韓嘉嵐-番韓風

係2000年廣場果間韓嘉嵐搬左調QRE Plaza

以前想食但食極都唔係食呢間XDDDDD

經過見到個廣告好想試，點知拖拖下舊舖執左

好彩最尾都試到呢間

前菜

份量都幾多下，同平時出去食一啖起兩啖止唔同

除左豆芽菠菜，我覺得個白蘿蔔幾好食

爽脆清甜，食完覺得好涼爽XDDDD

石鍋飯

真係幾足料，本身個size係同出面食冇咩分別

但佢d料多，又夠新鮮，幾好食

server會問你使唔使幫手拌飯既，落醬之前又會問清楚落唔落以及份量，幾貼心既服務

拌飯撈得好均勻，講真撈完以為飯焦無望

點知食食下又食到，焦脆香口，唔會太硬太燶，剛剛好

海鮮煎餅

個餅係跟set既，個份量會細好多

不過都足料，多海鮮同埋夠新鮮唔會有怪味

餅底好焦香，綿綿地但唔係濕爛

個底唔多油，唔會好膩咁

兩個set都有配湯

個湯真係好多料，一湯好多蘿蔔同牛肉

仲有佢d味濃得黎又唔係過鹹，飲完唔似食味精咁要用水沖，都幾好

炆牛肋骨

呢個係散叫既

份量一般，同出面果d一鍋仔差唔多

不過佢既肉係大舊，有少少筋有d膠質

同埋佢係香甜但味係清既，唔會太油膩

我覺得需要改進係keep warm方面

用呢d器皿裝，食食下就好易放涼，變相個味道就冇咁吸引

柚子茶

附送既，好細杯既

落既柚子蜜份量剛好，唔會太稠唔會冇味，都ok既