2: Norwegian National Gallery> The Royal Palace
晨早空氣，清新開朗
起床後除左要梳洗，準備出門之外，豐富早餐又怎可缺少呢？
之前一晚我地已經買定早餐既食材，見到又平又靚既三文魚刺身，但可惜無緣即食
唯有買煙三文魚補番，認住Laks呢個字，就係真．挪威三文魚
（因為鮭科又有鱒魚 Ørret同其他魚，魚肉啲色都似，但其實係唔同既魚）
Grovbrød 粗麥麵包係挪威其實都幾流行，不過要遷就口味，加上天氣咁乾
我地買既係一包六件既百吉包，佢唔係平時食法式硬脆果種，而係軟綿綿既
當然也不期望是怎麼的濕軟可口，但總算頗易入口的，麥味重，也有點點纖維咬口
加埋新鮮脆口既Kale，Superfood啊，係挪威唔會好貴就已經有一大包
同場加映，北歐國家常見既蝦沙律 Rekesalat，出乎意料地多蝦肉，唔只得啲醬
除左就咁夾啲料入個Baguette，再試下扮挪威人食Smørbrød
其實就只係開邊三文治，北歐各國都興既傳統方式，但唔同國家係唔同寫法咁解
街上隨手拍，仍是白皚皚的一片，天陰陰，而且稍有霧氣，朦朧迷濛
路上經過Museum of Decorative Arts and Design，未開，別了//
第一站來到的是Norwegian National Gallery http://www.nasjonalmuseet.no/
Universitetsgata 13, 0164 Oslo
長期展覽名目The Dance of Life-The Collection from Antiquity to 1950
收藏可是意外地豐富，認真睇完行完既話真係需要一點時間
裏頭十分整潔有序，依照房號順序走著就可以由古代開始感受每個時期的變化
第一張必睇一定有Edvard Munch既吶喊，點解會係度？其實佢係挪威畫家……
另一特別的是其中有間黑房，內裏主題為Fairy Tale，關於挪威傳統童話
有古就有今，落番樓下就有Temporary Exhibition
我地去果期就有版畫之類既作品，都係比較近期……應該係話現代，同Permanent截然不同
最特別既就係佢其中一段走道係鋪天蓋地既創作
真係鋪天蓋地，因為唔只牆上有，天花板同地板都係作品既一部分
通常話帶小朋友去睇館就最好係啲天文啊科學啊，最緊要有得玩
而挪威呢間就唔怕悶，常設展館果邊有間大房，除左展出作品，仲有得俾訪客寫下生
而短期展覽果邊都有得試下玩版畫印刷，但個底梗係館方提供，唔係自己雕刻啦XD
文藝氣息之後就來到The Royal Palace http://www.kongehuset.no/seksjon.html?tid=28697
Slottsplassen 1, 0010 Oslo
去到皇宮有咩做？好啦我地唔係要參觀啲咩建築，亦唔係深究當地歷史
只係單純地睇，睇每日下午一點半既換崗
規模固然冇話好似英國咁盛大，觀眾亦不至於係蜂擁而上
只係每個國家每個地方都有唔同既觀感，如果要相比既話去黎好似冇咩意思
話咁快睇完就出番人煙稠密既地段，我地都係想搵個室內地方企一企暖暖身姐
唔好笑我地傻的嗎，1月尾既時候仲係零下緊，大概係0°C至-12°C
（話說數字上既溫度同體感溫度差別大到喊出黎）
而且之前等佢換崗既時候企左至少半個鐘，加埋睇既時間就成個鐘冇點郁過啦
然而，當地人興高采烈地溜緊冰……
明明我都有上高登，點解仲係會覺得凍？
[其他旅遊相關]
沒有留言:
發佈留言