印尼餐廳-正宗味

一直想試下正宗既巴東牛肉，但又唔想飛到印尼咁麻煩

諗起係尖沙咀成日見到有一間印尼餐廳樓下有糕點賣

糕點就食過啦，但正餐就未試過

估計應該都幾正宗，所以揀左呢間一試

Menu有多款菜式可選

不過普遍價位較高，而且份量很少

巴東牛肉

牛肉切成小塊，比平常更易入味，有淡淡椰香

肉質軟稔，一抿即化

醬汁緊附肉粒，重薑味好清香

雖然睇落去好油，但食落唔覺油膩

辣味濃，不過唔係好人工果種會令人之後喉嚨痛Inflammation果種

呢份算正常份量架啦:^|

葉包燒魚

份量黎睇，一上枱已有點驚訝，大小比鹼水粽還要小

一打開，蕉葉香不濃，主要係辣椒香料既味道

魚肉實硬，質感似食緊鹹魚，而且唔夠熱

草草兩口已經食完，但對此味既評價……只可以話唔啱我囉

酸辣牛筋

酸辣味好濃，幸好湯汁係稀身，唔會太噴火

牛筋呈半透明，彈牙有嚼口，滑溜帶點膠質

蔬果料都不少既，但都多辣椒，嗜辣者應該幾啱心水

白果冰

白果帶黏性，食落似椰肉，清香味重

整體較甜，注意要叫走冰，因為有一半都係碎冰……

椰汁珍多冰

椰汁味香濃，比較濃稠似椰漿，甜度高

綠粉條都多，同埋爽爽地幾好飲既

最後報一報價

呢度總共係食左$450~$500

但認真係完全唔飽

走果陣見到其他人都係幾個人一碟餸再加個飯

突然覺得自己好豪-___>-（其實只係唔想用飯黎填胃）

結果要去續攤食多餐正餐……

所以呢間我覺得係食正宗，食填胃同食淺嚐既人會啱d