之前先講完Jacomax一般般，朋友就已經選定這家
原本還不知道要去，只知地點在上環
出站口之後走十數步就停下來，「咪呢間囉！」
有聞上環這間Jacomax是本店，鰂魚涌的是分店
只是上次吃過，感覺太普通，甚至是有點兒失望
然後現在又要再來一次，咁算點先？
不過算了，朋友聚會嘛，她想試試就陪陪她好了
也許本店是老闆主理，會比分店更加優勝
環境稍為逼狹，比起悠閒的鰂魚涌店，這邊較密集式
燈光暗淡這點就沒有分別啦，都是要就就位先易影
不過這邊走的不是玩味有趣，而是主打享樂態度風
就如這個酒瓶燈，既富創意，又夠美觀實用
Salmon and Cheese（Regular） $160+10%
二話不說，友人看到有煙三文魚的薄餅就已經喜上眉梢
好吧，吸收多點Omega-3 Fatty Acids對身體修復等功能是有助益的
結果上桌時，一如上回我所看到的12吋薄餅－－粉色系
不能理解為何薄餅要走這種路線，我只知道味道應該是偏淡
大家同時抽起一片，薄餅上的Mozzarella芝士牽起幼絲來
雖然量不多，沒有常見薄餅廣告中的誇張，但都叫有點驚喜
茄醬底用到原隻蕃茄製作，味道自然是清新不造作，只係比較清淡
煙三文魚熟透後呈橙紅實色，入口稔軟帶煙燻香，鹹度適中
配上細膩香口的Mascarpone芝士，幼滑濃郁，確是令薄餅生色不少
至於餅底就是煙韌帶香，不會薄得被醬汁及配料弄得濕爛
麵香頗淡，不算突出，不過外邊帶焦是夠香脆的
鹹香的來說，比起之前食既Jacomax Pizza更叫我滿意，早知道就叫其他款式了……
Gorgonzola & Apple（Regular） $148+10%
吃掉一個煙三文魚的，原本發現有我超想吃的Calzone
但其中一位朋友又有另一個不得不叫之選
「我去到邊度我都好鐘意食呢個嘅，每一間餐廳必須要食，藍芝士蘋果乜乜乜。」
講到咁，我可以說不麼？
火熱送上，亦都是此店沿用的粉色系風格，這次主調換成白色
薄餅底醬用上藍芝士，未食已先聞香
濃郁誘人的芝士鹹香是緊緊抓住我們的胃了
就算剛才已解決一個普通批，都不外如是，不足為外人道也
沒有嚐過這個款式，還以為蘋果片是用上青蘋果
取其酸香爽脆，以作解膩開胃之效
豈知所用的是紅蘋果，清甜軟綿，薄得非常，溶入薄餅之中
表面添上少許Mozzarella芝士，焗得焦黃焦黃的，香口又不膩
批底邊緣香脆，焗得黑黑的部分有微微苦燶
幸好得蘋果甜香坐陣，稍為中和之下，總算可以接受的
這款用到的醬汁及配料似乎更乾身，因此批底較為脆香軟韌，富有嚼感
Porcini and Ham Penne $138+10%
友人提議再點一道意粉之類的，大胃者應該能明白
看到有Risotto，但怕中伏，加上上次食過千層麵係好味既，都係揀番意粉啦
呢次就我發板，個人喜歡長通粉，就要這個吧！
意粉底醬用上忌廉醬，奶白微啡，稠度剛好
長通粉煮得煙韌帶嚼勁，雖欠麵香，但沒有煮爛或未熟就已經合格了
配料用到牛肝菌，稔稔爽爽，切得薄身滑溜順口
冇菇菌常犯的帶苦通病，感覺新鮮可口
而火腿則是鹹香稔身，脂肪位不多，但配上奶滑的忌廉醬是頗搭的
Tiramisu $75+10%
見識過火山之後對其興趣乏乏，唯有另擇心頭好
好加在！甜點餐牌之中還叫做有得揀，咁點會唔試呢？
雞尾酒杯送上，盛得夠淑女，比想像中優雅
從一旁可見其層層相間的層次感，應該冇得出咩差錯掛
面頭鋪滿可可粉，苦香味濃，為之後的部分打打底
Mascarpone芝士細密綿滑，潤口送香，是甜甜的軟妹
中間夾上浸過Espresso及Masala酒的手指餅
濕潤清香，兩種苦甘香氣交置之下是和順易入口
少許餅乾的氣孔感，吸收咖啡及甜酒之後變成是蛋糕的鬆綿了
Affogato $56+10%
既然不吃火山，身為甜小子，還是要多點一客來補足
除了上述的Tiramisu外，剩下的款式只有這個和雪糕
Affogato也包括一球雪糕，選這個似乎更抵食
端上來的又是一個雞尾酒杯，大大團綿綿的純白忌廉浮起來
輕灑可可粉作裝飾，但我對忌廉有點感冒，不大興趣
其味當然是微甜帶膩，少許油身，而且這麼厚的一層……
Gelato的味道是雲尼拿，偏甜，不算很自然又未至於人工
雪糕好像少了份拉扯之下的軟韌感，鰂魚涌店的反而更香糯
Espresso味道不苦，因為早早己滲入雪糕的甜意
咖啡香氣只是淡淡薄薄的，不夠過癮
Masala酒香帶清，頗醇，沒有被雪糕影響到，猶是突出
上環本店有點酒吧位，讓人忍不住想要小酌一杯
個人喜好喝調酒，Jacomax的分了Fancy及Classic
Fancy就是老闆自創或改了配方的，算是Special Drinks
而Classic則是常見的調酒，在其他Bar或Club都可見的
Hazelmad $99+10%
名字教人聯想到Hazelnut，大概是榛子味的調酒，應該不伏
色水是可人的淡黃色，配上櫻桃作裝飾，有點年輕少女的調皮
用上榛果儷、百利酒、威士忌及忌廉調配
酒香一來就已經是很重的雲尼拿味，加上其色，幾似雲尼拿雪糕
榛果香是其後漸漸才出現，低調不搶眼
味道濃甜，間中帶醇厚酒香，有點忌廉的滑順細緻
整體來說也是頗香口的一杯，直接當甜點都不壞
Irish Coffee $88+10%
每天都在喝咖啡，是晚不例外
Borghetti、Baileys、Vodka加上Whipping Cream
甜香醇濃的一杯暖熱酒飲
表面忌廉還是頗膩口，就算有可可粉的苦香都不能讓我放心
只嚐嚐底下的咖啡，輕輕的一層香氣，不苦澀
酒味搶先於咖啡，少許嗆感是刺激的，但數秒間就被甜香取締
每喝一口，味道就在反反覆覆的交替、重疊、淡化、消失……
Coedo Beniaka $86+10%
友人點的啤酒，老實說我不好這種酒類
只是餐牌裏寫著帶甜薯香氣，有點好奇，特此一試
微微帶紫紅的酒色就是因其甜薯所出
酒味之中只是中後期有淡淡的一絲甜薯清香
接著來的是麥味，頗實在的感覺，但不是我所好
就服務而言，我覺得呢邊又幾親切友善既
因為擔心揀酒會有伏，問到職員推介，又指呢款問，果款問
但佢地都係耐心介紹既，上菜效率都不錯，人手算夠
若果要再食Jacomax，我就一定揀上環本店囉:^0
沒有留言:
發佈留言