Kowloon Shangri-La-Café Kool-早餐甜

前言不多說，去片（喂

凍肉

鹹香有餘,唔算太油膩

煙三文魚

更是油香濃郁，而且夠爽夠乾身，又有咬口

唔會太多筋，食落滿口鹹香而幾乎全無腥味

只有魚油既香濃

蒸餃

十分足料

一咬開入面直情係會有汁既（Y）

炒蛋

水分太多，炒蛋太散

焗蕃茄

味道還可以，多汁

不過香草唔夠

豬脾肉

神奇之處，好罕見

肉香多汁，不油膩

燒得香脆可口，早餐食唔會劑

奄烈

蛋汁滿溢而半熟部分嫩滑

外皮稍有厚脆感

入面更是材料十足，毫不吝嗇

燒魚

較遜色

因帶內臟燒，食落帶重苦味

溫泉蛋

清新不膩不劑

蛋白唔過老，嫩滑順口，好似飲水咁

蛋汁一個勁係口入面狂湧，蛋香滿溢卻不覺腥膩

酥點

酥皮脆而不油，香氣逼人

個人推薦果醬酥，內有果肉，酸甜不膩

Cheese

有好多款芝士任食

各款既品質都唔錯

食落去鹹香十足，同埋唔會太膩

好濃郁既芝士香，重奶味:^o

蜜糖好清新潤口，不覺甜膩，同埋配芝士（個人食法）好夾

去油膩，平衡鹹味，有contrasting 既效果

如果唔配包同水果果d黎食cheese既話，本人真心推薦同蜜糖一齊食:^)

甜包

麵包等甜得不過分，剛好能滿足口腹之慾

水煮蛋

表面太乾身

不過幸好入面既蛋仲係流心，都做得好（Y）

不過muffin太乾韌（係咬唔開果種）

Pancake

焦得夠香，不油膩

芝士薯仔批

芝士味香濃帶微鹹

薯仔夠稔

酥皮底亦不算油膩，整體味道好吸引，但唔食得太多

Muffin

太乾，感覺似食麵包:^(

朱古力蛋糕

苦甜適中，夠濕潤易入口，但好快就冇哂

雲吞

雲吞皮薄滑

餡料多又足料，豬蝦肉比例恰好，食得出兩種既鮮甜，而且十分彈牙及爽口

湯底清，不油不膩，帶出雲吞既鮮味

茄子豆角

夠稔卻不爛

調味恰到好處

整體唔係好油膩，算係食d菜

果汁

有多款新鮮果汁可供任飲

Open Kitchen-真香蕉

[鬆餅狂毒自行動1]

香蕉合桃鬆餅 $19

味道清新，有淡淡香蕉香而非人工精油味

合桃多而不過硬，同鬆餅濕軟既感覺相配

中意佢做到鬆餅感覺幾煙韌

加上外皮烤到脆既同時，中間仲可以保持濕潤（因為水果既水份）

唔算太重牛油味，食完唔會好劑

可惜佢底部比較乾身，稍難咬開

（個人認為：

美式muffin係要有咬口

鬆軟既係海綿蛋糕果d 

牛油蛋糕、cupcake之類則比較實而多碎屑 

而硬脆，中心有少少濕潤既係英式scone或美式biscuit ，如KFC香蜜鬆餅）

SpiceBox-香還香

當時還是處於對印度食品的狂熱中……

難得見到有熱既samosa賣，仲要好企理清潔咁（潔癖

唔多講即刻買黎試下

Samosa $35/2

拎上手係熱辣辣既真係心都暖哂

外層一貫都係好油，而且係翻熱所以淋哂/___>\

個頭頗大，份量用料足

薯仔熟而不爛，仲保持到粒狀

一食入面全部實心，印度香料一大堆香氣撲鼻而來

味道唔會太濃太鹹，算係清少少，食完唔會咁劑

不過講真我就覺得試過就算啦，再買既intention唔大

金牌小龍-悠悠嚐

話說以前見過金牌小龍既任食團購

價格還是近$11x

同我今次單點既價位相若

Anyway……突然去食又唔係常客，冇所謂啦:^)

