某日假期同一班吃貨韓飯去食晚餐
由於之前已經食左一餐正餐，加上又想去食甜品，試得唔太多
牛肉飯
醬汁味道偏甜，不太稠，唔會太重口味XD
牛肉冇咩雪藏味，唔多筋
雜菜多款式，同埋味道清甜可口
飯量夠一個人食既
辣炒年糕
年糕甜辣不膩，彈牙煙韌，同時又好易咬開
另外仲有d魚糕，薄薄地好吸醬
泡菜煎餅
酸辣味重，但不嗆喉
唔算好多油，膩感不大，有點焦脆感
魚糕湯
湯味清不油膩
魚糕非死甜，大片好足料，不過如果可以剪短d就易夾易食d
辛辣麵
配料多而足，入味之餘帶清甜
麵夠味，煮既時間剛好，幾彈牙
餃子年糕湯
大碗足料好抵食，真係易飽
幾隻餃子皮薄，餡冇雪味仲有肉汁
年糕煙韌不太黏
湯底帶麻油香，仲有d蛋花同蔥夠清香
炒粉絲
落足料炒係好味d，仲加埋芝麻，好香口
粉絲即使沾醬汁後仍保持透亮，爽口入味
雖然幾油，但比起我以前食過果d少油了，食完個碟底都冇一堆油淨
價錢好公道，叫左咁多款埋單兩百幾，大概每碟廿幾蚊
仲要份份都夠一人份量足哂料，味道唔差
服務感覺上店長店員都幾親切
最可惜係店面較細，堂食感覺上逼d
幾個人室內冇風吹逼住食吹水大大聲包場咁好warm XDDD
同埋當晚我地好夜先等到有位，都差唔多要收舖
好多野食已經賣完，如豬腳、飯卷，真係有買趁早
沒有留言:
發佈留言