到埗大概為早上十時半，但買Pass加上搭機場鐵路等等也得花點時間
結果出到市中心就已經係午餐時間，第一件事不是去什麼名勝古蹟，而是搵食
早早搜尋了幾家個人認為必要試一試的平價食店
要知道挪威物價普遍比瑞典還高，作為窮拎遊樂就點會唔格格價呢？
所之去既地方未必係高級名店，但至少有特色食道地野，評價也不能差
呢間實情係海鮮店，唔似平時係香港去街市既雜亂，一地都係既狀況
無論係瑞典定係挪威，去既街市都叫企企理理，至少地方大啲，肥仔表示行得舒服
Fiskeriet聲稱供應的海鮮均為野生捕獲而來，因此首站要感受挪威海產既新鮮lol
除左有各式各樣既海鮮，同時有調味料及其他相配的食材出售
當時去到仲未有正餐，因為早左些少，廚房未開未煮到
如果真係好趕既話，唯有貴少少買佢預先煮好既食物，如魚湯、沙律、餅卷及Bagel等
Menu上網有得睇，叫做Meny，大可以搵Google幫幫手
入到黎就有挪威文及英文兩款餐牌，但唔知咩料佢地拎住挪威文果份係咁叫我譯so sad
做咩姐？老子真係識條春，好彩之前搵地方時上網睇過下都記得啲
而且挪威文有好多字同英文似，例如Fisks Suppe係Fish Soup係魚湯咁樣樣，睇多左就識啲
其實佢地好興餐牌分兩個價錢，一個係堂食價，一個係外賣價
同香港成日見好多餐廳既做法唔同，呢邊主要係想留位做堂食客，清潔服務人手都慳番
所之外賣價係會平，有時平唔少，今次食每份平過半百
相反香港店家通常會收多你若干銀元，完全係相反
BTW，影門面加外賣袋張相果陣有位職員姐姐剛好入番店，諗住攝鏡點知佢太快縮走左
Fish & Chips NOK99（外賣） NOK159（堂食）
貼心而企理的包裝已教人不禁為其加分，除外頭實淨的兩層紙袋，更是內有乾坤
既是即場炸起交客，有多熱，可想而知，成包直接上手拎住食真係頂唔蒲
幸好在那標誌性的偽報紙（真印店名包裝紙）外再加了高身紙杯輔助
醬汁亦是另外奉上，而非隨便唧一唧了事，不愛醬的也可來點檸檬汁
炸魚大件足料得讓我驚喜，老實說一邊搵資料一邊見話挪威物價高得很
結果物價係高，但一黎就見真章，同時唔會係炸皮厚硬魚肉少既景象
魚肉稔身不腥，略帶鮮味彈爽，雖然未能說是非常嫩滑順溜，但至少不韌口不乾柴
炸得脆身，炸皮內面未有漿口糊感，炸粗薯條亦是脆身香口不油膩
身為醬怪，沾的當然是稠身酸甜的厚醬而非單純的檸檬汁，份量不多，吃下去更開胃
Fiskeriet
Youngstorget Youngstorget 2b, 0181 Oslo
+47 22 42 45 40
魚店 星期一至五10-18 六10-16
餐廳 星期一至五11-19.30 六12-19.30
係香港真係甚少搵到整得好既fish and chips.
回覆刪除但說真的我其實好鐘意食炸魚D炸皮 哈哈XD
我地有個fd就淨係冇食d皮，話驚熱氣T AT
刪除