香辣屋-精緻美

輕鬆假日與母親吃喝遊樂

Again and again and again and again…

甫踏入餐廳，田園鄉村既設計令人眼前一亮

另外，人客不多，至少耳根清淨先

加上座位餐桌空間闊落

整個用餐環境因而更理想，大概讓餐廳內各人都能更感舒適放鬆

提起服務，staff都好considerate，會建議客人點餐量，對菜式都有認識

椰汁雞湯

香濃椰汁帶雞油香味，唔會過油

好足料，湯連雞肉蔬菜粉絲齊上

不過都幾辣，怕辣既話就……

冬薩公湯

酸辣開胃，而且飲完唔會覺得好多味精好口乾

另有點點魚露既鮮味

大蝦味道鮮甜可口，湯入面有更多其他湯料

豬頸肉

賣相不俗，燒得邊邊金黃微焦

肉質嫩滑有嚼勁，帶焦香，而且邊位係脆身

不油膩，有淡淡甜味，點下微辣醬汁更醒胃

蠔仔蛋

蛋炒完都唔覺太油，蛋香味濃

炒既鑊氣夠猛，蠔仔亦冇腥味

加上芽菜爽脆，同蛋既軟稔口感作對比，相得益彰

米紙卷

主要包左蔬菜，新鮮爽脆

沾汁後清新酸甜，味道更佳

咖哩牛筋牛腩

咖哩濃稠香辣，牛筋牛腩佔量多

牛筋夠稔，易嚼易吞

牛腩入味，牛味濃郁，肉質鬆化

酸甜魚柳

呢道菜係散叫既

一上枱個份量令我地呆哂

因為本身以為呢餐會貴夾唔飽，加上個人喜好，先加點菜式

點知「魚柳」原來唔只係「魚柳」，係全魚上桌

尤如中菜既松子魚般，只是製作精緻度未及中菜版要狀如松鼠，而係起片炸

魚柳新鮮嫩滑，大塊大塊連魚皮（起鱗），裹粉薄，因此唔會好似食緊炸粉團咁

外層炸得鬆脆，緊緊黏附酸甜醬汁，美味可口

魚柳上既九層塔可以幫手清清味蕾

酸甜醬汁稀稠適中，加上蔬菜，如菠蘿粒，更開胃誘人

全魚上除左有裝飾好處，仲可以俾到顧客新鮮、足料及用心既感覺，而我地都感受到了

白飯

飯粒分明，有淡淡飯香

用酸甜汁撈用咖哩汁撈各適其適，都係好好食（我食埋呀媽果碗XDDD

椰汁西米糕

質感似用左大菜，好爽

椰汁味唔太濃，不過清甜，晶瑩剔透，西米亦多

柚子蜜

青檸梳打

太酸，有點飲不下去

Izumi-質定量

上堂落堂……

搞搞下都下午茶三點三

咩都唔講，食左野先

奄烈蛋飯

下午茶份量小，價錢平d

奄烈充滿蛋汁，嫩滑之餘蛋香濃郁

咖哩稠度夠，微辣，正合我意

竟然有沙律伴碟，仲要唔馬虎

有蕃茄有菜有粟米，澆上千島醬，甚能不滿意

炸雞

另外加錢點既炸雞

不太新鮮，雞皮軟稔，開始出油既感覺

而且雞肉唔入味，仲有少少雪藏味

蘋果綠

算幾大杯

不過忘了走冰/__>\（此人不愛凍飲

Coco-脂肪粒

成日聽人食Coco、Coco……

覺得唔抵所以一直唔試

最後成為附近真係冇咩想食既last chance

講真……今次食左差唔多一舊水，但我真係第一次自己去食野食到想喊

沙律

芝麻醬香而不膩

牛肉咖哩

一望……算啦我都冇期望過

咖哩香濃，好彩冇想像中咁甜

但牛肉……算係牛肉既……如Menu附圖只有四五「粒」

但重點係……佢每粒都差唔多有一半係脂肪，有一粒甚至只係脂肪，連肉絲都冇黏著……

當時一見到心情已經欠佳……

蛋既賣相還可以，算係有蛋汁，但整體都係老左d

蘋果批

望穿秋水

0期望

見到賣相……WTF?

