The Harbourview-灣景廳-燕窩甜

得知灣景廳仲有燕窩甜品既下午茶buffet
好友雀躍一口就話要即日去XD
打電話去訂位，講真有點擔心Full booking
去到現場都係幾乎座無虛席，好彩有reserve

炸魷魚鬚

香脆得黎唔會油膩，調味得宜好惹味

魷魚鬚大條又爽口，有嚼勁，幾彈牙架:^)

可惜佢出左一轉或者兩轉已經冇/__

雞肉

雞肉皮薄少脂肪，已去骨

但係感覺乾左d，又冇咩調味，食到有少少滯

魚柳

質感算係仲嫩滑，亦都冇煮魚柳好常出槌既雪藏味同腥味

醬汁creamy，配魚柳本身非炸，清清地，感覺唔會好腥膩

蘑菇扒豬仔骨

蘑菇味道夠鮮香，冇青味怪味

豬仔骨多肉，但乾身左d，食完好易滯

牛油雞翼

雞翼外皮微韌，牛油味很濃郁

醃得夠入味，冇雪藏味又冇血水血絲

木魚豆腐

用既係玉子豆腐，嫩滑得黎帶淡淡蛋香，又冇咁易爛

灑上木魚碎更是添了份香氣鮮味

茄子沙律

食落去冇青味，稔而不爛

同埋佢唔會好似我以前食過咁用橄欖油提香，感覺幾清新

炸豬扒

炸粉厚薄適中，雖然稍微淋左（蒸氣），但唔會出油:^)

豬扒炸完肉香加上炸物香幾正，有少少水份保留冇乾柴

茄汁豬仔骨

酸酸甜甜十分開胃

感覺呢個配搭比先前蘑菇版本更勝一籌

蘿蔔糕

味道香而不膩，冇出水冇爛茸茸

不過用料好似唔多，主要都係糕粉咁，蘿蔔香太淡

茄汁腸仔

腸仔脆皮，其實呢d都冇咩要特別技巧去煮掛

但加茄汁佢又coat得好，好夠味

可能腸仔面頭唔多水唔多油，容易沾醬

焗薯仔

薯仔唔會淋爛，保持大塊既形狀，仲有少少爽口

加左少少香草，香氣稍稍提升

燕窩奶凍

表面有一匙燕窩，都冇欺場架

聽聞係用3.6牛乳整，奶香濃郁

滑嫩卻又不會水汪汪，仲係有彈性既

甜度不高，唔會覺得好甜膩:^)

