之前第一次搭郵輪時沒有一嚐完完整整的自助餐
難得這次友人會想試試那大抵不會非常滋味的船上Buffé，那我當然會奉陪
這家First Seating的開始時間是正式起航前半小時，而Second Seating要到晚上七點半
深知First Seating對我們來說太過趕急，即使早早Check-in上船後都要馬上就走的感覺
（因為難得在這兒吃個飯，還是想慢條斯理盡歎一下）
結果我們選了後者，然後餓得要先吃點零食打底……
Menu也許是幾個月轉一次？不清楚，亦沒有深究的原因，反正我只有乘這麼一次
官網有參考餐單，講到明The selection may vary就知每日會挑每欄的其中數款供應
有冇機會食到自己中意既就真係睇彩數，但有啲基本既頭盤凍魚海鮮沙律咁都係常駐既
（特別係Herring，重覆出現多次既佢只係配唔同醬調不同味既分別）
話說就冷盤而言，煙三文魚有分不同的款式呈現
一片片及加入水瓜榴等成為Cold Smoked Salmon Tartar的款式，而後者得我心
各款Herring都可以，最喜歡的是Roasted Baltic Herring with Tomato Sauce
外層有少許硬身，有點像上海燻魚的茄汁版，沒有Herring那種又油又帶少腥的味道
另加也有凍蝦之類，但真心懶，好麻煩，都係算啦
在亞洲菜一角就有三文魚刺身，但單有芥末而沒有豉油……
不想吃生的，包括煙燻過，還有Roasted salmon可選，也不會太乾身，調味合宜，不腥
另有風乾火腿烤牛肉蟹餅肉丸香草烤雞等等可選，唔算必食，叫做每樣試下
對甜品沒有什麼期待，幸好不是香港平價Buffet那種充滿藥水味又膩口的出品
Mousse Cake依然不是美味之選，難得一見的葡撻亦非滿意之作
不過細細件的甜品方塊倒來得合心意，例如是Marshmallow Brownie或Cheesecake Brownie
還有雪糕，只有雲尼拿及士多啤梨兩種口味，後者可見係有果肉既
有得自己舀，又有雪糕筒，有少少Toppings，當食完正餐玩下都好
出乎意料之外，由於對上一次去芬蘭時，Buffé餐廳係長期至少有半場
但今次去拉脫維亞，卻只有寥寥數桌，當中有一大枱係團客先叫做有啲人
所之有窗口位是毫無難度，一邊用餐一邊欣賞大海及日落入夜的景色
而且人少，根本不用擔心要搶食物要爭個你死我活，或是等到佛誕都未Refill
輕輕鬆鬆食，加上有景睇，是為賞心樂事
原本喜歡獨來獨往，但此時此刻，卻慶幸臨時掀到友人兩人成團
至少食飯睇景既時候，有人一邊同你吹水，真係會更hea更假日
講番價錢，當時係每位SEK270（預購） 288（即場）
六月開始就變左每位SEK307（預購） 326（即場）
因為之前佢只會供應茶水咖啡之類，而家好似係包埋有酒可以飲，其實唔算係真．加價
沒有留言:
發佈留言