某日放學後同朋友去左試呢間台灣過江牛肉麵
聽講係台灣都四十年歷史，就算非本地分店，大概味道也有咁上下保證
干香牛肉餅 $2x
講真睇到個外表同平時食既餡餅唔同
佢係偏向麵包既質感
底部有煎白既焦黃痕跡
可惜食落都冇咩熱度，外表油膩硬實
入面既餡好少，牛肉不高脂，但加埋香菜等，味道混集埋竟有點印度Feel
半筋半肉麵 $5x
份量都幾大，我點左粗麵加酸菜
湯底味道十分濃郁，帶有淡淡藥材香及苦味
雖然好重口，但食完又唔算特別口渴或者喉嚨痛
牛肉係厚厚既長條狀，帶有少少筋，半實卻入味
筋稍為硬左d，不過都有嚼勁，算爽口
酸菜酸味係溫和既，唔會太乸口
麵有少少彈性有d韌度可以咬下，食落好重麵粉香，越嚼越有麵粉香甜味
建議點粗麵，因為幼麵太吸汁，會過於濃味
順帶一提，食麵果陣見到牛筋有眼睫毛……（消音
滷水牛腱 $3x
牛腱其實只有三數片，底下既係豆同豆乾
入味但比較清，冇咩油膩感
筋部唔會韌，係易咬易嚼既
豆乾好重豆香，佢既滷水汁又唔係好油，沾滿食都算清新
沒有留言:
發佈留言