Park Hotel-Park café-午後嚐

三文魚

油香濃而不腥膩

食落有嚼頭又唔會多筋

吞拿魚沙律

用小碟載既一口大小

酸甜開胃，仲有三文魚油甘香不油膩

Pizza

批底係麵包既感覺

幸好海鮮用料多，加上芝士香濃，日式燒汁酸甜可口

整體配合好吸引

脆皮腸

醬汁微鹹

香腸係有黑椒，香辣焦脆

椰汁糕

椰汁濃郁清甜

西米晶瑩剔透，綿糯香口

奶酪

奶滑香濃，可惜味道有點人工

Pancake

即製夠香夠熱，我個人中意紅豆餡，味道自然清甜

梳乎厘

焗得金黃微焦

蛋白綿密細緻，不過有d結成一團了:^(

Brownie

朱古力味濃郁不膩

外表脆口，只係內裏稍欠水分，未夠濕潤

Tiramisu

cheese味香甜又唔油膩

酒味不算濃，但浸得夠透

焦糖燉蛋

表面焦香微脆

燉蛋重忌廉香，不會過膩

芒果千層

千層部分酥脆可口，加上cream奶香同埋芒果清甜，味道不錯

Puff

層次感重，但係偏軟稔，屬於易入口果種，唔香脆

見到平日下午都多人，至少有六七成入座率

建議先訂座

同埋Openrice好似有coupon

雖然我係即興去食冇print out，但佢walk in都有折頭（好似八五折左右

YMCA-The Salisbury-寧靜嘆

The Salisbury係YMCA酒店既餐廳

我同呀媽放假時不時就會去報到，嘆個下午茶buffetXDDD

由於去過太多次，每次菜式都有d變化，所以都係講番d得到我地好評既食物啦

鹹點

煙三文魚法包

煙三文魚鹹香可口，厚度適中，唔多筋

加上有生菜同薄法包，唔會過鹹過膩

另外仲有蛋沙律同吞拿魚沙律法包都唔錯

韓式辣豆芽

辣而不嗆

加上佢夠凍，感覺清新開胃

椒鹽三文魚頭

呢樣係一出就好多人搶既

三文魚頭帶不少魚骨，油香重但唔腥膩

鹹度剛好，仲有胡椒香，香口好惹味

油酥餅配咖喱

有廚師即煎

熱辣辣，香氣撲鼻

雖然食落油左d，但好富層次感

好配偏辣既香濃咖喱

燒雞翼

賣相金黃微焦好吸引

食落不乾不柴，內裏充滿肉汁

豉油王腸粉

腸粉鹹度不高，名副其實整色整水XDDDD

感覺不油膩，有點嚼勁，唔會過濕稔爛

加上芝麻碎有咬口及芝麻香氣

肉腸

選用既係帶香草既款式，外皮香脆，香而不膩

炸雞塊

同平時食既M記出品相似

雖然冇M記咁多汁，但都係口痕既解慰良品

甜點

麵包布甸

用牛角包，香酥利口，感覺更吸引

甜度不高，布甸部分細滑有彈性，唔係過稀過水既蛋花質感

雲尼拿汁香而不膩，微甜，撈埋食一流

Scone

竟然有任食scone

牛油香重，烤得金黃，外乾內軟，有不少果乾

可惜賣相有點參差不齊

豆腐花

木桶裝既

一開始會見到佢面頭有豆膜，同埋質感較實，唔係嫩滑TYPE

勝在豆味非常濃郁

其實我覺得太綿滑入口即化果D係落太多水沖稀左唔夠足料

而唔係手工好

因為出面食有好多都係咁，D人仲要熱捧，但我食落就認為豆味過淡

Brownie

軟潤微苦，食再多都不覺膩

芋頭西米露

感覺好清，冰鎮住既XD

甜味不過份，有芋頭香，西米綿密不會黏成團

