最近一直都庸庸碌碌，一邊忙一邊表現漸差
沒有什麼大成就，連成績都下滑得離譜，惡性循環
聽說早前有Blogger Tour，那時段仍在學校中度過
心理上完全受不住的情況之下，還是要出走一下，在此感謝HKTDC給我這機會XD
地下入場處正中間的佈置，西式庭園的花式門檻，加上朦朧的深林背景
有如愛麗絲夢遊仙鏡的樣子，且有背後會變色的彩虹屏幕，感覺更為夢幻
同時這兒是影相熱點，無論係我到埗，定係離場，果到分分秒秒聚滿人
3CON-055 RS Corp. Ltd.
第一時間當然要到不少朋友試左既酒味軟雪糕度一嚐啦！
不過就算係要入場證先入得，仲未到公眾日既時候，都要排下隊先有得食
話說有三隻味，全部試齊，真心，女仔唧雪糕係靚好多好多好多好多好多……
一黎就梗係試左個個讚好既Hoegaarden Rosee先啦，其實原色係淡淡既玫瑰粉紅
唔係香檳底，Hoegaarden既Rosee版本製成雪糕之後又真係幾好入口
甜香既紅桑子果味啱哂中意甜食既人，酒味又唔會太濃嗆
冰感亦不重，果味比奶味突出得多，加上一口份量又點會膩？
回歸生啤系列，Boddingtions製成的軟雪糕十分淡色，那抹極淺黃容易分辨
啤酒酒味清淡，不過奶味不重，潤口而恰到好處，點到即止
微微蜜甜可口，也不失為一款入門級的口味
最後就是濃味點的Leffe軟雪糕，色澤呈淡棕，有點像奶茶
酒中麥香加到入雪糕後，比想像中易嚐出，但又不會苦澀
不過這款似乎比較易溶，軟雪糕便是如此，且用小杯盛起，跟手掌溫度接觸下就更甚
入場之前去酒杯換取處拎個酒杯先，翻卡蓋個印就搞掂
離開既時候都記得還番去酒杯收集站啊:^)
每次入場前都會有職員掃個證上面既QR code，一秒左右好快手
3E-C20 Centre de Vin
一入就去朋友既所在地，終於同Bonnie Yves果醬女王相會，期待以後再有見面機會
劃分出來的一個小區設有座椅桌几，可以坐下慢慢嘆，品嚐各式酒款
正正配合了店方作為學習、體驗及享受美酒平台的概念
講到酒，又點可以唔講下證明香港人生活水平提升左既威士忌呢？
不過我本人對此興趣不大，就借官方資料去略略提一提
首先係於此展首度正式登場既越百，產自日本信州Mars蒸餾廠
以不同種類既麥芽混合而成，可到3CON-075 AF Partners Ltd.看看
然後有我之前叫飲過下既Auchentoshan 3 Wood，三重蒸餾，入口頗醇
原酒酒精濃度高近81%，比平時多出約10%
可於3CON-064/3E-A02 Asia Euro Wines&Spirites找到
仲有3CON-065 Fortune Wise Ltd.既三年及廿一年威士忌
3CON-067 Jon Dory Ltd.更有售賣限產381支既Caol Ila 2008
最尾要講個樽幾型仔既Tomatin Cu Bocan，3CON-066 T'z Ltd.
包裝奪目花俏既花果酒，以花味及果味兩者拼配而成
玫瑰荔枝、櫻花蜜桃、薰衣草淡酒及紫羅蘭白葡萄
果真花香果味齊全，兩者平衡不失，順口清怡
飲兩飲就會覺得似花茶加果汁，酒味淡，感覺似係咖啡店茶室細細杯嘆一日咁
包裝幾特別既Emoji酒，智利產酒，個名叫Emowi
呢檔其實幾好笑，接近尾聲，負責人叫我地自己help ourselves
中意飲咩就自斟，又可以試下溝酒，自由時光
話說回來，呢間既果味酒唔算非常人工味:^0
估唔到自己單機去都會撞啱朋友同時黎，仲有朋友既朋友，頓時變成三人行
不過係Press*Buyer^2既組合，一齊行既感覺有點特別XD
然後就係我既日本酒世界……講真我都係睇果味酒為主:^)，劃分左地區真係好方便搵
其實都試左好多間好多款酒，以下係比較特別，有趣，或者係我有時間時去影既
有氣清酒，味道多羅羅，$100兩支其實睇價錢就真係幾平
試左原味同柚子味，酒味不重，加上佢有氣咋咋聲，同汽水唔大分別
十分有趣既乳酪米酒，有隻牛牛公仔係度
味道方面……飲完我地只有講出「幾特別既」四字，加多句「唔難飲既」
仲有桃味清甜突出既桃酒，大抵是主打商品，所以有三隻桃子助陣
飲完一輪，因為時間不長，試不了多少，也沒有什麼醉醺醺的情形
也沒有什麼醒來就一大堆事情要面對，老實說當晚已經有件事情等住做
結果還是遺憾收場，怎樣都好，總算是在心中偷出半點空閒角落
omg Hoegaarden rose! My fav! <3
回覆刪除rose最好入口,但你排左幾耐
刪除其實都好快，十至十五分鐘度啦！
刪除O...
刪除