是咁的，知道蘇豪一帶新開一家漢堡店
原來就係先前Clockenflap時候有Pop-up攤檔既Burger Circus！
當時因為一早就同親友約好，所以無緣去觀賞盛會
即是說，我同Burger Circus亦是緣慳一面……
店外場面墟冚，只有一條長長既隊伍攝入眼簾
唔知要排幾耐隊先可以一嚐Clockenflap時期亮過相既火紅漢堡呢？
排左半個鐘多少少，終於可以入座！
環境充滿懷舊特色，切合主題，是很美式既感覺
不過我就唔多中意近門口既座位
事關佢係通洞，唔見有遮蔽既，對住大馬路……真係食塵多過食包
餐牌選擇簡潔易明，不過似乎只有英文版
只睇漢堡就已經有成九款，仲未計各式各樣惹味配菜及甜品
好可惜我冇睇到最底一項，非常特別既碗中漢堡食法
唔使另外加錢，但感覺好似好特別，總覺得自己錯過了:^p
上桌時，店方用淋膜紙包好漢堡
內面光滑，讓包身不會黏附包裝紙之外，醬汁亦未會滲出
然後用印有自家標誌既紙兜加多一層保護
看上去美觀，拎上手又方便實用，易於進食和避免弄污雙手
The Whole Show $98
單看賣相已經色彩繽紛，十分吸引了！
更不用提用料中5oz牛肉餅、煎蛋、美式芝士
還有醃紅菜頭、生菜、蕃茄配上辣蛋黃醬既大堆頭吧？
暖熱即製既足料漢堡，真係連相都差啲唔記得影，直接想大咬下去:^0
就由雙唇最先碰觸的漢堡麵包說起
表層感覺頗乾，且不平滑，裂成幾道小縫
但原來咬落去，係帶點脆口，並且有煎香過既微焦味
麵包中心部分都係鬆軟綿稔，唔會過濕過乾，嚼下去也帶點麵香及甜味
煎蛋邊緣金黃帶脆，入口頗香
完全唔會係嫩滑豐潤，但未會太過乾身，蛋白不叫老韌
芝士半溶，只有淡淡鹹味，芝士香氣一般，不算很明顯突出
牛肉餅係紥紥實實既五安士版本
厚身大方，外層呈咖啡色，稔身不太乾，但當然比內層更熟
咬開可見中心部分仍是粉嫩櫻花色
肉質稔身不帶筋，嚼勁不大，算係比較懶人版既
牛肉肉香不算濃郁厚重，肉汁都唔係好似其他人所講咁濕潤可口，只是剛剛好吧？
叫人欣賞既係佢油而不膩，調味得宜
生菜及蕃茄清新富水分，係漢堡配料既常客
我最中意既都係佢底層，帶紅既醃紅菜頭
不但沒有不討好的青味，還添上一份開胃解膩既酸香
紅菜頭獨特味道及香氣猶存，濕稔至一抿即化，卻未至於淋爛如泥
辣蛋黃醬既酸香當然是個加成
添了份細滑香潤的豐盈，不太濃稠黏身既感覺令其膩感大減
整體而言呢個漢堡既配搭固然係不錯
只係為牛肉餅而試既話我就不敢推薦了:^0
故作中立地說句：「可圈可點。」
食到底係見到仲有好多辣蛋黃醬以及醃紅菜頭既醬汁殘留
食既時候千萬謹記小心行事！
沒有留言:
發佈留言