燕窩藍莓布甸

莓味清香自然，甜度不高

嫩滑得黎唔會太過實身，好易入口

燕窩金箔紅豆糕

燕窩只係裝飾，連埋金箔好有貴氣好吸引

椰汁糕部分清新不膩，其實唔係幾甜

紅豆部分帶有清甜味，紅豆微微起沙是不錯的

燕窩芒果黑糯米

燕窩繼續出現，呢個既份量比較多:^0

芒果粒鮮甜可口，配上軟糯感重黑糯米

椰汁稍身，有椰香味但唔會太稠太膩

吃得夠多了卻未覺飽滯

燕窩蛋撻

蛋部分清甜帶蛋香，夠嫩滑

撻皮係酥皮但唔係脆口果種，油香重卻不油膩

一口大小就咁拎上手食都唔驚狼狽

Chocolate Mousse Cake

面層朱古力漿甜中帶苦（Y）

但中間Mousse部分係就係細滑，食落卻有過份creamy的膩感

麵包布甸

用既係一般方包，焗得只有一部分係呈金黃色既

只有微微焦香味，外層亦非脆口的

蛋既部分甜香水嫩，配上雲尼拿汁更添香甜

Tiramisu

酒香不太重，感覺creamy以及頗甜

但佢有朱古力既微苦去稍為中和番

Movenpick

係既呢度有movenpick雪糕食啦

Tiramisu味酒香濃而不刺激

甜度適中，好似食緊tiramisu咁

朱古力味甜中帶微苦，朱古力香氣好重

仲有佢係加左朱古力碎片係入面，有點質感分別

日式芝士蛋糕

呢個芝士蛋糕比較輕身，芝士味香得黎唔會太濃

糕身也是鬆軟微粉，並非creamy實身版，膩度因而降低

黑森林蛋糕

朱古力碎片偏甜，加上中間既cream，感覺有點膩

蛋糕體乾身但味道都係甜，冇黑朱古力既苦味坐陣，整體都係偏甜膩既

Movenpick

草莓味清甜自然，帶有草莓果肉

連唔中意食草莓味既朋友都讚好

雲尼拿味有好多雲尼拿籽，好用足料

味道天然非靠香精香油

藍莓芝士蛋糕

芝士部分係軟身既，香濃不膩

藍莓果醬酸甜解膩

加上底部係蛋糕體，乾身微甜，令膩感減少

焗藍莓芝士蛋糕

呢個係芝士部分好濃郁實身既

焗完有份微焦香氣，加上芝士香真係絕配

藍莓又甜又酸既清新味道都幾解到膩

另外佢餅底甜，但唔會太油膩太重牛油，整體未至於甜膩

環境好開揚舒適

有落地玻璃可以望景，又有自然光線照入黎，夠光猛但唔曬

衛生情況不錯，地下冇咩垃圾及不潔處

Royal Plaza-Lion Rock-第三訪

繼續我地大家在獅子山下

今次係第三次來訪

感覺食物質素都仲保持到

沙律及前菜

都係cold cut同蔬菜咁

但佢今次有辣豆芽，爽脆之餘帶點辣味

加上係凍食，清新開胃，味道又唔會過激

另外仲有海帶沙律，呢個因為質感係滑身稔身，好易入口

清新得黎又唔會重青味:^)

甜品

牛奶燕窩布甸好重奶香，我記得佢聲稱用3.6牛乳

香口嫩滑冇大氣泡，不過對我黎講真係甜膩左d

賣相係幾吸引，又有燕窩絲又有金箔咁

朱古力蛋糕賣相好特別，外層用兩塊chocolate bar咁圍住

朱古力味十分香濃，甜中帶有苦味，整體感覺不過膩

藍莓奶酪唔只有果醬topping，仲有新鮮藍莓，味道清甜

奶酪部分滑嫩，奶味香濃，甜度唔算太高

橙味燉蛋既橙香味好勁

雖然話好自然，但我唔係橙味甜品迷所以真係不過不失

莓果芝士蛋糕質感較Creamy

味道稍甜，但重芝士香味

幸好餅底味道偏甜，可以淡化下芝士既微鹹膩感

班蘭蛋糕同連鎖西餅店出品雷同

香氣夠既但未算自然清新，沒有上輕下重既感覺

Chiffon這樣，但質感乾身左d

糖水

呢次係綠豆海帶糖水

清甜不膩，料足帶香氣:^)

柚子蜜

今次個杯係細少少，味道亦較濃

牛角-燒牛舌

一路都幾中意去牛角燒肉

不過佢又唔係好平

因此通常end up去左韓燒……

但佢下午茶時段其實是有折的

咁無可能唔食架喎XDDD

牛舌+牛肋肉套餐

牛肋肉油花平均，燒完之後仲可以好嫩

另外佢油膩感唔高，牛味又重

牛舌薄但均勻，烤過後邊位有點脆度

肉質係幾爽既，唔會好韌:^)

麻醬豆腐都係幾正既前菜

麻醬芝麻味十分濃郁，仲有少少杰身

豆腐豆味清香，配上濃味既麻醬唔會太膩:^)