雪糕個樣係咩事，點解連雪糕都可以係呢個賣相

Main Point係蘋果批全黑

唉

食

蘋果批味道清新，雖然份量極小，但用足蘋果果肉作餡料呢點加分

雪糕甜而不膩，唔係人工藥水味，不過太凍太硬

除左脂肪咖哩外，staff愛理不理既態度令我更down

我好少會對staff發脾氣，今次亦不例外

不過呢次既體驗我不敢恭唯，更開始質疑直至現今仍然盛讚Coco既朋友既口味……

The Landmark Mandarin Oriental-MO Bar-大清早

話說一直想試MO Bar

但多番訂下午茶都失敗而回

好啦算啦！我下定決心點都要試下架啦XDDDD

所以……朝早……早餐應該唔會full到咁掛？

點知早早去到，得知原來連早餐都滿場

幸好職員指係要視乎情況再限時交枱

冇所謂啦反正都係試下姐，如果覺得好咪再訪囉:^)

環境都算闊落，中意佢係有梳化坐有Cushion

小茶几面積不大，剛好我一個人用就足夠有餘

煙三文魚有唔同選擇:^0

平時見開既普通版鹹香不膩，油脂豐腴卻不黏笠

肉質爽口不多筋，魚油香豐富，吃後齒頰留香

特別版就用左香草芝士，佢係好似一般見半熟吞拿魚既黑椒圍邊咁

香草香氣濃烈，配上芝士濃郁奶香，層次多又唔會有膩感

呢個版本既切法唔同，頗為厚身，更是有了點嚼勁

煙魚凍肉都仲有好多款

感覺唔會好肥膩，係以瘦肉為主

但係帶點濕潤度，唔會乾柴都難以入口:^)

Egg Benedict係呢度竟然變成係buffet item

可以任拎任食，何等美好？XD

重點係佢放入類似蒸爐，保溫卻不會抽乾水分

面頭既荷蘭汁重牛油香，微微酸味令佢唔會過膩

如相中所見，佢係keep warm但都仲有滿滿蛋汁流瀉

蛋香非常濃郁，微稠的蛋汁沾上其他配料

一口咬下，滿口都是細滑香濃既蛋汁作主導

煎香腸外皮焦香，不會過分油膩

肉味香得黎調味適中，唔會話太鹹太heavy

唧d茄汁酸酸甜甜一齊食就更加解膩了！

叉燒包算是合格

包既部分香甜鬆軟，可惜是太過濕潤了

叉燒餡不多，但調味可以，唔會過甜

叉燒肥既部分多，油香重，同時都可能有膩感

叉燒酥甚是可口，外皮香酥薄脆，灑上芝麻再添香氣

叉燒餡調味得宜，脂肪唔算太多

整體感覺唔會好油，係有油香但不算膩

炒飯粒粒分明，香氣吸引

食落飯粒帶蛋香，加上佢用料真心好足，睇相已知

蝦仁彈牙味美，有少少叉燒碎添香

但我最中意都係個飯底，而且佢係有點水分好易入口但又唔濕爛（Y）

Cereal有多款選擇，連用黎沖既奶類都有得揀

Muffin外層乾身厚身，味道較濃甜，仲有烤過既微焦香

中間既部分帶點濕潤，食落香口不膩

個人中意藍莓味，甜中帶酸，有果香

感覺不膩，而且唔會覺得好heavy同埋只是死甜

酥餅香脆可口，底部亦都唔會濕透又唔會滲哂油

一層層薄身而酥香，配上唔同既餡料各有特色

大部分用上吉士，幼滑濃郁，只係佢用量不多，因此冇咩甜膩感

飲品就可以order了

好多款揀都係唔使另加費既

先前想飲豆奶但佢出面沖cereal果d係凍甜既

所以問一問有冇熱既原味既

佢地都會盡量customize去照顧客人需要:^)（Y）

草草食完就要交枱走人了

為左Egg Benedict，我是一定會再回來的:^)

