Courtyard By Marriott-Momo Cafe-求求其

好耐以前上網見到Momo Cafe有long lunch buffet仲要個價錢好平咁
呢個時間長度同價錢比完全吸引到我XDD
二話不說一定要試一試先！！

咖喱雞沙律

一開始聽聞覺得好恐怖，但其實好好食

咖哩唔算太濃味，不過夠香，凍食保留左佢香同微辣

醬汁偏淺色，感覺上同普通沙律醬無異

佢係用雞粒既，唔會油膩，加左菠蘿等

食落去酸甜微辣好開胃，食多d都唔會覺得劑

開邊蛋

佢本身淋左芝麻醬

但係又唔會成口油咁

係多左芝麻香，同埋醬汁既微酸

食蛋既時候唔會好易劑

青口

有缺殼，食到有海草之類

真係有少少驚，所以冇再拎了

香葉包雞

呢個又要讚

雞件充滿油香及葉香

葉既清香滲透入雞肉，食果陣減輕左油膩感

本身調味好夠,雞肉冇雪味，夠滑

雖然多脂肪，但唔少係半溶化既，反而帶出雞油香味

炸豬排

太硬，不過夠入味

薯角

夠脆

可惜大部分都好大條．食落少了份香口

炒河

夠味又唔會好濕好爛

自選粉

就係自己揀粉揀料咁解

但佢粉有好多款：原味、墨汁、菠菜……

墨汁同菠菜味其實都幾好食，多左份香氣唔會咁寡

炸蝦

過份油膩，炸皮濕糊了:^(

叉燒包

包身鬆軟，而且足料

豆腐花

撞得老，個面係會有豆皮出現

朱古力蛋糕

太多cream

creamy到好油膩既地步，連本身既蛋糕體都沾左唔少cream

拿破崙蛋糕

上面都係好多cream咁

而酥皮部分係濕哂

（當然唔係真係液體既濕，只係水氣令佢軟化同痴埋左

布甸

不太討喜

魚膠粉下過多，並有兩層分離既感覺

蛋撻

反而是亮點

撻皮算酥脆

而中心保持嫩滑，甜度適中不過膩

切餅

好creamy，不過面頭既果醬酸甜足夠中和

雞批

足料，不過酥皮少許軟化而且過份油膩

Jelly

同布甸一樣都太硬

Mousse Cake

要讚

creamy但唔會太油膩

本身既芒果味清新香甜冇藥水味

加上中間有一層偏酸果醬中和忌廉油脂既膩感

而底層更是平時食美心芒果脆脆既脆底，味道幾乎一致

而且出奇地沒有變軟和溶化

中間少許淡味蛋糕體亦有助減輕味蕾負擔

此外，蛋糕本身多層次看得出花了不少時間和心神去堆砌:DDD

味道亦出色

可惜只有一兩次出現:^(

糯米糍

外皮好韌，不過餡料好足，唔算太油膩太甜

芝士蛋糕

可能放太耐所以溶溶地

加上佢係蛋糕底，食落真係好膩好劑

另外佢既果醬都比較少

綜合起來會變左好油膩不討喜

飲品

任斟任飲

個百香果汁味道都幾清，甜度係高D但有少少酸唔會太溜

Express Bar by Lassana-牛油香

[鬆餅狂毒自行動8]

