Urban Bakery-只想喝

放假同呀媽周圍去已經係常事

去到中環Landmark突然醒起呢間Cafe

係Openrice見過好多M&M蛋糕既相

但最尾都係揀左我呢排既最愛-RED VELVET

Red Velvet Cake

份量幾大架

Cheese部分乾左d，味道甜中帶微酸，不膩

蛋糕體朱古力味輕，感覺乾身仲有點實，冇red velvet既濕潤度:^(

Cappuccino

泡沬細密綿香，可惜個拉花俾杯蓋一下子破壞左

Earl Grey

茶香濃，可以解解膩

餐具幾特別

本身以為係金屬，點知係銀色既膠餐具XDDD

環境亦不錯，擺設帶點點時尚感得黎又舒適

有sofa、長枱、高枱同細桌，方便唔同人數組合及喜好:^)

IKEA-黏牙的

係宜家行出黎

原來除左餐廳範圍，竟然仲新開左cafe

賣既野梗有唔同啦

主打三文治、沙律、餅卷、飲品同埋甜品

都係d快捷grab既選擇

核桃撻　$14

用料還好，冇擺放出黎既咁多料

甜度偏高

食落完全顛覆我想像中既脆口感覺

係焦糖果種黏牙濕軟

甚至連撻皮都係微濕既:^(

Pear Tart　$14

之前果次見到有pear tart但冇試

翻熱後撻皮呈深啡，不過賣相唔係重點

梨肉清甜多汁，帶微酸

tart皮好軟但唔係太濕，好似食緊雪左好耐既蛋糕咁

filling味道有點似椰撻，但質感係蛋糕，比撻皮鬆軟同埋香口

不過整體黎講我都係覺得麻麻

Indian Village-印度村

先前見到Openrice突然有不少食評提及呢間印度村既分店

聽聞只有Peel Street分店見有Lunch Buffet

既然價錢相宜又有時間，冇咩理由唔試下既

水果沙律

飯前食水果雖然血糖可能會高d

但有纖維墊底加上方便消化，都係食左呢個水果沙律先

水果有幾款，一口大小，睇落算新鮮

而且佢冇落咩醬汁，因此食落清新開胃

燒雞件

焦香之餘唔多黑到燶既部分，苦味唔大

雞件夠入味，肉質有咬口，冇雪藏味又唔會好霉

炸薯餅

炸得香口但唔太油膩，入面多香料好夠味

我會加d羅望子醬汁，清得黎會有酸甜味，開胃解膩

Mushroom Mutter

Mushroom同青豆冇雪味

睇個樣係Mild，但食落係比較嗆辣既

Chicken Curry

雞件熟但唔老唔柴，食落夠稔，易撕開

咖哩唔會太辣，味道香濃

Lamb Curry

羊煮得易咬，不過唔係稔爛果種

羊味重，唔羶唔腥，我覺得幾好食

胡椒餅

香脆微辣

唔係太油膩

Naan

麵粉香重，焦脆吸引

夾埋咖喱食減少膩感，亦能帶出包身微甜

Gulab Jamun

香甜軟糯

糖水真係比較稀，唔係糖漿，冇咁膩劑

雖則都係會油，但感覺light過以前食過既少少

Mango Lassi

酸甜得黎夠自然

同埋重酸奶香味，感覺幾好

Park Hotel-Park café-午後嚐

三文魚

油香濃而不腥膩

食落有嚼頭又唔會多筋

吞拿魚沙律

用小碟載既一口大小

酸甜開胃，仲有三文魚油甘香不油膩

Pizza

批底係麵包既感覺

幸好海鮮用料多，加上芝士香濃，日式燒汁酸甜可口

整體配合好吸引

脆皮腸

醬汁微鹹

香腸係有黑椒，香辣焦脆

椰汁糕

椰汁濃郁清甜

西米晶瑩剔透，綿糯香口

奶酪

奶滑香濃，可惜味道有點人工

Pancake

即製夠香夠熱，我個人中意紅豆餡，味道自然清甜

梳乎厘

焗得金黃微焦

蛋白綿密細緻，不過有d結成一團了:^(

Brownie

朱古力味濃郁不膩

外表脆口，只係內裏稍欠水分，未夠濕潤

Tiramisu

cheese味香甜又唔油膩

酒味不算濃，但浸得夠透

焦糖燉蛋

表面焦香微脆

燉蛋重忌廉香，不會過膩

