因為通常係自己一個人出去食野
就算食buffet都係（放題就唔同xddd）
所以唔會訂位咁，覺得訂黎得一個人去好似好無謂
但呢間真係……一早去到已經有人拎緊位
Walk-in坐低冇耐就幾乎爆場
可見應該有一定質素先會有咁高人流:^0
話不多說，入正題講食啦xd
羅宋湯
呢度既湯底感覺好清，夠味但唔會太濃稠
有不少蔬菜料，湯味自然，並非罐頭湯味
蒜蓉包
烤得金黃色，聞到好香既蒜味，未影已經要食xddd
香脆可口，但佢唔係硬到會界到嘴角既程度
蒜香濃郁，加上焦香同香草既清香，感覺不會太膩
黑欖碎
其實我唔中意黑橄欖，食pizza食意粉果陣見到一定整走佢
但呢個唔會有d青青地同苦澀味，用黎搽包反而更添香氣，連我都接受到
半熟吞拿魚
切成薄片，冇咩筋位，易咬易嚼
吞拿魚感覺好清，有魚香味但唔會油膩
外層有黑椒，微辣，但唔會好嗆，不過煩在會黏在牙縫
煙三文魚
油香豐腴卻不覺膩，表面亦未見有油光
鹹味適中，可以單食都唔會過濃味
加點黑醋酸酸地又解膩，仲加開胃:^)
海鮮沙律
呢道沙律真心好足料，勁多青口呀蝦仁呀
仲要食落爽口，味道又清甜，同埋外表清潔唔會纏住d海草咁XDD
感覺十分清新，食多都唔會滯
Raspberry Sorbet
酸酸甜甜好開胃
重點係食落會知佢真係自家製，感覺好清新
味道係完全天然落足水果整咁
唔係靠哂藥水香精去調味既
Vanilla Ice-cream
又係果句，味道真係好自然
食到係見到雲尼拿籽，香味同一般食到果種人工味截然不同
香滑得黎唔會太重奶，冇油膩既感覺
輕芝士蛋糕
香軟濕潤，芝士味香濃但唔會帶鹹
食落有一般芝士蛋糕既影子，但真係light好多
中意佢濕潤到入口即化但又唔會出水
Salt Ice-cream
其實唔使驚會中伏
佢既鹹味係輕淡既
唔會鹹到苦澀，仲可以提升雪糕既甜度
（原理同食西瓜食芒果落鹽一樣，運用反襯既手法去顯現甜味
雲尼拿奶凍
雲尼拿籽沉哂底xdddd反番出黎好明顯睇到有好多
奶凍滑嫩富彈性，奶香超濃
雲尼拿自然既香味令佢感覺冇咁膩
Tiramisu
感覺好creamy
甜度不算高，帶微微苦味及酒香
好易入口，唔會有嗆味（Y）
焦糖燉蛋
賣相十分吸引，金黃焦脆既一層，上面仲有好多莓果
焦香味無懈可擊，表面薄脆可口
內層奶香濃郁，配埋焦糖層同莓果酸甜清新既味道，甜膩度頓時急降！
Blueberry Cheesecake
芝士部分香氣甚濃，軟身香口，但的確會有點膩
幸好佢地用既藍莓醬份量剛剛好，酸甜味道都自然
連埋一齊食個膩感就冇咁重:^)
Green Tea Cupcake
綠茶cream好重綠茶香，但對我黎講還是膩了點:^(
cupcake部分夠濕軟，甜度控制得宜
吞了一個還不覺太甜膩
Brownie
朱古力味真係香甜濃郁，帶少少苦味感覺冇咁膩
佢有加到d果仁，有份果仁既香氣同脆感
切得細細塊一口大小，唔驚食得多會好膩滯
服務方面係合格既
講真咁多人都好難話個個都會服侍周到貼哂身咁架啦
但有需要好快會回應
多客，食物固然易被搶光，佢地幾留意buffet bar既食物情況
refill速度快得黎唔係亂咁求其整求其擺盤
呢個質素我覺得已經不錯，係合心水既
沒有留言:
發佈留言