Khana Khazana-素印度

Khana Khazana係我同朋友第一次去食印度野既地方

自此之後，好多既機緣巧合，大家慢慢熟落

直到而家變左死黨:^)

呢間真係我地既回憶地

小食

第一次食到南印度既小食

通常BUFFET都係北印度既菜式或者淨係咖喱咁:^)

Rawa Idli即是白色蒸米糕

比較粉，冇咩味，要點醬食既

淨食會寡，不過好香米粉味

好似Doughnut既係Medu Vada

其實冇咩特別似炸粉團，好多香料味，同埋好油:^o

炸薯

好幼滑香口

薯蓉調味同香料都夠

仲要勁衰咁細細舊一口大小

真係會不知不覺食左好多

好中意中間白色既coconut chutney椰子醬

椰香濃郁，有椰蓉更有嚼勁

齒頰留香真係冇誇大:DDD

Curry

有好多款咖哩，全素

我地兩個最中意都係Butter Paneer

即是Butter Curry配芝士塊

芝士塊實而微粉，奶香濃郁不膩

飯煮得乾身，粒粒分明

仲要好香口有飯既甘甜味

除左平時見到既Naan之外

仲可以任點Chapati同Dosa

Dosa係長筒卷

外皮薄脆焦香，入面有薯蓉餡，香料調味十分可口

Chapati其實同Naan差唔多

但佢係冇發起既，係Flatbread，冇Naan咁劑

食落麵粉香重，連Curry食會濃味d，少左portion去中和番

Naan新鮮整香口焦脆

有三款味：Plain，Garlic同Butter

我地試哂最中意係garlic

蒜香重但唔辣唔嗆口，配落naan食好開胃

Butter香係香，但真係十分油的

Ras Malai

奶香好濃

不過東南亞既甜品好多都好甜

呢個算普通（本人嗜甜到魔境了xddd

用既係煉奶，冇溝稀所以吸附哂甜度高d

不過佢冇炸算係不健康中既健康（不幸中之大幸既朋友-___

Hotel ICON-Green-杯子甜

假日

好特別既組合，我、我媽同我朋友XDDDD

得閒想試下Hotel Icon既Green

因為試過The Market，對Green既信心大增

可惜我地太遲了，去到已經冇左Afternoon Tea Set

唯有點個Savory Set同單點Cake啦

未逐個講之前，聲明：

我好憎食到Cream既，平時見有都要整走佢

但Green既cupcake上面果堆cream我完全可以食到好滋味，因為係重忌廉香而零膩感咁劑

Cupcake既Size都幾大

最好搵埋親友一齊試，試多幾款

順便可以吹下水增進感情:^)

