牛角-辣油油

行街經過見到，原來牛角下午茶有折頭

之後有日三點幾就去左食番次XDD

辣油雞腿肉香蔥溫泉玉子飯

好快就上了，一睇個份量又冇見縮水又冇偷工減料（Y）

溫泉玉子蛋白部分超嫩滑，感覺好似半成形既布丁咁，入口即化

蛋黃部分色水好靚，橙黃色，蛋香濃郁，重點係一d腥味都冇

一開始以為雞腿肉好老好柴，點知食落去入味又軟稔

唔可以話係嫩肉但質感不錯

飯底粒粒分明，軟硬適中，冇爛飯，又未至於硬到梗胃:^)

辣油有點炸蒜，香脆可口，配上其他配菜同白飯食係冇油膩感

其實佢係香氣十分重，但辣度唔高，只係好似落左1/2 tsp微辣粉既感覺

我一定會再試埋牛肉版本（Y）

麻香椰菜

椰菜爽脆帶微甜，芝麻味的確係份外香濃，但……感覺好油……

我自己係用枱面放左既燒汁去沖下佢-___

麵豉湯

冇咩特別，唔算太濃味既，我覺得可以接受