話說點呢個餐佢可以加錢轉牛角飯

以前食過牛角飯，紫菜加上醬汁真係幾惹味

飯粒好飽滿，粒粒分明，帶有彈粒，越嚼越香甜

仲有佢係可以再添飯架！！！！！！！！！！！！

喜訊

我真係食哂左兩碗，一粒飯粒都冇淨XDDD

和民-我放棄

先前係尖沙咀諗黎諗去都唔知食咩好

行行下見到有和民喎

好多年冇食啦……對上一次都係同呀媽食既XDDDD

是但啦太餓唔想再搵落去了，就呢間啦

厚切牛舌陶板燒　$63

我相信我唔使講咩大家都明……

我唔期望同Menu圖完全一致

但你呢個「厚切」，仲要呢個大小……你覺得可以接受的麼？

重點係我仲要燒，燒完會縮水我諗燒過肉既人都會試過

大佬……你牛舌唔係鴨肝喎

好啦算啦，燒完一食……冇調味既:^)但佢附上既係蔥油……

算啦我倒豉油浸佢……得幾滴豉油喎多謝:^)

牛舌燒完係冇爽口既感覺，牛肉味一般

講真呢道係第一道上枱既菜式，你要我點面對點左而未黎既餸菜？

石鍋鮭魚魚子飯　$63

份量好的骰……我諗當零食食都得既:^)

魚子呈橙紅，雖然唔多有光澤，但都係合格既

三文魚油唔多，但味道幾香，而且冇咩膩感

因為佢真係冇醬汁乾爭爭咁，唯有將頭先既蔥油加豉油倒落去調下味

但個配搭都幾好喎XDDDD同平時火灸三文魚上面有蔥絲同一道理

飯底粒粒分明，唔會太淋爛太水，仲有少少飯焦，呢樣都OK既

特上壽司盛合　$73

呢個係有鮭魚、星鰻同吞拿既

鮭魚加左蟹籽同沙律醬，香魚油味，冇咩雪藏味同腥味既

鰻魚既味道係鰻魚，但佢個肉質係好稔好鬆既

吞拿冇腥味，厚度適中無筋，香口而不膩

似乎都可以喎……但下面既飯卷……

一夾已經鬆散，甚至係斷裂（我諗應該唔係我唔識夾囉……

做左十幾年人……第一次用羹食壽司，覺得新奇。

焗芝士年糕　$38

一上枱……咦Tapas size黎架喎:^)

不過呢道係出乎意料地令人滿意

芝士焗到帶點焦香，個賣相都好吸引

芝士味香濃，真係好牽絲架:^DDDDD

年糕軟糯帶米香，感覺又唔會太滯

可惜佢既醬汁唔夠均勻唔夠多，否則應該好可口好想一食再食

燒油甘魚鲛　$68

呢個價錢似乎算抵食

個大小有成隻手掌咁架，又夠多肉

連皮既位置帶有膠質，唔會太黏口但好香

外皮燒至微脆，而且冇鱗，食落有d烤過既香氣

肉質算實身，感覺唔會太老太乾，不過亦唔係好嫩滑就是了

調味剛剛好，唔會蓋過魚香魚鮮味，冇雪味又唔覺腥

呢份感覺良好xdddd

奇異果燒酒　$38

酒精濃度12%

本身想點芒果味，但佢售罄

睇得出好多奇異果籽，算係新鮮足料既

唔好睇佢個樣咁細，其實都有三四杯滿杯既份量架

味道酸中帶甜，冰沙質感又夠凍，好消暑好開胃咁

但唔知係咪我問題，我完全唔覺有酒味……

因此當左佢普通冰沙係咁灌:^0，都係完全冇飲左酒既生理反應:^|

講番服務

一開始感覺還良好的

但中段時間溝通之間覺得似乎有點未訓醒既感覺

飲食業是很辛苦的……我地要學識「包容」下……

不過可唔可以唔好黑面……

也許是太累了，但俾到客人既感覺係黑面＋唔係好attentive……

可以講番下，如果叫到server，佢地效率都係ok架，但前提係你要叫到先

泰豊廔-混亂間

先前係泰豊廔同家人試過食晏

感覺食物都OK，同埋當時既服務俾我想像中好

因此，今次我地仍然係揀左佢去食晚飯

關於坐位……

一行近二十人，有幾個小朋友，約枱時已講

但結果係十幾個大人一枱，幾個小朋友一枱……

好！算！當我地訂位果陣冇講清楚小朋友年紀

可能令佢地誤會果堆「小朋友」係可以完全Take care自己既年齡

因為我地分左兩枱，total近廿人

所以我地點既食物都係點雙份

不過我影就淨係影自己果枱姐:^)