Green Tea Cupcake

Cream重綠茶香，稍有苦味

上面黑白朱古力碎咁啱帶來甜味

Cupcake綠茶味濃，而且有烤焗既焦香感

蛋糕部分保持濕軟，入面仲有幼滑香濃既朱古力餡

不過我地覺得如果係紅豆餡可能會更理想

Blueberry Cupcake

Cream既膩感被藍莓酸甜味道中和番

上面既藍莓更進一步帶來清新

蛋糕部分鬆軟可口，都有藍莓果肉，好開胃

Double Chocolate Cupcake

朱古力Cream香滑微苦，加上偏甜朱古力卷同碎片，不膩

朱古力蛋糕香味濃郁，甜度適中不嗆

中間有軟心朱古力，濕潤稠密，好Rich

Vanilla Cupcake

雲尼拿味清香，白Cream最易睇出密密麻麻既雲尼拿籽

可見其天然清新，非單純人工精油味

大大粒草莓酸甜爽口，中和下忌廉本身既少少膩感

Sesame Cupcake

芝麻香味超濃，配上表面既芝麻粒，好match

蛋糕一貫做得鬆軟不散，充滿朱古力既香甜味道

Chocolate Cupcake

呢個既味道冇Double版咁濃

似係輕型版，甜度都唔太多，反而忌廉香味勁甚

Raspberry Chocolate Cake

亮面完美無瑕，加上點點金箔，賣相吸引

紅莓外層清新酸甜，幼滑微黏

入面有chocolate mousse，醇香濃郁

另外有raspberry果醬，比起外層更酸，整體不膩之餘清新開胃

Champagne Afternoon Tea

Scones重牛油香，感覺乾爽不油不鬆散

加上果醬既酸甜味道，好滿足

 Beef Baguette牛肉味香濃，醬汁creamy但唔會好油膩

麵包外乾內軟，配上濕潤既牛肉餡，剛剛好

Crab and Tomato Sandwich感覺清新，蔬果爽脆多汁

而蟹肉部分不會偷工減料，緊附在麵包上，香而不膩

Smoked Salmon, Truffles and Scrambled Egg on Soft Roll包身頗韌

餡味道稍稍creamy但重truffle清香，smoked salmon既鹹香同蛋香都較輕

一邊飲茶一邊食，咁先唔會膩唔會劑呀嘛XDDDD

意粉屋-我揀飯

因為Pizza Hut冇位

一家三口相聚處改為意粉屋

話說細個果陣呀媽好中意同我去食意記

我成日覺得太貴叫佢唔好去XDDD

次次都係食蕃茄肉腸意粉XDDD

三個人商量一番後決定棄餐單點

當時有Lunch Set，只係為免唔夠食姐（我同呀爸大胃王XD）

同埋款式唔太合意

好彩上意粉屋官網有MENU睇得番D名

如果唔係都唔知點作個名俾佢-___>

蒜蓉包　$40

蒜蓉味香濃而不嗆辣

麵包厚身，表面脆而微焦，中心濕軟香口

小食拼盤　$88

肉腸調味足之餘有香草清香解膩

薯條算粗切，炸得香脆不油

洋蔥圈夠脆，同埋洋蔥甜而不辣

春卷入面足哂料，皮薄香脆

雞炸完好香脆，本身調味夠，仲要冇咩膩感

份量都多，只係影落細左，上枱一定係大過A4 size XD

芝士焗龍蝦汁海鮮墨魚汁燉飯　$108

個名有D亂，姐係海鮮用龍蝦汁煮過，燉飯落墨魚汁

雖然話落左墨魚汁，但上桌賣相仲係好吸引，唔會有凌亂污糟既感覺

芝士落到好足，唔只焗到靚靚金黃半溶牽絲仲有焦香味

海鮮料好多，冇腥味，反而夠鮮甜彈牙

龍蝦汁係完全食得出，緊附海鮮料，鮮甜有海鮮既香味，不油不膩

燉飯底飯粒既分明又濕潤飽滿，食落好綿密

係要用番高澱粉既意大利米先可以做到咁（Y）

實物比相大，鍋算深，食完真係夠哂飽（我地一次過落單好快上哂先知，食完超滿足:^)

