因為真係去左好多次（For Semi-buffet Lunch）
有新相發現到就想講下之前冇提及既款式:^)
我都知好煩但我都想完下個清單XDDD
茄子沙律
茄子軟稔冇青味，中心位保留少少爽口既感覺
配上蕃茄醬，酸酸甜甜清清地，食落都幾清新開胃架:^)
Parma Ham
有個位係有staff即場用機片出黎既:^0
不過通常都係啦，片定放出黎，唔夠先再補
鹹香滿溢，油重，感覺豐腴
都唔會太乾身太硬柴，食落好易入口，香軟易嚼:^)
雞絲沙律
雞肉肉香很香濃，有時會食到有軟骨
加左西芹等蔬菜，帶點爽口清新，食落都冇咁膩
醬汁酸酸甜甜又好creamy，但個感覺可能會有點heavy
蘋果紅莓沙律
蘋果有青同粉紅兩款，青的爽口帶酸，粉紅的多汁香甜
兩者既味道質感是有點差別
灑上味酸而集中既紅莓果乾，混入creamy的沙律醬汁
整體黎講都仲係清新不膩，好啱春夏既酸甜味
芒果菠蘿沙律
芒果片香甜非常，配上酸酸的鮮菠蘿（非罐頭）
味道十分匹配，感覺亦份外清新開胃
香蕉蛋糕
外面一層係牛油coating，牛油香味濃郁但略嫌有點膩
面頭有脆糖同香蕉片，脆身稔身既對比幾有趣
蛋糕體有少少濕潤，香蕉味清新自然，甜度不過高:^)
朱古力棉花慕思
mousse都算滑身，沒有太多大氣泡
朱古力味香濃微苦，膩感不大
棉花糖係細粒果種，甜度高
但淋上朱古力醬甘甜帶苦，卻反而可以去掉甜膩感
香蕉布甸
香蕉味香濃，甜度香味都好自然
布甸實身，其實係糕既質感
面頭有朱古力畫花，所以面層帶微微朱古力香，感覺不錯
蘋果金寶撻
金寶部分粗粒香口，脆度夠，帶微微焦香
賣相有點參差，撻皮也有點鬆散
餡料有點果酸味，但主要都係甜味
藍莓蛋糕
蛋糕外表濕潤微油，內部卻是乾身有點黏口
面面有藍莓果肉果醬，酸甜清新
可惜份量不多，未能更進一步解除膩感
朱古力撻
賣相都係有點參差……
朱古力餡係實身既，甜中帶苦，感覺不算膩
撻皮薄身得黎有d鬆散，甜度不高
藍莓磚塊
藍莓果醬佔量不足，酸甜味道未能消滯
面頭金寶位係脆身香口既，但中間酥餅餅身太厚
我個人覺得餅身乏味，整薄身d，藍莓味道會更突出更均勻
—————————————————————————————
炎炎夏日
又黎到中環既食堂大吃一頓:^)
蕃茄芝士沙律
芝士味香而質感creamy，不過鹹度不高
配上蕃茄清新微酸，整體感覺香口不膩
車厘茄芝士球沙律
呢個既感覺有點分別
芝士造成球後外皮係韌身有嚼勁，中間係有少少軟心
雖然都係味淡香濃既芝士，但個質感截然不同
柚子沙律
柚子撕成小絲，清甜無酸味
水分多，食落係幾開胃既
粟米粒
粟米粒粒分明飽滿，清甜清新:^)
甜薯沙律
有平時常見既黃薯同較少見既紫薯
微烤後外皮焦脆，但入面係軟心清甜
整體感覺十分清新，唔會食完好滯
燕麥磚塊
味道偏甜，食落有淡淡燕麥香氣及少少纖維絲
但金寶粒感覺濕淋微油……而非香脆可口
蘋果金寶磚塊
金寶部分雖然好大塊，但夠哂香脆，仲有微微焦香
蘋果醬部分清甜解膩，加上撻底厚身脆口而甜度低，可以解一解膩
孖寶芝士蛋糕
混入朱古力既部分唔多，只係集中於表頭一層
芝士蛋糕部分厚度可以接受，因為有淡淡朱古力香味及苦味，降低膩度
咖啡蛋糕