金牌小籠包　$36

外皮薄而不濕爛

一睇好乾身以為自己中伏，點知原來乾身痴筷子易夾又唔會穿

見牛肉麵又未上，無無聊聊係到數佢褶數，竟然每個都有至少廿褶:^0

趁熱快快食啦，咩都唔點就咁咬開小洞

明明垂直夾起，入面d湯汁竟然都多到流哂出黎

湯汁味鮮不油，好夠味

入面包肉都好多肉汁，唔只係硬實既塊狀:^)

金牌牛肉麵　$58

聽講呢間係2013年就憑牛肉麵，拎左飲食天王既獎

除左小籠包，唔可以唔試下呢個鎮店之寶既XD

落單果陣個姨姨有提番牛肉麵既湯底係有點辣既，會考慮客人既preference呢點幾好

一見碗麵，咦牛腱黎既？仲要咁厚:^S

講真牛腱多筋好容易就韌過橡皮（因為自己煮過真係耐少少就會開始韌

唉冇所謂啦，都要食架啦

試左湯底，味濃但稀身，唔會咁鹹咁痴口（Y）

少少辣味好香但唔會嗆口乸喉

我小心翼翼夾起厚厚的一片牛腱……瞪了一會……

一放入口，一抿即化

筋位竟全是膠質，唔係韌到可以用黎紥頭髮跳繩果種:^00000000000

冇雪味冇腥味之餘，仲肉味鮮濃，有種食緊牛筋腩既感覺

很遺憾，已經冇手擀粗麵揀

不過冇辦法，仲係想試

但麵條部分真係好可惜

佢外表係滑溜，但我覺得唔夠麵香味，似outsource供應（平日買番屋企）既質感

因為好滑身，唔係好吸到湯汁，亦冇麵條既微微甜香:^(

總括而言，牛肉麵係牛肉好食，湯底都ok，只係麵就……

B P International-園林閣-簡單食

難得好友有時間一齊晨早出黎瘋狂

咁梗係要個早餐buffet打響頭炮啦XDDDD

自製沙律清清地開個頭先:^))（懶係健康咁

加d蕃茄加d青瓜淋d原味yogurt……完成！

水果有幾款可以揀

咁就梗係食西瓜啦，屋企唔係成日會開架嘛xd

非起沙但夠甜（Y）

脆皮腸兩款都好好食，特別係深色蜜糖味

淺色係雞肉腸，比較淡但佢煎到有d焦香:)

茄汁豆好淡;(

不過唔會係爛果d都ok

炒蛋超嫩滑

好有蛋香之餘仲要有勁多蛋汁

唔係溝好多野搞到好稀，減成本果種:)