芝士焗三文魚帶子牛油果特色飯　$102

煙三文魚唔算多，反而細帶子同埋mushroom牛油果多好多，真心足料

芝士味又唔算好濃，起碼睇樣都冇墨魚汁果個咁重手

講真我就唔知特色飯煮法有幾特色，但飯底感覺係燉飯同乾炒飯底中間

整體調味都幾合宜，可口開胃之餘毫無膩感

焗肉醬闊麵（牛）　$118

芝士焦香半溶，加埋闊麵食不見膩感，只覺得好rich

肉醬餡多，酸甜得黎味道自然，唔會太人工味刺激味蕾

闊麵唔會太乾硬，濕軟度掌握得宜，有d嚼勁，個底冇出水

疊咁多層都好統一，賣相不俗，加左分啦

Nomads-任你調

甫到餐廳已經感到濃厚蒙古風，佈置主要用毛草

以及土色系，甚有大漠風

Salad Bar有餐湯、自配沙律及現成salad mix

個人中意南瓜沙律清甜又唔會好易劑，多纖維為之後既肉食打底

仲有雜果沙律，酸甜開胃，用料多款，特別係有紫薯片香脆清甜

餐湯會轉款，見過有栗米有西蘭花，主要都係忌廉西湯

自選配料有飯粉麵及Pizza底

枱上有號碼牌，連同食材盤交到廚房玻璃窗前桌就可以番位等

大概等候時間：

炒鍋五至十分鐘，Pizza三十分鐘

炒鍋

自選材料放入大碗後可以去調配醬料

我中意蒙古汁、酸甜或蕃茄汁加燒汁，酸甜中帶微辣，且帶出食材鮮味

除此之外，佢地既咖哩汁同沙嗲汁加上少少椰汁都好香口

加點香草同炸蒜或椰絲更佳

　Pizza

都係自選配料

但今次係直接拎個pizza base放料係面

staff會幫你放芝士係面既，亦見過有人話要淨芝士pizza

溫馨提示：

平放食材

多水份（如蕃茄、菠蘿）放面

否則個批底會濕爛不脆架啦:^)

服務態度幾好，好肯幫客人好attentive

泰昌-曲奇皮

泰昌餅家一撻成名

就係因為幾多十年前，前港督彭定康對泰昌蛋撻讚不絕口

而家變左香港名物咁

中環店……其他分店都係，不時會出現人龍或人群去掃撻:^0

細細個食過，竟然十年後再食了XDDD

曲奇皮蛋撻

同細個食既味道當然有出入啦

不過蛋香仲係幾重，而且係幾滑嫩可口的

曲奇皮係酥脆既，入口帶甜味，但慢慢嚼出牛油香

整體黎講我覺得還是不錯的

可惜當日唔係即刻食，錯過了最佳時段

或者下次要去「立食」一下xdddd

Smile-脆皮樂

Banana Split $51

價錢就不便宜架啦

不過見賣相幾吸引，同埋成日見到人排隊，就買左黎試

外面既朱古力醬有d穀物片，變左脆皮，諗起以前M記果個脆皮雪糕

熱情果+香蕉部分好足果肉，帶微酸，但我覺得唔係好夾

蝴蝶酥薄而脆，層層分明

Yogurt奶香不算太重，keep到清新感覺，同埋主要都係酸味大於甜味

中間有脆粒，類似餅碎咁，偏甜，可以中和下酸味

最底有d生果粒，冇咩特別:^|

總結：試左算，冇再買既念頭，不過蛋糕可能會試

海南少爺-咖啡香

續越南野，食完佢地留番俾我既一堆餐點之後都仲肚空空

（識我就知我既食量以及速度一定要用「恐怖」同「驚心動魄」黎形容）

我即時提議續攤，不過係去其他食肆（之前果間即使再點菜都係要跟番限時離座

「海南少爺啦不如食！想試佢d咖啡骨，好似好得意咁。」（原諒我不嬲說話都係倒裝句

「你中意就是但啦。」（爽快（喂

去到等左冇耐已經有位坐

海南雞

佢地insist要點既

雞鮮味濃，零雪味

雞肉唔算好滑但夠稔夠水份，好容易撕開d肉

另外佢唔係好肥，脂肪主要集中係雞皮，冇雞油啫喱，食落感覺唔油膩

其實都冇咩骨架啦，懶肉合哂我心意

本身預左呢d貴價餐廳又貴又少，但上枱一望，「咦，個份量都幾正常喎……（月

咖啡骨

終於食到久仰既一道菜

成日經過海港城果邊既分店都見到佢推介

送緊黎果陣已經係遠遠傳來淳香既咖啡味，即刻望下係咪有得食（吃貨本質

咖啡味好香濃，但醬汁唔會好重苦澀味，反而係微甜

而且醬汁係緊緊依附係排骨之上，美味非常

肉質未至於入口即化（偏瘦），卻是不老不韌，亦烹調得相當入味

呢味真係十分推薦:^)