芒果千層

千層部分酥脆可口，加上cream奶香同埋芒果清甜，味道不錯

Puff

層次感重，但係偏軟稔，屬於易入口果種，唔香脆

見到平日下午都多人，至少有六七成入座率

建議先訂座

同埋Openrice好似有coupon

雖然我係即興去食冇print out，但佢walk in都有折頭（好似八五折左右

YMCA-The Salisbury-寧靜嘆

The Salisbury係YMCA酒店既餐廳

我同呀媽放假時不時就會去報到，嘆個下午茶buffetXDDD

由於去過太多次，每次菜式都有d變化，所以都係講番d得到我地好評既食物啦

鹹點

煙三文魚法包

煙三文魚鹹香可口，厚度適中，唔多筋

加上有生菜同薄法包，唔會過鹹過膩

另外仲有蛋沙律同吞拿魚沙律法包都唔錯

韓式辣豆芽

辣而不嗆

加上佢夠凍，感覺清新開胃

椒鹽三文魚頭

呢樣係一出就好多人搶既

三文魚頭帶不少魚骨，油香重但唔腥膩

鹹度剛好，仲有胡椒香，香口好惹味

油酥餅配咖喱

有廚師即煎

熱辣辣，香氣撲鼻

雖然食落油左d，但好富層次感

好配偏辣既香濃咖喱

燒雞翼

賣相金黃微焦好吸引

食落不乾不柴，內裏充滿肉汁

豉油王腸粉

腸粉鹹度不高，名副其實整色整水XDDDD

感覺不油膩，有點嚼勁，唔會過濕稔爛

加上芝麻碎有咬口及芝麻香氣

肉腸

選用既係帶香草既款式，外皮香脆，香而不膩

炸雞塊

同平時食既M記出品相似

雖然冇M記咁多汁，但都係口痕既解慰良品

甜點

麵包布甸

用牛角包，香酥利口，感覺更吸引

甜度不高，布甸部分細滑有彈性，唔係過稀過水既蛋花質感

雲尼拿汁香而不膩，微甜，撈埋食一流

Scone

竟然有任食scone

牛油香重，烤得金黃，外乾內軟，有不少果乾

可惜賣相有點參差不齊

豆腐花

木桶裝既

一開始會見到佢面頭有豆膜，同埋質感較實，唔係嫩滑TYPE

勝在豆味非常濃郁

其實我覺得太綿滑入口即化果D係落太多水沖稀左唔夠足料

而唔係手工好

因為出面食有好多都係咁，D人仲要熱捧，但我食落就認為豆味過淡

Brownie

軟潤微苦，食再多都不覺膩

芋頭西米露

感覺好清，冰鎮住既XD

甜味不過份，有芋頭香，西米綿密不會黏成團

仲要好足料

楊枝甘露

酸甜開胃，用料多

稀稠得宜，唔會漿口

煎馬蹄糕

時令食品，新年月份special

廚師即煎既

煎得金黃焦香，外皮微脆不乾韌，感覺唔算油

大滿喜-心歡喜

話說大滿喜係我第一間食既放題XDDD

係臨時提議

仲要又夾到時間搵到人去喎XDD

當時同一個未算好熟但傾得埋既朋友去（而家熟左好朋友XD

聽過太多放題既負評，咩唔上菜、等幾耐、食二手……

聽到驚驚地，仲要又唔係好平，加埋一walk in都差唔多兩百

去食果陣真係有少少淆

但始終都要試既，人生總有第一次，結果係滿載而歸（胃裏XD

第一次去咩都揀唔落手，要個fd guide住XDDD

仲要寫完又驚佢漏單等好耐等等

不過聽朋友講大滿喜好似幾好咁

（食已經係2013年9月既事，打呢篇係半年後2014年3月幾

當中經過好長時間，亦見證到大滿喜人氣急升，恭喜哂XDDD

果晚其實試左好多野

係開始先有d相，所以都係略略講下啦

刺身

點既數量同上既數量相差唔多

賣相擺得靚，色水又唔錯，睇落幾吸引

之後又再點過都係擺到好靚

質素幾好，切得厚薄適中，唔會食空氣又唔會太多筋或太膩

食落去夠凍，同埋味道清新鮮甜，冇怪味

三文魚同鮑片真係唔錯

壽司太卷

朋友堅持要點都冇計XDDD明明講好唔食飯粉麵（食盡心態

話就話唔食，唔通等佢一個人食哂咩，最後都係試左

卷得夠實，飯量少（啱哂放題）

飯唔會太軟爛，少少醋香酸味冇咁劑

用料都足，賣相又靚:^)