煙肉好瘦，面頭好油咁但其實係佢逼哂d脂肪出黎

直程成塊食都得唔會有肥膏係入面

火腿好香，唔會太鹹，焦兩野一定仲正

炒飯真係忍唔住食

佢D飯係粒粒分明，金黃色

蛋香味濃，飯粒彈牙係正既

薯餅一口size好user friendly

炸到金黃色好脆，同埋調味剛好有薯仔既香味

個人認為好食過m記好多

朱古力牛角酥用烘爐保溫

軟心半溶既朱古力心，加上脆皮既酥皮殼，感覺香甜滑脆

奄列好似好細，但其實入面有5種料

仲要係full哂，只係佢卷得細

完全唔會膩同埋唔油

不過係熟左少少

如果入面係滑蛋連蛋汁會更出色

牛角包完全唔油，好勁牛油香味:d

Chocolate Muffin超正

佢放入烘爐入面，食果陣仲係暖熱既

面係乾脆既但個心有好多朱古力粒，係半溶軟心:DDDD

Cheese紅牛波波好食:D

但最中意都係cheddar，巴馬臣都唔錯但淡味左d:(

Toast自家製

好香好脆:DDDD

用兩種果醬去搽哂兩面超好食:DDD

Cereal保持基本

今次全部NESTLE野

熱香餅好正:DDD

特別係D HONEY，佢唔係糖漿而係真係蜜糖黎架:DDD

吉士夾心酥既吉士好香滑

甜度不太高，食落唔會過膩

Blueberry Muffin都足料同埋夠香

食完係完全唔會覺得膩

果醬酥比較遜色，果醬烘乾左有少少痴口

吉士酥我個人好中意

唔會太膩，同埋真係好多吉士餡:)

橙汁同西柚汁都是有果肉的

蘋果汁飲落似係Tropicana（姐係肯伯伯果隻

仲有咖啡等飲品，全部任飲既

其實早上都冇咩人會去食早餐

有幾個鐘可以慢慢嘆慢慢食其實幾舒服

Service都ok既

不過receiption果邊，反而近中午既時間可能轉左人，就不太理想囉

泰式食-南瓜中

同朋友係銅鑼灣有野搞（月

近近地趁Break過黎快餐一頓又繼續

南瓜焗魚柳飯

一睇到個賣相就好想快d試下XDDDD

好得意呀南瓜裝住

食落有點南瓜既清甜味，醬汁唔會太鹹辣，反倒係好creamy

魚柳冇雪味腥味，軟稔得黎又冇霉感

汁料個份量比例剛好，撈埋飯啱啱好唔會過多搞到浸哂咁

食完d料仲可以刮下南瓜黎食，清甜多纖維，突然健康番dd XD

黃咖哩焗海鮮飯

黃咖哩主要係香氣，味道黎講又唔會太激烈太濃烈

足料架，無論係配菜定海鮮都剛好

醬汁加料撈飯個份量個稠度調較得宜，唔會太重口味:^)

焗完面頭仲有少少焦香，令整道菜多左種濃香味

Khana Khazana-素印度

Khana Khazana係我同朋友第一次去食印度野既地方

自此之後，好多既機緣巧合，大家慢慢熟落

直到而家變左死黨:^)

呢間真係我地既回憶地

小食

第一次食到南印度既小食

通常BUFFET都係北印度既菜式或者淨係咖喱咁:^)