希望下次可以慢慢食唔使趕住走啦

新曼谷-慢了點

泰菜一向係身邊親友既共同愛好

中意佢酸、甜同辣既味道，開胃清新

每當食劑左，總會想下餐食下泰菜解解膩

我中意周圍去，用雙腿遊香港（當然過海就唔得啦）

經過新曼谷位於灣仔既分店無數次

次次都見到出面兩個泰國人偶擺設，覺得好得意，想一嚐滋味

終於，一日假期就實現左呢個想法

香芒牛柳粒

牛柳粒唔多筋，加上切成小粒，容易入口，毫不狼狽

牛味都合格，冇雪藏味，肉質軟硬適中，全熟但唔會太老太鞋

芒果好清甜，加上其他蔬菜同腰果，香而不膩，色彩繽紛吸引

酸甜魚

廚師並非只炸好魚塊，仲炸埋起完既帶肉魚骨

魚塊亦帶有少少魚皮

令人感覺佢落足料，係原條起肉唔係買魚柳整既

魚肉有鮮味唔會好腥

全熟之餘夠滑夠脆，好香口

炸好既魚身除左骨仲有少少肉，都係唔會腥

（諗起以前食過松子魚但佢d肉未熟透好腥有血水我就……）

醬汁酸甜醒胃而不人工，唔會乸口有怪味

配上椒粒，就算食炸魚都唔覺膩

蠔仔蛋

呢個就唔太推介

本身見到佢用鐵板上仲有sizzling好期待

但用料既味道不太吸引

同埋感覺上太油膩，食完個底仲一層油，稍令人卻步

服務方面，其實大家都好友善

我同呀媽本身糾結完係嗌左沙律既，但俾隔離枱既鐵板蛋上桌成品吸引到，而佢地都俾我地轉點

不過如果趕既話就建議閣下另覓餐館，因為人手似乎太不足，等候時間耐左d（個蛋我地等左差唔多一個鐘

小王牛肉麵-重口味

某日放學後同朋友去左試呢間台灣過江牛肉麵

聽講係台灣都四十年歷史，就算非本地分店，大概味道也有咁上下保證

干香牛肉餅　$2x

講真睇到個外表同平時食既餡餅唔同

佢係偏向麵包既質感

底部有煎白既焦黃痕跡

可惜食落都冇咩熱度，外表油膩硬實

入面既餡好少，牛肉不高脂，但加埋香菜等，味道混集埋竟有點印度Feel

半筋半肉麵　$5x

份量都幾大，我點左粗麵加酸菜

湯底味道十分濃郁，帶有淡淡藥材香及苦味

雖然好重口，但食完又唔算特別口渴或者喉嚨痛

牛肉係厚厚既長條狀，帶有少少筋，半實卻入味

筋稍為硬左d，不過都有嚼勁，算爽口

酸菜酸味係溫和既，唔會太乸口

麵有少少彈性有d韌度可以咬下，食落好重麵粉香，越嚼越有麵粉香甜味

建議點粗麵，因為幼麵太吸汁，會過於濃味

順帶一提，食麵果陣見到牛筋有眼睫毛……（消音

滷水牛腱　$3x

牛腱其實只有三數片，底下既係豆同豆乾

入味但比較清，冇咩油膩感

筋部唔會韌，係易咬易嚼既

豆乾好重豆香，佢既滷水汁又唔係好油，沾滿食都算清新

北口-逼都抵

同摰友飽餐一頓，食完晏預祝佢生日之後……

另一個朋友加入埋然後又拉大隊去食下午茶XDD

大家都係韓飯，6條腿自動行去金巴利街搵食

假日下午茶時段難得搵到間韓食開門

入到去曾經要換枱，詳細不提

而環境狹窄，幾乎背貼背咁好逼

順帶一提：入座後只落單一次，冇加單

辣炒年糕

本人對呢味冇咩興趣，只係好多朋友都中意食

年糕彈牙不過黏，辣醬緊緊依附甜辣滿分

加上白芝麻稍稍提味，好香口

整體份量亦算合理

涼拌粉絲

上桌一大碗，份量都夠

雜菜絲多，清新爽脆

粉絲係韓國果種，較粗身並有嚼勁

配上酸甜微辣既醬汁，開胃到想一食再食

炸雞球

餐廳外有Menu，先前經過時一下子吸引到我

呢個係炸雞球，同李家等等既炸雞係唔同既

雞球本身上枱係好新鮮熱辣，入面偏肥多脂肪，但完全不膩，且無雪味

入口嫩滑，油香充滿牙齒隙縫

外面炸得金黃香脆，冇油溢味

醬汁酸甜解膩，另外落左花生碎同芝麻，增添香氣及質感層次

其實北口仲有好多小食選擇，性價比也合理

只係太逼，我個人會選擇試其他了

Royal Plaza-Lion Rock-主菜選

之前去過Lion Rock Semi-buffet

感覺還不錯，價錢亦相宜

今次想試埋佢既主菜:^)

Menu全用IPad

有好多款選擇

中、西同日式都有:^)切合客人口味:^)

沙律及冷盤

都仲係好似上次咁好新鮮

今次仲有蕃茄食，開胃夠清新，點都要食番d先:^dd

款式其實都冇咩大變化

芝士焗鮮茄龍脷柳飯

賣相好吸引呀……

睇到不少芝士同埋新鮮蕃茄係面頭，仲有烤焗後既金黃微焦顏色

芝士幾牽絲，奶味好重，唔會話太鹹

鮮茄好多水份，酸甜清新，配上芝士topping都冇膩感

龍脷柳熟透都有少少嫩度，不過分唔到佢係咪真係龍脷柳

肉質有點稔身，但好基本既係冇雪藏味冇腥味

飯底唔會太濕爛，撈汁食越嚼越香

甜品

士多啤梨奶酪唔會好甜膩

縱使佢係奶香濃郁，佢都有果醬酸酸甜甜伴住食，降低甜膩感

Brownie外乾內濕軟

朱古力甜中帶苦，香氣甚是香濃

甜度稍高請注意

薑汁燉蛋薑味幾香

但佢只係有香氣唔會話辣既

燉蛋好creamy，甜度不高，配上莓果更為清新

紅豆布甸唔會太硬實

甜得黎幾清，唔係單靠糖黎調味

紅豆香味淡淡的，但入口即滲出清甜味:^)