頂層既icing帶點牛油香，但同時亦帶有膩感
咖啡味道似coffee mix，甜卻未夠香
好彩有海綿蛋糕層，乾身少少可以解下膩:^)
芒果芝士蛋糕
芒果果醬落得幾多，但佢個味係甜得黎又清，唔會太人工香精味
芝士層厚度適中，連埋稍甜既脆餅底食冇咩甜膩感
花生醬杯子蛋糕
表面既係butter froasting，牛油香濃但較膩
杯子蛋糕外面有點濕潤，花生醬味好香好重
但因為內層乾身，膩度不高
草莓芝士蛋糕
面頭有少少草莓果醬，酸甜解膩
不過我覺得佢芝士部分太厚，餅底雖然夠甜可以降低芝士膩感，但好薄
整體黎講太厚身，導致有d膩左
朱古力花生磚塊
其實佢係fudge咁，濕潤並有點漿口
朱古力漿部分甜中帶苦，香味極濃
花生醬fudge食落係幾甜又幾粉既，但有少少鹹味可以中和番甜膩感
——————————————————————————————
又係果句，同集團既幾間餐廳都係我常去既食堂
除左係九龍區既BLT Steak外
港島既Bistecca亦同列在我常去的餐廳名單內XD
因為去太多次有好多相，而我又唔係下下都會打既
所以我只係post部分既食物出黎作參考:^)
烤雜菇
菇菌微烤後帶焦香，去掉了菇菌原有既微苦微青味
調味剛好不會過濃，作為前菜甚是可口
Zucchini
切片微烤過，外表有點乾而內層充滿水分
面頭有少少黑醋醬汁，酸得黎開胃，更帶出西葫蘆既清甜味
牛肉沙律
用炸過既牛肉條，加上紫洋蔥及黑椒等調味而成
牛肉肉味十分香濃，肉質稔而不韌
雖然切成條狀，但咬落仲有少少肉汁，唔會乾柴
煙三文魚
魚油香幾重，色水睇落都幾吸引
可惜切得厚片並帶筋，進食時有點不方便
吞拿魚釀茄子
tuna調味後鹹得黎有點香料自然香氣
茄子部分有點焦香味，仲好有水分但又唔會出水
蛋餅
呢度既蛋餅用到不少薯仔同香菇等
蛋香集中係面頭烤過既一層
芝士牛肉碎釀甜椒
芝士層都幾厚，食落奶香重又唔會過鹹
甜椒外乾內稔，帶有水分
味道清甜，配上芝士同牛肉碎呢d heavy食材都不覺膩滯:^)
海鮮沙律
用材幾足，海鮮唔會有雪藏味同腥味
味道同賣相都好新鮮咁（當然知唔係鮮貨），起碼唔係霉
佢所用既sauce係稀身既柚子醋之類，有果香又唔會太黏，清新開胃
朱古力蛋糕
主體係蛋糕體，有點濕潤卻不覺膩
面頭既朱古力icing甜中帶苦
配上下面較乾既蛋糕體，整體黎講唔算漿口唔會太甜膩
焦糖芝士蛋糕
面層係有焦糖烤過，焦香味勁濃仲要有點點脆度
芝士好creamy，味道帶甜，質感係軟身既
餅底偏甜，但整體唔會太甜膩，也許是因為那份焦香令味道有另一層次
芒果慕絲蛋糕
味道香甜不膩，芒果香氣好重
中間mousse部分細滑冇大氣泡
仲有少少蛋糕體乾身微甜，可以清一清味
水果撻
鮮果部分量足，芒果清甜而莓則帶酸
中間既custard香滑微甜，配上脆口既撻底，感覺清新，好夏日風
芝士蛋糕磚塊
呢個係面頭有cheese而下面係餅底
芝士味香但唔係好濃既，呈軟身
表面有少少生果marble，帶微甜但唔出味
莓果果仁條
同平時食既果bar相似，有點嚼勁黏身
朱古力微苦，加上莓果既酸味同果仁片既香氣
整體味道好夾之餘又唔會overload
沒有留言:
發佈留言