還記得以前政府推行美食車先導計劃時的公眾反應，想不到轉眼間首批美食車正式登場
有連鎖又有細舖，共約十個品牌的美食車在八個旅遊景點現身，每地逗留兩週
在Happy Friday來到就近的尖沙咀看看，滿足一下好奇心，於太空館背後實在不易發現
若無大力推廣或明顯方向標示，就算有地址都未必會一眼可見，何況要吸引路經客流？
人少少邊食邊講，原來下星期已經會移師去中環海濱，直至十九號，屆時人流也許較多吧
下午十二點半開到晚上八半，究竟這段時間會有多少人路過該地，又是一個問題
不管怎樣，由中午忙到晚上，我就先來一杯檸茶BB $28解解悶氣
普通一杯檸茶當然不值此價，但店方竟先將檸檬磨蓉成易入口的碎粒，加入茶品之中
本就甜得不膩，酸度不嗆，當中有檸檬的粒粒質感及醒味蕾的微苦，圖其特色叫做試下
蟲草花脆脆 $38及炸一字雞翼 $38設有雙併優惠，只需$48，便宜得多
前者細絲脆感盡現，主料蟲草花本不濃膩，炸後亦見乾爽香口
後者其實是單骨雞翼，不過比平時在坊間所吃的大件得多，而且脆身又不滲油
重點在於大小不是以炸皮厚裹而成，的確多肉又不至乾柴韌口，鹹意點到即止
講開先知，去到中環會有一蚊雞翼推廣，八隻起十六隻止，我這次就未能享受此優惠了……
旁邊就是憑自由定價而炒熱話題的神級燒鮮魷 $58，賣相厚肉不乾，可惜已售罄，又無緣
為了飽肚，還是點了一碗柱侯牛腩麵 $48，另亦有供應潮州魚蛋麵
牛腩份量合宜，雖然綿腍鬆化，但未到霉感重的散絲地步，友人們都紛紛一試
自家蛋麵麵條幼細，煮得軟身但不至粉爛，仍帶少許煙韌，只是我們喜歡再爽口點
湯底看來不油身，嚐起來亦無膩感，不會淨有鹹味，聽聞用上日本有機大根製作的呢
沒有留言:
發佈留言