W Hotel-Woobar-爽皮晏

有時想食好多沙律同甜品，就會去搵下有咩餐廳有沙律吧同甜品吧

只係位於繁忙地區，如尖沙咀、銅鑼灣及中環

好多都係唔訂位就好難有位即時俾到，等得黎都得番好少時間就落場

今次黎到係柯士甸位置，近圓方既W Hotel食午餐

我再一次地係冇訂座，上去撞下彩

職員初時面有難色，指好多都已經係訂哂座有人既

不過轉個頭，佢查睇完資料記錄，原來都係有位淨既

估唔到咁都竟然擠到一個位俾我，可以好好享受一頓悠閒午宴:^d

環境係我非常滿意既一點！！！！！

樓底高又有玻璃作幕，自然光透入，舒適又寫意

位置係難以形容既闊落，梳化大得可以直接當床訓

仲要軟硬度剛好，坐得舒舒服服

仲要天花墜下既一大堆創意藝術裝置，例如係蝴蝶，富設計感又不突兀

踏入Woobar後，頓時讓人有種度假中既休閒感覺，心曠神怡

餐牌限定左是日餐湯，主菜選擇只有三款，而沙律及甜品吧則是自助形式

特別在於佢主菜既菜式唔係經常見到既完整名銜

而係將食材拆解，客人睇落就可以明白當中既成分及用料

從而更容易揀到自己想食既款式，此舉十分體貼客人

沙律前菜係自助任食既

當然都係有常見既冷盤火腿、芝士及各式蔬菜

仲有本身混合好既沙律，例如中東小米沙律

覺得食沙律永遠食唔夠喉又驚之後主菜份量少，唔夠飽肚？

唔使擔心！

佢地仲有多款既麵包，每款都係有分別既唔係隻隻味一樣咁

只試左一款有穀物既，食落又幾帶麵香及穀物香氣，但真心係偏乾身

最好就係點佢好多款口味既油醋汁

或者簡單地抹一層牛油，就更易入口

龍蝦泡沫忌廉湯

賣相十分精緻又高雅，真係望到都唔想破壞佢既氛圍

為左食，都係要狠下心的！

作為主打，我當然試左龍蝦泡沫先啦xd

泡沫輕如羽，一個一個，落在舌尖上，然後破開，滲進味蕾

橙紅既龍蝦精華鮮香味美，味道自然至極，尤像在吃龍蝦肉……

不對！是比龍蝦肉更濃郁更到位，並沒有絲毫油膩感覺

忌廉湯非常滑身順口，忌廉香氣濃郁醇厚

幸好調味得當，而且稀身不稠，因此唔會令我太過膩滯

Salmon, Gnocchi, Artichoke, Lemon-basil Sauce

先講三文魚扒，外層橙紅微焦

薄薄一層乾身帶脆不油十分誘人

內裡卻算是滑嫩香稔，淺粉紅色，輕帶魚肉肉香而未被魚油搶鋒頭

薯麵團其實表層幾油膩，調味亦過濃

不過叫做有韌度有嚼勁，咀嚼下仍帶輕淡麵香，感覺還可以

雅支竹既清新酸香則是非常解膩開胃

烹調過後，其外層更是金黃重焦香，亦未會過乾過硬，內裏夠水分

醬汁帶清新羅勒香，頗油膩連雅支竹及檸檬既酸香都難以消解

但總比單純牛油醬汁好多了

加上三文魚原本已帶油份，因此不宜多醮

老實說是說午餐好似不時會轉換款式，碰到呢個選擇或許要睇機率:^0

甜品都係自助任食既

甜味魔人表示：我不客氣了:^P

除左蛋糕，仲有布甸、慕絲、啫喱、曲奇及水果

款式又多又吸引，而且有機會補上既唔係同款，係新款甜品

因此我都係試左其中既一部分，就隨便說說比較好入口的吧！

布朗尼面層薄身脆口，朱古力香氣隨之散發

蛋糕部分濕潤有致，紥實不會鬆散，亦不會淋過頭至像泥蓉

朱古力味道濃香，越食越出味，帶微苦，感覺甜而不膩

白朱古力綠茶紅豆蛋糕既配搭甚為和諧

本身討厭白朱古力既甜膩，仲要咁厚一層真係考起我

但佢製成一層如重芝士蛋糕既滑身硬實蛋糕後，再加上綠茶淡淡茶味及紅豆綿密清香

整體感覺唔會過分膩口，匹配個不行！

桂花莓果凍既桂花香清新撲鼻，自然，足料非常

入口未會過甜，莓果甜中帶酸更是醒胃

桂花帶來既純樸香氣也不甘後人，默默竄進每個味蕾，由舌尖至喉頭

啫喱稔身爽口，不會過水，又不至於韌如橡皮

甜品都係會不時轉換款式，在此提及既只係當天所食到既種類及水準

最後來杯咖啡

不加糖，不加奶

苦，不澀，帶香

清清口腔，繼續一天的旅程

離去時睇到外面既景象

唔知幾時先會完完全全修建好所有既建設呢？