Rawa Idli即是白色蒸米糕

比較粉，冇咩味，要點醬食既

淨食會寡，不過好香米粉味

好似Doughnut既係Medu Vada

其實冇咩特別似炸粉團，好多香料味，同埋好油:^o

炸薯

好幼滑香口

薯蓉調味同香料都夠

仲要勁衰咁細細舊一口大小

真係會不知不覺食左好多

好中意中間白色既coconut chutney椰子醬

椰香濃郁，有椰蓉更有嚼勁

齒頰留香真係冇誇大:DDD

Curry

有好多款咖哩，全素

我地兩個最中意都係Butter Paneer

即是Butter Curry配芝士塊

芝士塊實而微粉，奶香濃郁不膩

飯煮得乾身，粒粒分明

仲要好香口有飯既甘甜味

除左平時見到既Naan之外

仲可以任點Chapati同Dosa

Dosa係長筒卷

外皮薄脆焦香，入面有薯蓉餡，香料調味十分可口

Chapati其實同Naan差唔多

但佢係冇發起既，係Flatbread，冇Naan咁劑

食落麵粉香重，連Curry食會濃味d，少左portion去中和番

Naan新鮮整香口焦脆

有三款味：Plain，Garlic同Butter

我地試哂最中意係garlic

蒜香重但唔辣唔嗆口，配落naan食好開胃

Butter香係香，但真係十分油的

Ras Malai

奶香好濃

不過東南亞既甜品好多都好甜

呢個算普通（本人嗜甜到魔境了xddd

用既係煉奶，冇溝稀所以吸附哂甜度高d

不過佢冇炸算係不健康中既健康（不幸中之大幸既朋友-___

Hotel ICON-Green-杯子甜

假日

好特別既組合，我、我媽同我朋友XDDDD

得閒想試下Hotel Icon既Green

因為試過The Market，對Green既信心大增

可惜我地太遲了，去到已經冇左Afternoon Tea Set

唯有點個Savory Set同單點Cake啦

未逐個講之前，聲明：

我好憎食到Cream既，平時見有都要整走佢

但Green既cupcake上面果堆cream我完全可以食到好滋味，因為係重忌廉香而零膩感咁劑

Cupcake既Size都幾大

最好搵埋親友一齊試，試多幾款

順便可以吹下水增進感情:^)

