之前經過灣仔軒尼詩道
大概係以前美心MX果d位掛（隔離有間賣行李喼既
見到有新食店裝修準備開業
然後……終於今次得見佢已經開張
佢地賣既麵包都多種類，仲有蛋糕西餅揀:^)
唔知係新開業先有既活動定點
佢地絕大部分既款式都會有得試食
以下係幾款我試完比較中意既款式
大家買之前都可以試下啱唔啱自己口味先xd
畢竟個個人既preference唔同
酒香桂圓
呢款主成分有酵母、龍眼粒、全麥粉同香料
外表有點乾身，但唔係硬法包果種脆韌感
酒香清而不嗆，其實唔算太重
龍眼粒味道亦唔係好濃烈，混合入麵團，感覺只有微微甜度
鄉村紫薯乳酪
主要用酵母、忌廉芝士、紫薯餡及全麥粉製成
麵包質感很軟綿，中間包左cream cheese同紫薯餡，感覺濕潤易入口
Cream cheese奶香濃郁，非常creamy
紫薯餡細滑清甜，但個人認為甜度真的高了點
Cream cheese稍有點鹹味，配上紫薯既甜味，一鹹一甜，一濃一清，相映成趣
也許只要斟酌一下甜度……
相思紅豆吐司
麵包香甜綿軟，濕潤卻不膩不爛
店方聲稱用了紅豆皮粉及四彩甘納豆
怎樣也好，內部既感覺係濕軟可口，易嚼易咬
而且佢既紅豆味係好自然好清新:^)
黑糖QQ
睇名都估到應該係有麻糬作材料
咬落煙韌軟嫩，又唔會去到好黏牙好硬實既感覺（Y）
麵包體係鬆軟派，配搭麻糬，帶點濕潤感很統一
呢款仲有落到核桃，碎碎地又幾香脆，令到個包唔會一味軟身感覺:^)
黑糖其實甜度不太大，有少少焦香味是不錯的
圓圓
呢款用酵母、裸麥粉同忌廉芝士整既圓圓
有聞好似係佢地既招牌款式
咁又點可以唔試一試呢？
麵包體外皮略乾，咀嚼間帶點麵粉香突圍而出:^0
忌廉芝士香濃幼滑，帶淡淡鹹香，當然是有點膩感
整體配合起來還是可以的，個人認為不會過膩
但要預左佢既味道質感一定係豐盈一點
枸杞
老實講我一睇到覺得幾係伏，因為驚佢又似咩養生中藥味野
未睇成分一下子食入口
「咦？又唔係喎，味道幾正常呀！」
枸杞其實只係止於見其形既程度，唔會太濃味
提子乾又係我唔中意食既野，不過佢係呢個款式入面又冇咩違和感
加上有好多果仁，如杏仁、南瓜子，果仁香勝於其他味道
咬落又有脆口既感覺，香氣四溢，充斥口腔
我覺得呢個反而似係穀物果仁包多d XDDD
朱古力
呢個冇標到名牌，但同黑糖QQ相似
朱古力味香濃，唔會太油膩，甜度適中
麵包體係有少少鬆軟既，仲帶有朱古力既香氣:^)
整體感覺不會過於甜膩，適可而止，朱古力同麵包體既比例算是拿捏得幾好
鬆餅
佢地既鬆餅我個人就唔係好接受到
因為感覺太濕太鬆，內部既質感有點粉狀
稱佢為普通蛋糕又不及鬆軟，但作為鬆餅卻又太淋太綿了
要提提服務……係！自助麵包店都要講
「呢位老人家唔好意思XDDD，攝左你入鏡。」
講真當日好多在場既人都一直試食
但店員毫無不耐煩或趕客行為，仲笑容滿面
仲要有位婆婆入店冇耐，周圍望望下咁
有店員就即刻拎起成兜俾婆婆試，仲要係店內比較健康既選擇
俾人感覺係cheerful得黎幾貼心，而且係好親切咁
沒有留言:
發佈留言