好多年前已經想試巴東牛肉但一路冇試
結果最近食左第一次之後又去左好多間食幾次XDDDDDDDDDDD
上網睇到不少食家有去茶室用餐
睇facebook見到佢都有巴東牛肉
咁不如去叫黎食下啦:^)
係MegaBox附近，路程比較遠
去到樓下就見到有廣告牌推介菜式:^)
環境都乾淨光猛既，但多人時可能會有點逼
菜式一目了然（因為得9款……可能諗住做niche market？
少款得黎會做得更用心同好食掛
講真有相睇又唔多款，啱我呢d有選擇困難症既人XDDD
有汁巴東牛腩配黃薑飯 $45
睇左facebook既介紹，加上個賣相，已經知佢唔係最original既做法
正宗就真係談不上，希望佢呢個創新版都好食啦（最好梗係d味都跟番足啦
一開始試個汁先，堅係重牛肉味
稠而不膩，味道同一般巴東牛肉都相近，重椰汁香
香料味濃郁，薑味香但唔會辣，味道溫和
講明有汁，就唔係平時咁乾身同muddy，亦都smooth d
其實個質感係似印度既咖哩
面頭仲有青木瓜沙律，可以清下味蕾
味道就ok既，只係牛腩比較肥同老
食落其實會覺得有d似煲湯肉既感覺，入味，可惜內裏乾身左d
當然煮得耐好容易會鞋，但肥呢點就……
呢度會改製作方法都係想健康輕盈d
我個人認為本身食材最好可以少脂肪，例如去走部分易去除既脂肪
黃薑飯色水幾靚
食落好香口，唔只係香料既香，仲有飯既香味
飯既硬度剛好，加埋醬汁都唔會好稔爛
另外有少少雞味，睇番原來係用雞湯，多添了一份鮮香味
（諗起細個屋企煲雞湯用黎撈飯XDDD
杞子紅棗桂圓茶 ＋$7
屋企人成日會沖杞子紅棗水俾我（話補血果d
功效我唔知啦，但好飲又健康，無理由唔嗌既
一開始見到，因為好細杯（我諗係平時既一半），仲以為係d咩辣油XDDDD
仔細睇，原來呢度係將所有材料打碎左，唔係平時我地咁原粒焗
一嚐之下，味道果然更清甜更突出
仲可以食埋d渣，好健康feel XD
講真我唔係好想飲加左糖既野，因此點餐果陣問過係冇additional sugar先嗌既
點知都仲可以好甜，同埋甜得黎自然，唔會越飲越口渴
整體黎講呢到d野都幾好食既
加上佢係濃味但我食完唔會喉痛口乾（對味精幾sensitive
同埋佢係主打健康風，雖然話去過當地取經，但改版就一定唔夠正宗既
點都好啦，good try;^)
沒有留言:
發佈留言