五香牛腱

滷得夠哂入味，而且牛腱夠稔身

筋既部位係變左肉凍咁，唔會好難咀嚼

師傅切得每片都好薄，重點係薄唔代表偷工減料

因為呢道菜係偏濃味既，厚片反而會過鹹而突出唔到佢既五香味

燻魚

都係果句，好入味，仲帶少少炸香

有d骨既，不過唔算好subtle，好易就揀到出黎

魚肉冇腥味，調味適中，唔會過甜，可惜真係油左d

份量可以接受，畢竟佢只係前菜

片皮鴨

不得不點既片皮鴨

但今次個份量似乎少左d……

冇所謂啦，味道最緊要

食落都係好重鴨油香，片薄略脆，中間夾左層脂肪

不過加上醬汁、蔥段及餅皮等等，包住一齊食，油膩感瞬間大減

鴨肉香鬆，感覺新鮮起爐，整體都可謂合格既:^)

鍋塌豆腐

豆腐外皮沾上蛋汁再炸，除左有豆香仲有微微蛋香

本身一夾就有點擔心，因為外層真係好堅固，似係刀槍不入咁xddd

但食落……裏面既豆腐竟是滑得有如豆花，入口即化

調味唔會太過鹹，而且冇蓋過豆腐原味

呢道菜都算係驚艷之選

京爆羊肉

個名真心好好笑XDDD驚爆

羊肉羊羶味幾重，脂肪都多，不過佢係碎碎地薄片咁，感覺唔會太heavy

好多洋蔥同蔥等既配料，烹調後有鑊氣清香可口，完全冇辣冇嗆既

呢道其實都幾濃味，可以配餅或者配飯更易入口

咕嚕肉

我好中意食咕嚕肉，食親中菜都會想點呢道菜

呢度既咕嚕肉外層偏硬脆，肉質都係幾實淨

調味就不錯既，酸甜得黎唔會好膩

稠度剛剛好，可以沾滿包裹住食材

份量就一般般，因為佢配料都不少，所以肉塊既佔量就係可以接受既範圍

砂鍋津白

津白清甜夠新鮮，仲有點爽口

奶油香好濃郁，但唔會覺得好膩好油

加左火腿，有點肉香滲入湯底:^)

呢道就唔算好重口味，不過點都係油少少既，建議點小份以免太滯

京燒羊肉

乾身，有點參口，不過焦香味好重

羊肉肉味香濃，仲有點軟骨部分，咬落好脆好過癮

調味得當，唔會太濃味，反而令佢既羊肉香及微焦香更為明顯:^)

餃子

睇個樣係幾飽滿架，當然食落都係滿滿內餡既

內餡味濃，水分剛好足夠

因為佢乾上所以外皮係乾身，但入面都仲夠濕潤

外皮唔會太厚太硬，延展得勁，包到多餡又唔會穿（夾起都冇穿洞漏餡

小籠包

帶有少少湯汁，但外皮始終都係有點乾，夾起果陣好易會穿

（你可以話佢係皮薄既……

湯汁鮮肉味濃，唔會太鹹但夠香味

整體黎講唔會話油膩得不能接受

而且食果陣點下醋，酸酸地，解膩又開胃

家常蔥餅

蔥花似乎冇上次食咁多咁均勻

蔥香清，但感覺好淡，冇嗆既味道

餅皮外面一層係薄而脆，帶點煎過既微焦香氣

內層軟糯，濕潤

我會點下醬黎伴食，因為單食真係好寡咁:^0

蔥油餅

呢度既蔥油餅好特別，佢係水泡形既xddd

入面有好滿好多既青蔥餡，香味超級重，清香而不會有辣味

其實呢個蔥油餅唔會好油，餅皮有麵粉香

加上蔥花餡，越嚼越帶清香，越有清甜味（Y）

高力豆沙

感覺有點萎縮……

外皮係薄身炸過既，香氣好重，但今次……有點點油光

（可能影落唔太覺，因為我成日影到out of focus...

