曾經到訪Renaissance Harbour View嚐Brunch
對其出品水準了然於心
因此對今次去Lounge試A La Carte都有幾大既期望XDDD
環境
非常舒適，開揚夠光線
雖然係酒店大堂既一角，但唔都唔會太吵雜多人聲
仲有少少窗外景望下，都幾寫意既
餐包
內藏好多穀物籽，感覺健康
外皮微韌，內部輕綿軟身，整體都係乾身底
我一向唔搽牛油既，但佢咁乾身都要潤一潤易入口
牛油香濃郁，可能我薄塗，冇油膩既感覺，反而多左層香味:^)
辣肉腸蛋批
呢份係我選擇既前菜
一睇個賣相夠吸引，突然以為自己係高尚人士xddd
表面焗得金黃色，帶點點焦香味道
薯仔切成粒狀，佔量都多，薯香十分重，仲有少少爽口
蛋香亦不失色，清香不膩
辣肉腸鹹香味濃，辣味不太刺激
但個人認為應該要加多辣肉腸，因為而家薯仔變左主角，味道太淡了
印度牛油雞咖哩飯
賣相格外精緻，食過好多間印度野都未見過可以擺放得咁雅緻
面頭放左塊胡椒餅，薄脆不油，胡椒味香而不嗆
牛油雞味道帶點蕃茄酸味，感覺唔會好油膩
咖哩汁稀稠適中，份量剛剛好夠拌勻白飯
雞肉受熱均勻，夠味，份量都多，是足料的
內部保留點點水分，脂肪不多
白飯飯香十分濃，飯粒分明不黏爛，邊嚼邊滲出微甜味道及香氣
水果甜品吧係單點餐另加$40+10%即可享用
唔使講一定會俾錢加
之前試過Renaissance既甜品確是令我有信心
就算係最不討好我既甜品款式，味道仍是不能否認的出色
Dark Chocolate Berries Mousse Cake
賣相超吸引，黑朱古力鏡面整到好靚係完全冇瑕疵
黑朱古力味道十分香濃，苦味係醇香果種，令到個蛋糕係可以冇咩膩感
莓果酸甜清新，又係解膩良方
底部微脆既榛子脆片亦是一個亮點，另外一種甜香味，脆口不膩:^)
Mandarin Coffee Cream
大塊脆餅放係面頭，味道香甜
脆口質感同下面布甸既嫩滑有點對比:^)
布甸部分先有點咖啡香
柑桔既清新酸甜味道則留守最後，感覺開胃解膩
紅豆綠茶蛋糕
紅豆mousse部分清香微甜，見到有紅豆衣
綠茶部分茶味甘香，帶有淡淡苦味
面頭有少少紅豆蓉作裝飾，係粒粒紅豆起哂沙咁既，甜得黎清新自然
整體配搭好相襯，食落又唔會有甜膩既感覺，幾清新
冧酒浸蛋糕
酒香濃而不嗆，唔會太過刺激
蛋糕濕軟，甜度不高，感覺易入口又好清新
Pineapple Crumble Tart
表面金寶係粗粒既，香甜鬆脆，帶淡淡牛油香
菠蘿餡酸酸甜甜，有點黏身既果醬質感，卻不會覺得甜膩
撻底香脆，甜度適中，厚度剛剛好唔會過厚又唔會薄得易濕淋
吉士威化筒
吉士幼滑香甜，略稠身，配上莓果既酸味則不太膩
威化筒有點濕軟了，但本身既蛋香味都仲係度
賣相幾特別，感覺都用心整既
輕芝士蛋糕
芝士味香濃，但質感上輕軟不會過膩
蛋糕體輕身，有少少濕潤感
不會太粉，食落唔會有漿口既heavy感覺
Cupcake
上面既froasting牛油香甚重，或會有點油膩
蛋糕部分軟身不過乾，甜度不高，幾易入口既
馬卡龍
賣相精美吸引，仲要真係好有心思整，每款既夾餡都有d分別架
個人都係中意莓味，主要係佢個餡酸酸甜甜，食多都唔會膩
外表香甜酥脆，不愧為少女的酥胸xddddd
芒果布甸杯
老實講呢個真係冇咩特別
芒果甜得黎夠清新，味道自然唔似係催熟果種甜到乸既味道
布甸部分有點實身，都有芒果味調味，整體味道更見統一互相配合
芒果吉士撻
芒果大大塊清甜多汁，配上吉士既甜味，另有一番風景
吉士細滑感覺帶點creamy，而芒果既清新則是解膩
仲有一層既蛋糕體，香軟微甜
最底既撻底甚是脆口，有淡淡焗過既焦香味，甜度亦不太高，突出到芒果既鮮甜
Strawberry Lamington
味道有點像草莓味百力枝既外層，甜而不膩
蛋糕體帶點水分，感覺略為濕軟
配上乾身少少既外層食，有點對比既感覺，同時更為可口
水果
都有好多款選擇，健康之選
感覺新鮮又多水分，仲要大部分都係清甜可口，唔會話太酸澀難嚥