紅豆沙係有d稀既

我覺得就唔係太甜

重點係佢冇咩陳皮味（Y）

原來係附送飲品，我上次都唔記得點……

柚子蜜感覺味道不濃，也許水多蜜少

不過算啦反正我都唔係好飲甜野既:^|

————————————————————————————————

有日經過新世紀廣場，見到帝京既Lion Rock有做Lunch Semi-buffet

心動，揀左一日lunch去試試:^)

沙律及冷盤

生菜好新鮮，爽脆又有水分

配上黑醋汁酸酸地，感覺好清新

除左蔬菜仲有d cold cut

脂肪含量不多高，冇咩油膩感

甜品

朱古力撻既撻皮都係朱古力黎既

甜中帶微苦，食落冇咁甜膩

中間mousse既部分好細滑，朱古力味十分香濃

木槺布甸有幼沙同粗粒餅碎，保持到脆脆地冇濕淋

布甸部分香滑，泡泡綿密細緻，加上餅碎質感上有對比:^)

藍莓芝士蛋糕既芝士味好濃郁，texture幾creamy既

不過果醬甜中帶酸，算係減左少少膩感既

吉士撻完全係一口大小，食幾多都唔會好甜膩

餡既部分係好幼滑，甜度適中，好襯莓果既酸味

熱情果芝士蛋糕都係好creamy

熱情果醬味道偏甜，但果味好香，所以食落又唔會話太滯

京笹-咩白飯

又是假日的下午……

本身想去食泰國菜，去到先知已經關門大吉

在尖沙咀徘徊一會之後決定試呢間日本野:^)

雜錦魚生飯

其實一上桌見到零落既魚生已經覺得伏，真係連紫菜都唔多條

不過諗住如果好食就算啦，同埋唔算勁貴，過得去啦

先試海膽，只係挖出一小口試就見到佢入面係好似半溶咁

質感就不提了，但味道似乎有點腥氣

三文魚既外表好乾，就咁睇似煙燻多過刺身

外表就算啦，食落都正常既

三文魚籽……

一開始睇到好似好黏同埋扁扁地皺皮有D失望

結果同我想像中一樣，雖然係橙紅色且晶瑩剔透，但黏口之餘帶腥

炸雞飯

炸雞夠熱，肉質偏老但唔算好乾，感覺不太油膩

另外有D蔬菜同蘿蔔蓉令整體更清新

套餐會包埋味噌汁，偏鹹

白飯好淋身同埋痴牙，食完覺得好劑

日式燒餅

上到黎見到好細咁，算啦我中意食，所以都係一試姐

一切開不出所料，真係好薄同埋冇咩料咁

味道都正常既，但真係失望左d

另外要提下服務

Servers俾人感覺有少少散漫

俾Menu係掉低而拎走之前冇知會過（其實係叫住先，仲睇緊）

佢地亦會不斷提醒你last order時間以及落場時間……

甜牙牙-食緊咩

2013最後一日，除左食，還是食

食完火鍋之後繼續下一場，食甜品

當時已經十點十一點，好多甜品店似乎要打烊，都唔知去邊間食好

經過美麗華……咦！不如去試下甜牙牙啦，聽講幾出名咁

營業時間去到凌晨，又冇限時，唔使太趕

拎左飛，店內如常人頭湧湧，但turnover rate幾高，轉個頭已經可以入座

綠茶木槺布甸

點選食物後過左一段時間先上，所以都唔係好記得嗌左咩，淨係知係綠茶

可能因為係冬天，唔係好想食冰凍既甜品，唔食綿花冰刨冰果D

一羹直落到底，散……碎

入口冰凍，有如咀嚼薄冰

我究竟嗌左咩，我究竟食緊咩？

紅豆甜而不膩，加上少許薄脆既contrast texture好吸引

雪糕冇咩好講，咪少少綠茶味+好甜果d家庭裝咁

香蕉芝麻薄脆

死心不息……再叫一個試下

香蕉表面呈金黃色，焦香味重，不過仍然係軟身既

雪糕都冇咩好講

主要試下薄脆姐

芝麻夠多夠密夠香，薄片不甜膩，亦保持到乾脆

不過食食下覺得好似食緊新年野咁=___>=