「喂！不如食野啦！」
「我啱啱食完野唔食太多啦，你想食咩？」
「你諗啦梗係，講食你最熟。」
「會唔會係咁？」
約朋友出外，要想用餐地點總會想破頭
質量及衛生固然重要，但仍有一大堆考慮因素
首先就不能太多人，等位等十年，又唔可以揀拍哂烏繩既，為免中伏
其次為價錢要合理，至少感覺值回票價
第三，富有新鮮感，人生苦短，試新野係試唔切既
……
好吧，最後還是走走逛逛，看到合心意的就一試了
走著走著，飄來陣陣串燒的焦香，叫人垂涎三尺
重重人流圍著數間小食店，其中一檔就係泰菜餐廳外既串燒爐
一位嬸嬸係店外掌控大局，爐上十數串肉串紛紛冒出水分及油光
「串燒喎，泰野啱你啦。」
「講呢啲，食唔食呀咁？」
「是但啦好肚餓……入去食？」
環境尤如港式茶餐廳，做街坊生意，有點佬氣
分到兩層，我們入座樓上雅座，位置剛好，不算寬敞但都方便出入
衛生情況還可以吧，只是有時有點飛蟲是難避免的
泰式小食拼盤（大） $120
食泰菜總愛叫小食拼盤，大概受了我媽的影響，來點香口食物開胃
春卷、魚餅、蝦餅及蝦片四款小食共冶一爐
賣相豐盛，擺盤不算精緻，但叫做有分類放好，不是亂掉一通
春卷炸得脆身，對半斜切的做法頗聰明
不但盡見餡料，賣相美觀，更能減少餡料外掉的機會
餡料不外乎是蔬菜加粉絲，前者爽口清甜，粉絲稔軟不爛
這裏的不算油膩，調味適中，咬下有嚼勁
外皮層層薄脆，濕潤的餡料沒有浸軟春卷皮，沒泛油光，香而不膩
蝦餅外層炸得香脆，金黃金黃的頗為誘人，油光不多
入口外脆內彈，也能吃到蝦肉味，混的粉漿不算多
紥實帶彈牙嚼感，沾點泰式雞醬增加酸甜味道，更是惹味
魚餅油亮亮的有點不太討好，炸過都只會是香口卻不脆
幸好魚餅不腥膩，算是爽彈
裏頭另外加入檸檬草增香，香氣濃烈突出，稍為減淡膩感
蝦片厚薄均勻，雖然大抵是外來貨，但不失為脆口小食
拿上手不覺油膩，帶有少許蝦味，還是蘸醬吃好
泰燒日本和牛 $18
剛才見到串燒，當然整留串試下先啦
不但有平日常見的沙嗲肉串，更有特別點的，就如這串和牛串
來到是瘦小的一串，牛肉粒、青椒片及洋蔥片間隔串起
表面塗上厚厚一層有如青醬的醬汁，不太有焦痕
牛肉粒不腥膩，肉稔不韌，香氣普普
青椒及洋蔥燒過之後帶點焦香，爽脆富水分，不會過乾
蔬菜青味嗆味揮發掉了，加上香氣滿滿，潤口微油的醬汁
配搭是不錯的，只是價錢值不值就見人見智了
泰式豬手（例） $68
以為上面少許食物就足以滿足我們？那就大錯特錯了
陸續有來是泰式豬手，滿滿一碟完全不覺是例牌份量:^0
豬手切好小段堆在一邊，加上少許鹹菜及醬汁上碟
豬手外皮半透，晶瑩稔香，滑溜得有如果凍
皮肉之間沒有想像中的黏綿膠質，只有稔嫩脂肪層，有點可惜
肉軟腍得一夾即散，差點要靠湯匙盛起
豬手本有味淡少鹹的醬汁，夠入味，只是微稠不過黏
個人認為不用另外點醬已經夠味，再蘸倒會太濃味
加上肉稔皮溜，點醬途中可能會穿破或散開，還是直接吃更香
泰式椰汁冰 $22
本想點珍多冰，不過粉條好像已售罄，結果只要了純椰
冰粒不大，佔約四分一的量，不算呃秤
椰汁冰濃甜帶香，椰味頗重，唔會溝太多水搞到淡而無味
朋友另外自己點了粉麵，在此不寫。
服務可圈可點，也算親民的，沒有黑口黑面
但有位男職員似乎不知就裏，上到枱頭都聲稱不清楚碗內為何物
有種十問九「不知」既感覺，大概是新來的？
個人認為就算係打份工，未有太深入知識，最好都要認清送枱的食物
否則上錯食物或是客人問起就有點尷尬了，若果遇上麻煩客就更大件事
街坊生意大家不計較不代表可以無視問題，希望日後可以改善吧！
沒有留言:
發佈留言