炸咖央蝦丸

個名類似係咁啦，我睇成分諗出黎，不嬲唔係好記菜名，只著重於味道

新鮮熱辣，因此完全冇油溢味又冇泛油光

蝦膠本身係爽口彈牙，鮮味十足，用料應該不錯

重點係……佢會爆汁！

對吃貨而言，炸物必須新鮮趁熱食……

嘩大佬！真係燙到講粗口都冇用！

包汁偏稠，好香口，可惜外面既蝦膠已經調味得宜，內餡又係濃味有點overloaded

我中意綠色既咖椰醬，清香不膩，點炸物就啱哂，可以解膩

肉骨茶

佢地好中意既一樣食品，由一開始就係度係咁講咩馬來西亞同新加坡版本既分別

又話自己加埋親友去旅行都有試過，問過當地人原來材料又有分別……

講真我就第一次試既，聽就聽得多，知就唔係好知佢係咩

遠遠聞到藥材味

由於係最後一道上桌，佢既份量同質素我地都有點打算同期望

果然都係好足料

藥材味的確濃XD微苦，但更多既係香味（我覺得藥材味真係好香-__>

用料如相中所見係十足既，不過一煲就唔係太多，我諗大概都分到四碗或以上

入面有少少肉排但飲落係好清，稍有肉味，微甘

佢係用果d火種去reheat，感覺好新奇（冇見過

非鱔稿

真係食到好貴，佢開價真係一望menu心中有不妙既感覺

加上佢係要俾茶錢既……不過好彩唔係我俾XDDD

因為第一次食呢堆新加坡食物，有d興奮所以呢篇打得多d

The Mira-Yamm-雪米糍

又係一個晨早出門

落車後奔跑去食自助早餐既閒日XDDD

凍肉

選擇有好多

但我都係熱愛我既煙三文魚XDDD

煙三文魚

食落感覺肥美

充滿油香，但同時會比較膩

所以加D醋會解膩冇咁易滯

Banana Smoothie

其實之前仲飲左幾杯但冇影

好香滑但好milky

我會比軟中意左面既Energy Drink

會清d同酸甜開胃好飲d

Energy Drink

精力飲品XDDD

好好飲

好似係蕃茄加橙加甘荀

酸甜得黎好清，同埋佢有少少果肉

清爽開胃，會令人想不停飲

唔會有平時蔬果汁既怪味青味

蜜糖

佢成個BEEHIVE係度滴

清甜花香重，稠密得黎係好潤又唔會甜膩

照燒雞排

肉質鬆化

好少脂肪唔會油膩

燒汁鹹鹹甜甜好入味好開胃

燒賣

比較實同硬左d

但入面好大粒蝦肉同冇肥豬肉:)

薯餅

好香脆但太薄

炸完比較吸油:(

不過好彩佢冇回油又冇油溢味

腸仔

keep到脆皮

食完成條都唔會劑

佢亦都冇咩肥膏肥脂係入面所以實d但唔會成口油

奄列

牽絲的OMELETTE！！！！！

佢落料落得好足

一路望住個廚師整，佢係一大把手抓到就落

好大方好疏爽，真係係satisfying唔係為慳料搞到唔足料

雪米糍

好神奇佢係有雪米糍食既:oooooooooo

冇諗過早餐係有囉XD

溫泉蛋

做得好好，滑得黎又好清

加埋少少冷麵汁（？）好易入口

炒蛋

仲係有少少蛋汁

好香滑唔老唔鞋口:D

雙層芝士火腿三文治

面頭有一層mozzarella

中間有cheddar cheese同ham（係切出黎果隻唔係pack好一片片果d

好香但唔會膩

入面既ham係瘦面冇肥膏既

整體比較淡

不過芝士香味好濃

同埋佢有熱燈照住，食果陣仲係暖熱會牽絲（Y）

叉燒包

包心好香甜但唔會好膩，唔係狂落糖既死甜

但問題出在佢D餡太多肥膏同醬汁

反而搶左叉燒既少少焦香味:(

Egg Benedict

最失望

雖然佢似文華咁有得free flow

但問題係佢只係用熱燈照住

放耐左雖然都仲熱但已經唔係流心而係溏心:(

Cereal

都幾多款式揀

罌粟籽鬆餅

有落檸檬汁，所以食落開胃清新唔會太重牛油香太劑

朱古力鬆餅

好多朱古力粒粒，但問題係偏甜會易膩

藍莓鬆餅

最中意係佢，酸甜藍莓充滿成個MUFFIN:D

好足料,入面好多藍莓粒粒

muffin面都係好脆口同埋有少少baking既香味

入面會似平時食既蒸蛋糕，唔會太油太濕又唔會好硬好粉:d

果子麵包

包心都係偏甜既

唔會好似有D個心有麵粉香但得個面有味咁

金寶蛋糕

上面crumble好香脆，加埋d糖粉好好食，但又唔會過甜

外皮焗到有少少脆口但唔會係硬:)

