Carpaccio di Salmone Affumicato
煙三文魚只是薄薄幾片，不過鹹香味滿分
又唔會過乾過黏，橙紅色睇落好吸引
油膩感主要來自olive oil
睇menu話係extra virgin，食我就食唔出係咩啦，但似乎選材都用心都健康既
caper酸味我就唔太中意，只可以清得黎真係好解膩
少少檸檬汁都好去膩，亦增添清淡既香氣
刁草香氣雖重，但味道唔算太搶
一旁既麵包球鬆軟，咀嚼間會有好重麵粉香同埋微微甜味:^)
鹹甜酸都有，整體仍然算係幾清新
Tomatoes Rustica
熟車厘茄酸甜清新，多汁開胃
配上點點黑醋及basil
香氣重而味道溫和，唔會太烈太搶，整體配合幾好
Pizza Alba
Alba分別有兩種cheese，就係Parmesan同Mascarpone
兩種混合出黎係好creamy，好濃郁，重鹹香
配上蕃茄底醬酸酸甜甜，味道清新而解膩
辣肉腸既濃味係呢度唔會話過左火，反有更上一層樓既味道層次
餅底薄脆，麵粉香好重，不過屬來得快去得快，唔會漿口
Baked Mushrooms
Button mushroom烤焗後外表乾爽
點知一咬落去馬上爆汁，感覺新鮮非常
青醬同cheese都只係增添鹹香味道同香氣，唔會搶走蘑菇既原汁原味
Baked Dough Balls
麵包團質感鬆軟可口，有點烤焗焦香
加上咀嚼間會滲出麵粉香味及淡淡甜味
其實唔點醬汁已經好好食
Bruschetta Originale
蕃茄酸中帶甜，清新開胃，多汁令整體有點濕潤感易入口
red onion同garlic好香口，但唔會乸口，唔刺激，單單係散發清清香氣
又有少許青醬，不過都係香氣為主，油膩感不太重，尤其配上大片厚麵包時
麵包底有烤焗既焦香，外皮微脆，略為乾身
配搭上各種配料增加左濕度，食落唔會哽喉:^)
Mixed Salad
有蕃茄、青瓜同埋其他蔬菜
整體黎講好清新
即使有d dressing，都會覺得佢係好清好爽脆好有水份:^)
Garlic Bread
蒜味好重，但佢係清香，而非辣非嗆
Rosemary既香氣更見濃烈
麵包食落唔會好油膩，都係重麵粉香甜味道
重點係唔會俾佢既配料調味蓋過
Rigatoni al Pomodoro
Rigatoni意粉煮得熟透之餘仲係彈牙帶點嚼勁
食食下會有麵粉既香甜味散發，係冇俾醬汁蓋過既
醬汁既酸甜味道開胃、清新又解膩
重點係帶有芝士香卻未見膩劑感
仲有微微basil香味，更見清新
沒有留言:
發佈留言