每每提起拍板，總會想起尖沙咀K11附近的西餐廳，好像也有供應泰菜，總之，未食過
然而友人不時提起並會大力推薦的拍板小館又是另一回事，位於佐敦，以港式風味為主
見招牌相似，當中一定有著千絲萬縷的關係，不過我只為食，其他無關緊要
或者在徇眾要求的影響下，友人決定選址於此，召集各路好友一聚，而我們亦順勢去一嚐
先以沙參翅群湯暖一暖胃，湯品濃潤而不油膩，偏鹹，但仍富家常感覺
從小到大習慣了，也喜歡吃湯渣，不過今次就手快有手慢冇啦
風沙茄子成色金黃，對於鹹香郁潤的食物毫無防禦力，更何況表層仍存輕酥薄脆
入口盡是鹹蛋黃香氣，茄子只留濕綿的質感，本有的植物青意無蹤
椒鹽鮮魷略有泛油，但不至影響食慾，依然大啖一嚐其酥脆，好在也不易脫皮
鮮魷稍為韌身，固然都係咬得開既程度，調味重手，既為香口之物，不多計較，惹味就好
店方將豬手起肉切塊，製作成豐盛一盤的避風塘豬手，並連骨上桌作裝飾
豬皮帶脆，尤其喜愛膠質的煙韌黏香，豬手肉乾身鹹重，辣度恰到好處，整體而言幾過癮
本日亮點莫過於鮑汁花膠扒撈粗，原鍋上桌時以柚皮覆面，寶物沉歸底
柚皮厚綿吸汁，用作伴配細滑軟嫩的花腸扒確是合適，吃起來帶點黏口膠質
其後撈粗環節都不能錯過，粗麵保留爽彈，裹上稠濃鮑汁，冇餸又有咩所謂
豉油皇煎海中蝦絕對是連殼咬的節奏，趁熱享用，脆身好嚼，鹹中帶甜夠香惹
蝦肉不霉，亦不至乾韌難嚼，倒有輕微甜意，正路之作
大斑兩味不是我杯茶，斑球及蒸腩均不至乾韌，卻就有少許腥意，特別是後者
斑球還是比較合心意的一款，魚肉間中附帶膠質部分，算是加分位
平時去飲宴總會出現脆皮燒雞，今次亦不例外，聽聞選材為新鮮走地雞，應該不俗
皮薄而略帶脆，保有雞油及脂肪香潤，雞肉未算十分嫩滑，但至少不會老韌
最後甜點簡簡單單，桂花紅豆凍糕現身，又是飲宴常見的款式，其實不意外
上層為桂花糕，下層是紅豆糕，甜得不重膩，但是配搭上總覺不配軋，可惜
沒有留言:
發佈留言