豆沙餡都仲係香甜帶清香，唔會覺得佢甜膩:^)

服務方面……

京燒羊肉係當晚問題癥結所在！！！！！

就係咁既，我地都係點左雙份

但staff以為燻魚係京燒羊肉，堅持自己已上雙份，話係我地食左

我地亦好堅持地解釋佢係真係上漏左

雙方各執己見，講真係成晚既心情一下子破壞哂:^(

最後講左好耐話會補番但又等勁耐都冇

話要剔除呢道菜退番錢又好似冇退（佢仲係用緊人手單唔係電腦單final

我真係冇野好講……成個印象……除左冷笑，我做唔出其他反應

抱歉，當晚人流咁勁既時候發生呢d爭辯

但我……我地應該以後唔會再為經理增添麻煩:^)

深井咖哩寶-西環寶

唔知點解好耐以前就聽過深井咖哩寶呢個名

有日突然諗起就上網搵下資料

先知道呢間出名之餘，仲算屹立多年

而且風評似乎也不錯，因而打算去試一試

但因為未去過深井，好似好遠咁又唔熟路

最後決定去西環既分店:^)

Menu有中英文同埋大部分有明碼實價

另外仲有不少相片

點餐時倍感輕鬆:^)

Masala Papadam

蒜香好重，不過味道唔會太嗆太辣

蔬果粒切得細碎，令味道突出，水分多到整淋胡椒餅

胡椒餅薄脆香口，胡椒味幾香

雖然同平時食果d一樣，都係有點油膩，但佢有蔬果粒蒜碎，當係油膩中一點清新xddddd

Kashmere Mutton

什果係罐頭貨/___>

不過酸酸甜甜，配上佢本身個醬汁都係唔辣既，味道會溫和d冇咁刺激

羊肉肉味香濃，冇雪藏味，羶味一般啦:^0

但佢肉質似乎有點實身，又未至於硬到起哂角

佢只係唔會好似炆羊腩咁入口即化姐！

其實呢道菜味道唔算太濃，但什果……如果唔係罐頭就好好多……

就算係少款式水果，感覺都會清新爽口過罐頭

Lamb Madras

呢一道係有一個辣椒標誌既（幾留意呢d，因為我唔係好食得辣

本身諗過好唔好轉其他唔辣既，但真係想試下呢味有椰汁既……

就算辣都要試架啦xdddd

椰汁香氣幾濃，不過唔會話蓋過咖哩香料味

羊肉比較稔身，有點點筋位係入口即化既:^)

咖哩底既辣度其實冇我想像咁誇張，主要都係香氣，而唔係著重於辣味

醬汁稠度我覺得係啱用黎點下包既，coat得住唔會好水咁亂咁滴

Cheese Naan

一上枱已聞到芝士味:^)（Y）

唔係好似pizza咁會牽絲，但芝士香味好濃郁

當然要撕開睇下中間係點架啦，原來d芝士係食到好死係餅皮周圍

因此即使係冇流心冇牽絲都仲好香，同埋分佈得均勻

naan bread帶點脆度，加上新鮮出爐熱熱地，分外可口

Onion Naan

驟眼睇有落到算係多蔥花，蔥香都幾清:^)食哂成份都唔會話好滯

首先係脆，但焦既部分係香口又未到黑色苦澀既程度

咀嚼之間嚐到有淡淡麵粉香，以及naan bread既甜味出左黎

配合蔥花既香氣，其實味道不錯，清新路線非重口濃味

Mango Lassi

甜中帶酸，酸奶味道香濃

芒果味唔會話好假好人工，飲落係有水果香係解膩既

份量都可以接受，亦唔會係成杯冰飲兩啖就冇

（每次遇到多冰我好嬲自己唔記得講要走冰……

環境其實幾舒適寬敞

講真唔知點解我好介意餐廳光暗（可能潔癖同埋對昆蟲很感冒

呢度雖然係室內又冇咩窗，但佢大門係全落地玻璃，光線可以透入黎

加上室內燈光都算光猛，感覺放心好多:^)

