有唔同款既腸仔可以揀
燒得脆皮，趁熱食真係一流:^)
調味又唔會太過濃，食幾條都未覺Heavy
甜品
識我都知我係甜魔，自選意粉果d唔試啦，直攻甜品啦
心太軟個外表好驚艷，因為佢係一大盤過，原本以為佢係布甸咁
流心唔膩，用苦甜朱古力
仲要保持到熱度，外皮又夠香脆（Y）
芝士布甸好似半熟芝士蛋糕流心版
微鹹，個面脆，入面唔算粉
木槺蛋糕好幼細粉狀，食落似mousse
麵包布甸反而唔掂
冇甜味，太重牛油味好油咁
d味似食淨西多咩都冇落咁
Cupcake夠濕潤但唔會太油
不過味好怪，有類似肉桂既味道（但應該唔係
啫喱都有得講
佢個比例ok，唔易爛，同埋有加生果，酸甜不膩
斑蘭凍正到喊
本身係膩既但有芒果同開心果碎即刻唔同左
仲帶番斑蘭香出黎（之前奶香太濃食唔出
沒有留言:
發佈留言