仲要好足料

楊枝甘露

酸甜開胃，用料多

稀稠得宜，唔會漿口

煎馬蹄糕

時令食品，新年月份special

廚師即煎既

煎得金黃焦香，外皮微脆不乾韌，感覺唔算油

大滿喜-心歡喜

話說大滿喜係我第一間食既放題XDDD

係臨時提議

仲要又夾到時間搵到人去喎XDD

當時同一個未算好熟但傾得埋既朋友去（而家熟左好朋友XD

聽過太多放題既負評，咩唔上菜、等幾耐、食二手……

聽到驚驚地，仲要又唔係好平，加埋一walk in都差唔多兩百

去食果陣真係有少少淆

但始終都要試既，人生總有第一次，結果係滿載而歸（胃裏XD

第一次去咩都揀唔落手，要個fd guide住XDDD

仲要寫完又驚佢漏單等好耐等等

不過聽朋友講大滿喜好似幾好咁

（食已經係2013年9月既事，打呢篇係半年後2014年3月幾

當中經過好長時間，亦見證到大滿喜人氣急升，恭喜哂XDDD

果晚其實試左好多野

係開始先有d相，所以都係略略講下啦

刺身

點既數量同上既數量相差唔多

賣相擺得靚，色水又唔錯，睇落幾吸引

之後又再點過都係擺到好靚

質素幾好，切得厚薄適中，唔會食空氣又唔會太多筋或太膩

食落去夠凍，同埋味道清新鮮甜，冇怪味

三文魚同鮑片真係唔錯

壽司太卷

朋友堅持要點都冇計XDDD明明講好唔食飯粉麵（食盡心態

話就話唔食，唔通等佢一個人食哂咩，最後都係試左

卷得夠實，飯量少（啱哂放題）

飯唔會太軟爛，少少醋香酸味冇咁劑

用料都足，賣相又靚:^)

三文魚皮

好特別

以前食日本菜冇食過呢味

不過自己煎三文魚果陣會煮埋魚皮

冇鱗，好清潔咁

滑而帶膠，有黏性，似食啫喱片咁XDD

另外佢有調味醬汁有芝麻香好送口

環境雖然窄同逼，但坐得舒服

服務可以接受

起碼佢漏單或者少上真係只有一兩成機會

整體質素賣相都好吸引

最好係佢工作人員既態度都可以，唔會食到又嬲又後悔咁

Chum Chum味-韓國味

難得約到老朋友

大家約好食韓國菜，特別係炸雞添XDDD

好難先搵到間午餐有炸雞仲要又抵食既餐廳

環境

寧靜舒適，冇咩其他客人

中間個位好似居酒屋，不過都係餐桌好d

前菜

有別於平時見到食到既

豆角微辣，主要係甜味，而且清爽脆口

沙律中特別係薯仔，香而不膩

泡菜唔會太酸太辣，幾順口

西蘭花腸仔都好好食，腸仔片唔會太膩，整體清新不膩

炸醬炒飯

炸醬味偏淡，有不少肉塊，煮得稔又唔爛

炒飯底有點油，不過好香（特別蛋香），海鮮料都不少

份量都大，唔只係個器皿大XDD

飯卷（加配）

有醃蘿蔔酸甜清新開胃

冇咩麻油味，主要靠材料既味道

酸甜炸雞　$168（全）

酸甜得宜，稠度剛好夠黏附炸雞

炸雞香脆可口，上桌仲係熱辣辣既，完全不油膩

另外，肉質鮮而多汁，冇雪味，真係好正

隨炸雞仲會附上醃蘿蔔，清新酸甜真係好送口

沙律菜清爽新鮮，仲要好解膩

呢間係我食過咁多入面覺得最抵食

佢唔係雞球雞肉塊，而係全雞連雞骨

性價比高，在質在量都好令人滿意

King Ludwig-肉類餐

有聞King Ludwig平日有semi-buffet

作為吃貨，好難忍到唔試既XD

　