三文魚皮

好特別

以前食日本菜冇食過呢味

不過自己煎三文魚果陣會煮埋魚皮

冇鱗，好清潔咁

滑而帶膠，有黏性，似食啫喱片咁XDD

另外佢有調味醬汁有芝麻香好送口

環境雖然窄同逼，但坐得舒服

服務可以接受

起碼佢漏單或者少上真係只有一兩成機會

整體質素賣相都好吸引

最好係佢工作人員既態度都可以，唔會食到又嬲又後悔咁

Chum Chum味-韓國味

難得約到老朋友

大家約好食韓國菜，特別係炸雞添XDDD

好難先搵到間午餐有炸雞仲要又抵食既餐廳

環境

寧靜舒適，冇咩其他客人

中間個位好似居酒屋，不過都係餐桌好d

前菜

有別於平時見到食到既

豆角微辣，主要係甜味，而且清爽脆口

沙律中特別係薯仔，香而不膩

泡菜唔會太酸太辣，幾順口

西蘭花腸仔都好好食，腸仔片唔會太膩，整體清新不膩

炸醬炒飯

炸醬味偏淡，有不少肉塊，煮得稔又唔爛

炒飯底有點油，不過好香（特別蛋香），海鮮料都不少

份量都大，唔只係個器皿大XDD

飯卷（加配）

有醃蘿蔔酸甜清新開胃

冇咩麻油味，主要靠材料既味道

酸甜炸雞　$168（全）

酸甜得宜，稠度剛好夠黏附炸雞

炸雞香脆可口，上桌仲係熱辣辣既，完全不油膩

另外，肉質鮮而多汁，冇雪味，真係好正

隨炸雞仲會附上醃蘿蔔，清新酸甜真係好送口

沙律菜清爽新鮮，仲要好解膩

呢間係我食過咁多入面覺得最抵食

佢唔係雞球雞肉塊，而係全雞連雞骨

性價比高，在質在量都好令人滿意

King Ludwig-肉類餐

有聞King Ludwig平日有semi-buffet

作為吃貨，好難忍到唔試既XD

　

湯

湯感覺係用新鮮料煮成

甜而不膩，細滑濃郁，仲帶點忌廉香味

腸仔

燒得焦黃香脆，雖然有D油但唔算太膩太劑，調味好夠

芝士洋蔥蛋批

芝士味鹹香濃郁，焗得焦香，賣相好吸引

食到佢係熱熱地，仲有D溶，牽絲，真係好正

洋蔥香但唔會辣唔會嗆喉

燒雞

皮薄少油脂，夠哂香口，肉味濃郁

沙律

有好多款，我個人就中意豆角三文魚沙律

雖然有D油，但豆角清甜好夾三文魚鹹香，整體算清新

甜品

Brownie甜度同蛋糕體軟硬適中

只係有時突然有硬塊真係咬唔開咁，可能係堅果既殼:^(

Cha Cha-綠茶香

飯後甜品

聽人講過好食但又係waiting list既綠茶仔:^)

綠茶牛奶雪糕杯

牛奶部分奶味香濃，豐厚甜滑

綠茶部分清香不膩，甜中帶苦

紅豆蓉綿密清甜，仲有少少衣，食到係自然既甜味

蕨餅黃豆粉香而不會濕至黏牙，甜度不高，有嚼勁偏爽口

丸子軟糯彈牙，本身冇調味，得糯米香，中和番雪糕紅豆既甜

食到最尾個Waffle底依然香脆可口，甜度較低，整體唔會過甜

IKEA-超值選

同一班朋友過黎IKEA做學術性交流

「順便」食野XDDDD

好在當日天氣算理想，唔太曬又冇落雨

可以坐戶外，唔使等室內位:^)

不過推餐車就有點麻煩，落斜之後有防滑鐵:^|

肉丸

我覺得以前好食d，雖然話驗到有馬肉

同埋有點縮左水既感覺

肉醬意粉

意粉煮得稔左d

醬汁味道太淡，可以話好清

加上唔太濃稠，唔係好吸附到

吞拿魚撻

睇個樣好乾身，食落比想像中好

吞拿魚碎好多，味道偏甜

撻皮係曲奇皮，甜度適中，香脆乾爽，唔係浸到濕稔

蛋部分係乾少少，但有d蛋香，都係甜味重

三文魚千層麵

一見都知佢好乾身（指麵

千層麵有少少嚼勁，唔會濕到粉爛

三文魚帶鹹香，份量足，加埋菠菜較清淡，可以中和下味道

蕃茄醬有點水，勝在感覺清新開胃，用料自然咁

薯條

識食一定食粗薯

即使唔太脆，但炸得香口，同埋冇出油少膩感

雞翼

調味夠濃，香口之餘有焦香

可惜乾身油膩左d，食完好熱氣咁

順帶一提，食完野執拾好餐具連餐盤放入車，仲有清埋枱面方便別人

感覺同以前去外國食canteen好似XDDD

況且唔收service charge

仲有好多係家庭出動，教細路自理同埋公民意識係好d既

Veggie SF-復古風

有時經過中環見到有人宣傳呢間西式素食

以前又聽落不少好評，一直都想試試

無奈曾經到訪但客滿，加上價格不便宜，一直冇食過

某日假日兩點鐘上到去，可能Late lunch加上放假，即刻就有位

睇睇Menu好多款式都好吸引

見假日，不如點個假日Special啦

Trip to Bali　$118+10%（晚市及假日限定

印尼加多椰汁有機飯配串燒炸豆腐

蔬菜多款，特別粟米清甜之餘仲有微烤焦香味

蕉唔會好突兀，質感實，有焦香味

就算揀炸物都唔會好油，食落感覺好似肉質

仲有d汁真係好夠味同超香，點炸物點配菜或者撈飯都好正

沙律有花生碎、芽菜等等，夠哂香脆

飯香稔，好濃椰香，越嚼越帶飯甜

雖然貴，但真係好食同埋完全唔會覺係素食

整體環境好舒適

好欣賞佢既vintage style

由佈置去到卡片設計都好有趣，同埋好靚