午餐食得飽飽，但行兩行又已經口痕
去到金鐘又想食下甜野，但好多間on list既其實已經試過
心郁郁想試新食店，唯有周圍行下睇下啦
亂行一通之下竟然俾我發現左呢間餐廳
細閱餐牌後原本係想試佢地既Cake Set
但店員指蛋糕係外面攞貨唔係自家製，而且少客揀就暫停左
冇所謂啦咁試下其他野:^)
不過我覺得直接封左果欄更加好，避免有誤會啦
香蕉麵包配乳酪
上桌賣相真心差左d，香蕉麵包係深啡燶黑既色水
講真未食已經驚係伏，唔知會唔會係又乾又苦:^S
要安定心神先，食左一旁既香蕉乳酪先啦:^)神速秒補Serotinin
Yogurt夠凍，唔係冰既程度但唔係暖熱半溶出哂水咁
香蕉味自然又夠清，仲食到有香蕉果蓉
乳酪帶酸，creamy得黎唔會膩，細滑開胃
然後我地就黎挑香蕉麵包啦！！！！！
入口……咦外層幾脆口喎:^0000
膿黑既部分又未至苦焦，卻是帶點焦香
香蕉味感覺好自然，麵包心係綿軟濕潤，未覺油膩
咁睇黎真係個賣相問題啦……
因為我知唔少人係會去除燶焦部分先食既，好似健康d
但就失去左焦香微脆既美味/__>
環境真心幾正幾舒適
我係下午茶時段去既，當時個場都幾靜
附近上班族通常都係番緊工就梗係啦xdddd
仲要有得坐窗口位，落地玻璃有景有光線，感覺幾舒服
順帶一提，睇到佢地早餐有優惠
惠顧食品+$1就有Drip Coffee
沒有留言:
發佈留言