湯

湯感覺係用新鮮料煮成

甜而不膩，細滑濃郁，仲帶點忌廉香味

腸仔

燒得焦黃香脆，雖然有D油但唔算太膩太劑，調味好夠

芝士洋蔥蛋批

芝士味鹹香濃郁，焗得焦香，賣相好吸引

食到佢係熱熱地，仲有D溶，牽絲，真係好正

洋蔥香但唔會辣唔會嗆喉

燒雞

皮薄少油脂，夠哂香口，肉味濃郁

沙律

有好多款，我個人就中意豆角三文魚沙律

雖然有D油，但豆角清甜好夾三文魚鹹香，整體算清新

甜品

Brownie甜度同蛋糕體軟硬適中

只係有時突然有硬塊真係咬唔開咁，可能係堅果既殼:^(

Cha Cha-綠茶香

飯後甜品

聽人講過好食但又係waiting list既綠茶仔:^)

綠茶牛奶雪糕杯

牛奶部分奶味香濃，豐厚甜滑

綠茶部分清香不膩，甜中帶苦

紅豆蓉綿密清甜，仲有少少衣，食到係自然既甜味

蕨餅黃豆粉香而不會濕至黏牙，甜度不高，有嚼勁偏爽口

丸子軟糯彈牙，本身冇調味，得糯米香，中和番雪糕紅豆既甜

食到最尾個Waffle底依然香脆可口，甜度較低，整體唔會過甜

IKEA-超值選

同一班朋友過黎IKEA做學術性交流

「順便」食野XDDDD

好在當日天氣算理想，唔太曬又冇落雨

可以坐戶外，唔使等室內位:^)