杏仁牛角包

面既杏仁好多

糖粉唔算太多

加埋一齊食味道啱啱好

酥皮好鬆化，好重牛油香味

入面既餡唔會太甜，而且係比較清香:)

西瓜汁

好清甜，係鮮打既唔會人工味

火龍果汁

都係好清同埋鮮打仲有d果肉同種籽:D

蜜瓜汁

都係鮮打

冇額外加糖既感覺:O

Sheraton Hong Kong-Sky Lounge-下午茶

一日突如其來既假期（我指我呀媽XDDD

兩個人訓到黃朝白晏先起身

諗食咩去邊食都諗左一大輪……話咁快兩點

出尖沙咀諗坐一齊歎下afternoon tea

邊間好呢？平日應該唔多人排隊等食既，因此我地似乎有左選擇餘地

「喜來登喎……你有冇試過？」

「之前食過，都ok既。」

「我未呀……」

「咁呢間囉不如。」

　

搭lift已經覺得有趣，因為係玻璃+外建，所以直接望到出面景

當日平日少人……靠窗面海位堅正，可惜天公不造美……/__>

Royal Tea Set for Two $328+10%

鹹點先行

三文魚三文治

幾好食，佢既包軟稔而不濕爛，加上煙三文魚及醬汁（應該係蛋黃醬沒錯）就剛好

可惜三文魚太薄，而且好細塊，食完都唔太覺食左

吞拿魚漢堡

吞拿魚又咪平時三文治果d，不過佢落好少醬，食落唔會過膩

不過個包就真係唔掂，太乾太硬，唔多想食

蕃茄酥

好特別，冇食過甚至冇聽過

個樣似果醬酥，酥皮係偏軟（唔係出水濕爛）果種，唔係食佢既脆硬空氣感

餡唔膩，酸酸甜甜幾得意

煙肉帶子卷

好香好食好油膩

煙肉鹹香四溢，不過真係太肥膩，佢所用既係白脂部分為主既煙肉

帶子冇雪味，仲有濃濃鮮味

整體黎講，真係可圈可點，我覺得佢d包就真係麻麻啦

甜點follow

檸檬撻

微酸，開胃，稠度適中，冇人工味，講完

草莓Mousse朱古力蛋糕

一見到覺得好伏，令我諗起以前食過一d自助餐既可怕香精mousse

不過完全另一回事！

佢mousse部分酸酸甜甜，好自然好清新既味道，試到呢個味真係心都定D

朱古力蛋糕部分雖然冇咩特別，但仲係好正常既味道，幫到我擺脫以前既陰影XD

香橙西柚杯

說穿了其實係似糖水浸生果，冇咩特別，不過幾開胃，又唔會過甜過酸，好清

焦糖燉蛋

雖然好淺好少，但……不就是要如此嗎？

焦糖燉蛋原本正宗就係用淺器皿去裝既，但而家好多都用個深杯去整，食到成口都係得忌廉同蛋漿混合物既膩感，有咩謂？

面頭既焦糖燒得焦脆，薄而平均，卻不呈焦黑色，要考手工心機啦

甜點我個人係幾滿意，我呀媽話太酸喎XDDDD

頂層壓軸

Macaron

外皮酥脆，但偏甜，只適合極嗜甜人士（例如我XDDD

小蛋糕

都係偏甜，似乎呢層先打大佬XDDDD

Scone

講scone要連jam連cream講是常識吧

一個raisin一個original

我個人中意原味（我唔中意果乾姐

牛油香重，唔會太乾太散，中心係少少濕軟食落會黏牙既（Y）

Cream只輕嚐，有少少膩，奶油香濃郁，應該唔係一般貨，不過冇出水真係萬幸

果醬比較濃稠，好足料好多籽係入面，同埋冇人工香精味，真材實料，一定唔係cheap野

頂層我個人覺得還好，如果佢scone可以多d，一人兩個試到哂味分得到唔使切最好（懶