Mangosteen-樓上泰

又是假日的一天

午餐同呀媽去左尖沙咀搵食

經過見到見過好多次既Mangosteen餐牌棟左係樓下

呀媽中意食東南亞野，最後決定上樓試試

菠蘿炒飯套餐

冬蔭功湯對我來說有點辣，味道係夠

亦有少少料，例如係蜆仔咁，帶來點點鮮味

扎肉沙律都係偏辣

扎肉味道唔算太鹹太重，加上蔬菜絲，整體係新鮮開胃既

炒飯有點濕氣，不過又未至於爛飯既

黃薑香氣幾重，加上果乾酸甜味道，個飯既調味係均勻，配搭得宜

一旁既腰果同肉鬆亦可以加添點堅果香及鹹甜肉味

材料味道配合得黎仲有Complex既香氣同質感，其實都ok架:^)

炸蝦餅

這是套餐加錢換既

講真炸完卻未算好脆口香口

不過蝦餅原本都可以既，蝦味濃而唔會調味過甜

蕃茄牛腩套餐

蕃茄味好濃郁，酸酸地好清新好開胃

牛肉肉味都幾香，帶點筋，脂肪唔算太多，調味適中

肉既份量可以接受，唔係偷工減料既

蕃茄汁底有點點稠，用黎撈飯真係啱哂:^)！

飯底有淡淡米香，粒粒分明唔會太黏太爛

唯加入湯汁會有微爛既跡象（吸水力唔係好勁既），好正常既現象，提下各位姐

燒羊架

睇單點Menu時見到既一道菜

我地想知究竟去到泰菜，燒羊架係會變成點？

不過似乎係我地過度curious

賣相味道質感同平時不大分別吧……

羊架好重焦香味，但又唔係去到苦既階段

脂肪好多，同時都有不少瘦肉部分既

味道都係普通鹹味加點香草味這樣

講真我覺得又唔係好特別，並非必試出品

洛神花蜜

飲落偏甜，酸味不烈，有點黏稠

都有少少香味既，感覺唔會話太人工

青檸梳打

酸度適中，份量都可以

唔會話冰太多（我覺得sparkling飲品走冰凍飲又唔夠過癮

服務方面，態度我覺得還好既

可惜效率方面就……

我唔知係咪因為假日既午餐果頭唔多人啦

但人流唔多，人手唔多，等候食物上桌既時間倒是有點久:^0

牛角-辣牛版

上次試左雞腿肉版辣油飯之後

一直想試埋牛肉版

結果……我又黎啦XDDDDDDD！Hi，牛角

辣油牛肉香蔥溫泉玉子飯

驟眼看去，牛肉片份量不少，唔係偷工減料兩片就算果種

牛肉本身煮得入味（終歸薄片易入味），不需另加大量醬汁已經夠味

溫泉玉子依舊滑嫩，我選擇好豪氣地一次過成隻蛋放入口……

「啵！」蛋汁湧泉而出，氣勢有如滔滔江水:^0

冇腥味冇雪味，只是純粹蛋香，微稠微黏

即使吞食完畢，仍有點蛋汁附在口腔（Y）

講到飯，飯粒分明，冇濕冇淋爛，更是有點彈牙

米香一般，不過配上配料還是不錯

蔥花及辣油增添香氣，都係果句，其實真係唔多辣，主要係其香氣同埋炸蒜xddddd

總體黎講，我個人覺得呢個牛肉版都配搭得不錯

下次去牛角想試燒肉以外既野可以試下