最近係雜誌見到一篇小小報道
其中一張伴有香蕉既布朗尼熱鍋吸引了我的眼球
當然啦，兩樣都係我中意食既食物，點會唔想食？
今次就同朋友過黎食下飯後甜品
店面小小的，感覺十分文青，可以過黎扮下xd
環境比較狹窄，店內座位大概只供少於十人
好多都係正正店外面另開木枱，頓時變得很大牌檔感覺
不過都係幾衛生既，唔會好似黏黏笠笠周地污物咁
甜品餐牌只有少數款，一目了然
有咩食材講得清楚明白，唔係用個名堂去呃呃下
可惜佢未有英文餐牌，不太方便唔多識中文既朋友
鐵板焦糖香蕉雪糕班尼 $58
一個熱鍋上，記住要趁熱淋醬先有「咋」既效果
唔好俾影相去耽誤視覺、聽覺及味覺既品嚐！
香蕉有用焦糖煎至脆皮，切面是金黃帶微焦的顏色，好不吸引
焦糖面仍是保持微微脆度，未有因淋上朱古力醬而溶化
甜度剛剛好，配上味清既香蕉都唔會太膩
只係香蕉有點乾身及老柴，越早食越好，因為入面開始起筋起絲
布朗尼是恰到好處的質感硬到，紥實卻不過乾
朱古力香味濃郁稠厚，特別係夾雜左朱古力碎，更添香氣
果仁既微脆及獨特香氣，令整件蛋糕不會太甜膩，有點咬口
淋上帶稀既朱古力漿，甜香而濕潤，愈益可口順口
表面加一球甜香自然既雲尼拿雪糕，裏頭是有不少雲尼拿籽的
朱古力漿流淌之上，加上鐵皮熱力傳出，雪糕隨之開始溶化
令到蛋糕體更是濕潤，但又不會過於水爛
再灑上香味突出既開心果碎，整個甜品富有層次感，唔易食到厭滯
鮮果吉士拿破崙粒 $34
講真我係出於出奇先揀呢款甜品既
因為拿破崙聽得多，其實係法式千層酥 Mille-feuille
只係唔同地方唔同講法，香港大概係跟番英國講Napoleon，再譯做中文
點都好啦，總之意思係指千層酥皮
咁預左係酥皮啦，咩係拿破崙粒？見識少我就冇聽過既，惟有點份睇睇啦
上桌賣相甚為精緻，估唔到佢地唧花唧得咁細心
我仲以為係唧入酥皮作餡料，或是繼續澆上吉士醬汁
落單既時候店方指佢地既吉士係自家調製
並非就咁慳功夫用吉士粉混合出黎喎，極力強推話一定要試試
咁我就試左佢既吉士先啦！
望落去比平常既淡色，常見既係奶黃色，但呢個只係淡黃
香滑濃稠，比忌廉更幼滑但更實身
至於其味……嗯！是濃濃的雲尼拿香氣！
個人認為稱其為雲尼拿醬也不足為奇，因其香氣比蛋香奶香更出眾
酥皮部分香脆重酥香，毫不油膩，食落無負擔
中間係冇餡既，因此別看其外形飽滿，實則不會太膩滯
重點係吉士醬稠濃不水，水分不多既時間係唔會浸濕酥皮
酥皮猶是層層相間，脆香乾爽，不濕不韌
配上酸甜清新既莓果，以及薄脆可口既杏仁片
食材配搭頗是合襯，唔知夏天會唔會黎個芒果版本呢？XDD
沒有留言:
發佈留言