恭和堂-酸酸甜

話說好中意飲涼茶

特別係無糖熱飲廿四味XDDDD

有時會去恭和堂買廿四味既

佢地出品個量價比高，好抵飲咁

功效就行D咁講係因人而異

但so far我同朋友試過佢地d野係有用既

順帶一提，尖沙咀呢間D姨姨幾好人架XDDD

可能因為涼性，我個人飲完好易會手腳冰冷同會咳

今次又想飲涼茶但唔想俾屋企人鬧

最後揀左另一款飲品

檸檬薏米露

酸酸甜甜真係超醒胃唔係講笑

尤其係中意飲飲食食既朋友，飲呢個大概唔會咁膩滯，腸胃會舒服D

薏米味香濃，甜得黎好清，有少少黏稠漿感卻唔會太杰

如果單是薏米水有時會覺得好甜膩

因為佢係稠身，好似係食多左樣野咁飽滯

但佢地呢度係有加檸檬成分，味道清新得黎好開胃解膩