Green Tea Cupcake

Cream重綠茶香，稍有苦味

上面黑白朱古力碎咁啱帶來甜味

Cupcake綠茶味濃，而且有烤焗既焦香感

蛋糕部分保持濕軟，入面仲有幼滑香濃既朱古力餡

不過我地覺得如果係紅豆餡可能會更理想

Blueberry Cupcake

Cream既膩感被藍莓酸甜味道中和番

上面既藍莓更進一步帶來清新

蛋糕部分鬆軟可口，都有藍莓果肉，好開胃

Double Chocolate Cupcake

朱古力Cream香滑微苦，加上偏甜朱古力卷同碎片，不膩

朱古力蛋糕香味濃郁，甜度適中不嗆

中間有軟心朱古力，濕潤稠密，好Rich

Vanilla Cupcake

雲尼拿味清香，白Cream最易睇出密密麻麻既雲尼拿籽

可見其天然清新，非單純人工精油味

大大粒草莓酸甜爽口，中和下忌廉本身既少少膩感

Sesame Cupcake

芝麻香味超濃，配上表面既芝麻粒，好match

蛋糕一貫做得鬆軟不散，充滿朱古力既香甜味道

Chocolate Cupcake

呢個既味道冇Double版咁濃

似係輕型版，甜度都唔太多，反而忌廉香味勁甚

Raspberry Chocolate Cake

亮面完美無瑕，加上點點金箔，賣相吸引

紅莓外層清新酸甜，幼滑微黏

入面有chocolate mousse，醇香濃郁

另外有raspberry果醬，比起外層更酸，整體不膩之餘清新開胃

Champagne Afternoon Tea

Scones重牛油香，感覺乾爽不油不鬆散

加上果醬既酸甜味道，好滿足

 Beef Baguette牛肉味香濃，醬汁creamy但唔會好油膩

麵包外乾內軟，配上濕潤既牛肉餡，剛剛好

Crab and Tomato Sandwich感覺清新，蔬果爽脆多汁

而蟹肉部分不會偷工減料，緊附在麵包上，香而不膩

Smoked Salmon, Truffles and Scrambled Egg on Soft Roll包身頗韌

餡味道稍稍creamy但重truffle清香，smoked salmon既鹹香同蛋香都較輕

一邊飲茶一邊食，咁先唔會膩唔會劑呀嘛XDDDD

意粉屋-我揀飯

因為Pizza Hut冇位

一家三口相聚處改為意粉屋

話說細個果陣呀媽好中意同我去食意記

我成日覺得太貴叫佢唔好去XDDD

次次都係食蕃茄肉腸意粉XDDD

三個人商量一番後決定棄餐單點

當時有Lunch Set，只係為免唔夠食姐（我同呀爸大胃王XD）

同埋款式唔太合意

好彩上意粉屋官網有MENU睇得番D名

如果唔係都唔知點作個名俾佢-___>

蒜蓉包　$40

蒜蓉味香濃而不嗆辣

麵包厚身，表面脆而微焦，中心濕軟香口

小食拼盤　$88

肉腸調味足之餘有香草清香解膩

薯條算粗切，炸得香脆不油

洋蔥圈夠脆，同埋洋蔥甜而不辣

春卷入面足哂料，皮薄香脆

雞炸完好香脆，本身調味夠，仲要冇咩膩感

份量都多，只係影落細左，上枱一定係大過A4 size XD

芝士焗龍蝦汁海鮮墨魚汁燉飯　$108

個名有D亂，姐係海鮮用龍蝦汁煮過，燉飯落墨魚汁

雖然話落左墨魚汁，但上桌賣相仲係好吸引，唔會有凌亂污糟既感覺

芝士落到好足，唔只焗到靚靚金黃半溶牽絲仲有焦香味

海鮮料好多，冇腥味，反而夠鮮甜彈牙

龍蝦汁係完全食得出，緊附海鮮料，鮮甜有海鮮既香味，不油不膩

燉飯底飯粒既分明又濕潤飽滿，食落好綿密

係要用番高澱粉既意大利米先可以做到咁（Y）

實物比相大，鍋算深，食完真係夠哂飽（我地一次過落單好快上哂先知，食完超滿足:^)

芝士焗三文魚帶子牛油果特色飯　$102

煙三文魚唔算多，反而細帶子同埋mushroom牛油果多好多，真心足料

芝士味又唔算好濃，起碼睇樣都冇墨魚汁果個咁重手

講真我就唔知特色飯煮法有幾特色，但飯底感覺係燉飯同乾炒飯底中間

整體調味都幾合宜，可口開胃之餘毫無膩感

焗肉醬闊麵（牛）　$118

芝士焦香半溶，加埋闊麵食不見膩感，只覺得好rich

肉醬餡多，酸甜得黎味道自然，唔會太人工味刺激味蕾

闊麵唔會太乾硬，濕軟度掌握得宜，有d嚼勁，個底冇出水

疊咁多層都好統一，賣相不俗，加左分啦

Nomads-任你調

甫到餐廳已經感到濃厚蒙古風，佈置主要用毛草

以及土色系，甚有大漠風

Salad Bar有餐湯、自配沙律及現成salad mix

個人中意南瓜沙律清甜又唔會好易劑，多纖維為之後既肉食打底

仲有雜果沙律，酸甜開胃，用料多款，特別係有紫薯片香脆清甜

餐湯會轉款，見過有栗米有西蘭花，主要都係忌廉西湯

自選配料有飯粉麵及Pizza底

枱上有號碼牌，連同食材盤交到廚房玻璃窗前桌就可以番位等

大概等候時間：

炒鍋五至十分鐘，Pizza三十分鐘

炒鍋

自選材料放入大碗後可以去調配醬料

我中意蒙古汁、酸甜或蕃茄汁加燒汁，酸甜中帶微辣，且帶出食材鮮味

除此之外，佢地既咖哩汁同沙嗲汁加上少少椰汁都好香口

加點香草同炸蒜或椰絲更佳

　Pizza

都係自選配料

但今次係直接拎個pizza base放料係面

staff會幫你放芝士係面既，亦見過有人話要淨芝士pizza

溫馨提示：

平放食材

多水份（如蕃茄、菠蘿）放面

否則個批底會濕爛不脆架啦:^)

服務態度幾好，好肯幫客人好attentive

泰昌-曲奇皮

泰昌餅家一撻成名

就係因為幾多十年前，前港督彭定康對泰昌蛋撻讚不絕口

而家變左香港名物咁

中環店……其他分店都係，不時會出現人龍或人群去掃撻:^0

細細個食過，竟然十年後再食了XDDD

曲奇皮蛋撻

同細個食既味道當然有出入啦

不過蛋香仲係幾重，而且係幾滑嫩可口的

曲奇皮係酥脆既，入口帶甜味，但慢慢嚼出牛油香

整體黎講我覺得還是不錯的

可惜當日唔係即刻食，錯過了最佳時段

或者下次要去「立食」一下xdddd