不過推餐車就有點麻煩，落斜之後有防滑鐵:^|

肉丸

我覺得以前好食d，雖然話驗到有馬肉

同埋有點縮左水既感覺

肉醬意粉

意粉煮得稔左d

醬汁味道太淡，可以話好清

加上唔太濃稠，唔係好吸附到

吞拿魚撻

睇個樣好乾身，食落比想像中好

吞拿魚碎好多，味道偏甜

撻皮係曲奇皮，甜度適中，香脆乾爽，唔係浸到濕稔

蛋部分係乾少少，但有d蛋香，都係甜味重

三文魚千層麵

一見都知佢好乾身（指麵

千層麵有少少嚼勁，唔會濕到粉爛

三文魚帶鹹香，份量足，加埋菠菜較清淡，可以中和下味道

蕃茄醬有點水，勝在感覺清新開胃，用料自然咁

薯條

識食一定食粗薯

即使唔太脆，但炸得香口，同埋冇出油少膩感

雞翼

調味夠濃，香口之餘有焦香

可惜乾身油膩左d，食完好熱氣咁

順帶一提，食完野執拾好餐具連餐盤放入車，仲有清埋枱面方便別人

感覺同以前去外國食canteen好似XDDD

況且唔收service charge

仲有好多係家庭出動，教細路自理同埋公民意識係好d既

Veggie SF-復古風

有時經過中環見到有人宣傳呢間西式素食

以前又聽落不少好評，一直都想試試

無奈曾經到訪但客滿，加上價格不便宜，一直冇食過

某日假日兩點鐘上到去，可能Late lunch加上放假，即刻就有位

睇睇Menu好多款式都好吸引

見假日，不如點個假日Special啦

Trip to Bali　$118+10%（晚市及假日限定

印尼加多椰汁有機飯配串燒炸豆腐

蔬菜多款，特別粟米清甜之餘仲有微烤焦香味

蕉唔會好突兀，質感實，有焦香味

就算揀炸物都唔會好油，食落感覺好似肉質

仲有d汁真係好夠味同超香，點炸物點配菜或者撈飯都好正

沙律有花生碎、芽菜等等，夠哂香脆

飯香稔，好濃椰香，越嚼越帶飯甜

雖然貴，但真係好食同埋完全唔會覺係素食

整體環境好舒適

好欣賞佢既vintage style

由佈置去到卡片設計都好有趣，同埋好靚

高麗軒-性價比

先前路過呢間，睇到menu價錢好抵，大概三、四十蚊

深知平時食韓式石鍋飯都要五六十蚊坐底

預左佢d料hea架啦

但好奇心殺死貓，一試便知龍與鳳

一落樓梯入去，見到經理

好熱心咁帶位，同埋講番午市有咩好食咁

邊行邊望到好多學生一堆堆同fd聚餐咁

又係既，呢間係尖沙咀算係平既韓食架啦

牛肉石鍋飯餐

前菜聽聞係staff隨手執兩款既

粉絲雖油膩，但好夠味入味，同埋算爽口

油豆泡眾所周知油架啦，不過加左d辣味稍為解解膩囉

講番重點先

牛肉冇雪味，味道夠濃夠入味，帶點甜

肉質可接受，偏瘦，份量都可以既

配菜款式都多，都幾新鮮爽脆，我個人中意菠菜芽菜

蛋就……睇相已知，個白已經唔知流左去邊咁

蛋黃還未熟透，只係外層有點厚，入面仲係keep住溏心既

飯底份量少

唔會太多水又唔係太乾硬，但都係偏軟稔

只有少許焦香，冇咩飯焦

整體黎講

價錢係好抵，有set揀，唔揀set都有離座折頭

不過味道同質量就真係普普

我自己就未必會再食lunch啦

有朋友話想試佢晚餐任食，有機會再去既:^|

南대門-小食熱

某日假期同一班吃貨韓飯去食晚餐

由於之前已經食左一餐正餐，加上又想去食甜品，試得唔太多

牛肉飯

醬汁味道偏甜，不太稠，唔會太重口味XD

牛肉冇咩雪藏味，唔多筋

雜菜多款式，同埋味道清甜可口

飯量夠一個人食既

辣炒年糕

年糕甜辣不膩，彈牙煙韌，同時又好易咬開

另外仲有d魚糕，薄薄地好吸醬

泡菜煎餅

酸辣味重，但不嗆喉

唔算好多油，膩感不大，有點焦脆感

魚糕湯

湯味清不油膩

魚糕非死甜，大片好足料，不過如果可以剪短d就易夾易食d

辛辣麵

配料多而足，入味之餘帶清甜

麵夠味，煮既時間剛好，幾彈牙

餃子年糕湯

大碗足料好抵食，真係易飽

幾隻餃子皮薄，餡冇雪味仲有肉汁

年糕煙韌不太黏

湯底帶麻油香，仲有d蛋花同蔥夠清香

炒粉絲

落足料炒係好味d，仲加埋芝麻，好香口

粉絲即使沾醬汁後仍保持透亮，爽口入味

雖然幾油，但比起我以前食過果d少油了，食完個碟底都冇一堆油淨

價錢好公道，叫左咁多款埋單兩百幾，大概每碟廿幾蚊

仲要份份都夠一人份量足哂料，味道唔差

服務感覺上店長店員都幾親切

最可惜係店面較細，堂食感覺上逼d

幾個人室內冇風吹逼住食吹水大大聲包場咁好warm XDDD

同埋當晚我地好夜先等到有位，都差唔多要收舖

好多野食已經賣完，如豬腳、飯卷，真係有買趁早

Espressamente Illy-朱古力

Opera

層次分明，而且夠多層，哂功夫既產物

整體味道甜而不膩，因為帶有點點苦味

朱古力味香濃，而且分佈平均，唔驚一次過太集中太濃

蛋糕體綿密，份量比例剛好，可以解解膩

Fudge Cake

朱古力味好濃，特別係表層既朱古力Fudge

因為佢係重朱古力，而且偏甜，所以有點膩感

不過下層較乾既蛋糕體冇咁甜，可以中和下甜膩感覺