不得不讚的scone
講真食express都唔望有咩水準
但呢間真係刮目相看

原味Scone $13

鬆餅似係連鎖店貨，但翻熱之後仍然係外皮脆而中間鬆軟
牛油香好重但唔會好油膩
由於中心係濕潤，食落自然唔會好粉好散
食完咁多都唔會劑

果醬都唔錯
至少唔會太杰太gel，容易塗開
唔會期望係咩高價野，不過要果肉有果肉
仲有係唔會過甜，算係少甜，反而更多係莓既酸味

提子味Scone $13

我自己本身唔中意提子乾，所以都係冇咩特別好評（個餅身同原味一樣好食）

可以自助任斟水

Fuel-加橙皮

忙中有錯
想繼續鬆餅之旅
但……

當日第四份係香橙蛋糕  $35
因為加左橙皮，所以苦澀味平衡番蛋糕同icing既甜味
不過略嫌粗身，如果橙皮係幼細d更易入口
蛋糕牛油味唔濃，但幾清新

LGB-有酒味

冧酒紅莓鬆餅 $18

餅身較open kitchen的鬆軟有彈性

只係質感好似天使蛋糕，而唔係鬆餅既感覺

冧酒味好淡，只係用黎提升紅莓既味道

紅莓都幾多，酸甜清新

不過講真佢質感唔同我已經覺得跌左grade

Paul Lafayet-酸酸酸

話說又係一個晚上

又係一正餐後

又係甜品時間……

蘋果金寶

成日經過PL既分店都會見到

我好中意佢個賣相（同埋個器皿）

staff幫我整番熱佢先食

只係……食第一口既時候已經明白了

面頭既金寶只有加鹽牛油味，更是油膩濕稔

蘋果餡固然足料，可惜只有酸味，只嚐酸味，只覺酸味……

caffè HABITŪ-鹹與甜

花生果醬鬆餅 $20

係收銀處俾完錢就等staff加熱，午後順便nap下先XDDDD

鬆餅的腳步聲越大，花生香氣越發濃烈，在鼻腔蕩迴幾番後直竄至腦部

頓時睜開雙眼，鬆餅已早到埗，靜靜地等候著我

鬆餅比較乾身及多碎屑

有大量花生粒 以及半溶既兩種醬

迫不及待大咬一口，滿嘴都是花生的鹹香

而果醬只係解膩既點綴

整體黎講，佢既鹹甜酸感覺好得意，同埋意料之內幾好食

（好似以前搽方包亂撈醬都可以好正

幾似花生朱古力fudge或海鹽朱古力蛋糕既感覺

不過佢加左果醬有少少酸就會較清新同開胃

麥當勞道貳號-三文魚

上網見到呢間餐廳，地理位置真係一流，難得價錢唔貴

見得閒就迫不及待去試啦！

環境舒適清幽，樂得悠閒

其實仲有落地玻璃窗，俯瞰香港動植物公園一帶

可惜張相又唔見左/___>\

三文魚

可以任夾

係魚生，唔係煙三文魚

睇落去好新鮮，淨講色水橙紅已經好吸引

同埋食落唔會有腥味，有魚油甘香順口

唔會冰凍，唔會暖左，方便入口

沙律

除左自己撈，仲有準備好既

我就中意蟹籽沙律，蟹籽多之餘，蔬菜清爽脆口

而且醬係真係剛好包住食材唔會過多

炸物

係任夾既,不過始終放耐左凍左都係差咁d

味道係ok既，但真係油左d

最值得食我認為係洋蔥圈，入面洋蔥都足料，同埋香口得黎不辣卻是清甜

熱盤

真係好神奇，第一次見半自助餐有熱盤

牛腩鬆化，香口不膩，同埋重牛味冇腥同雪味

中式點心就真係麻麻啦，味道一般

三文魚係用中式方法煮既，不過都好香口，同埋冇咁多脂肪

炸魚柳

炸得好香脆，同埋新鮮整起完全零油膩感

一睇就知份量大，炸麵包槺裹得好薄，啱啱好

魚肉稔身，不過冇雪味冇腥味，我覺得可以架啦

仲要佢落好多醬，酸甜味配炸物解哂膩，滿足醬怪我

千層麵

芝士香濃不膩，有焗烤焦香，肉醬酸甜清新，夠哂開胃

千層麵稔身不爛，層層間夾左肉碎，香口及有層次感

份量都幾大，因為仲有semi-buffet部分咁多選擇，一定夠哂

藍莓金寶

金寶碎平均分佈，大小剛好，味道微甜

內餡酸甜清新，有果肉咬下XDD

New York Cheesecake

sour cream份量剛好，可以用黎解膩

芝士部分味香但有點膩，同埋夠哂實

餅底偏甜，濕潤不爛

切餅

好膩，Cream既膩感同味道似即用Cream

紅豆沙

清甜，不過有點水，可以更濃稠

Tiramisu

夠香，唔會太甜，用粉既份量（微苦）足以解膩

Blueberry Cheesecake

藍莓醬甜中帶酸，整體不過膩，餅底偏甜

芝麻糊

儘管係油左dd，佢既香味同濃稠度都令人想一再encore

雪糕

Dreyer's既

有幾款味揀

唔只係雲尼拿草莓朱古力咁普通

薄荷、杏仁、石板街同草莓四款味，足哂料，真係有果肉有果仁……滿足

仲有雪糕筒裝

Kowloon Shangri-La-Café Kool-早餐甜

前言不多說，去片（喂

凍肉

鹹香有餘,唔算太油膩

煙三文魚

更是油香濃郁，而且夠爽夠乾身，又有咬口

唔會太多筋，食落滿口鹹香而幾乎全無腥味

只有魚油既香濃

蒸餃

十分足料

一咬開入面直情係會有汁既（Y）

炒蛋

水分太多，炒蛋太散

焗蕃茄

味道還可以，多汁

不過香草唔夠

豬脾肉

神奇之處，好罕見

肉香多汁，不油膩

燒得香脆可口，早餐食唔會劑

奄烈

蛋汁滿溢而半熟部分嫩滑

外皮稍有厚脆感

入面更是材料十足，毫不吝嗇

燒魚

較遜色

因帶內臟燒，食落帶重苦味

溫泉蛋

清新不膩不劑

蛋白唔過老，嫩滑順口，好似飲水咁

蛋汁一個勁係口入面狂湧，蛋香滿溢卻不覺腥膩

酥點

酥皮脆而不油，香氣逼人

個人推薦果醬酥，內有果肉，酸甜不膩

Cheese

有好多款芝士任食

各款既品質都唔錯

食落去鹹香十足，同埋唔會太膩

好濃郁既芝士香，重奶味:^o

蜜糖好清新潤口，不覺甜膩，同埋配芝士（個人食法）好夾

去油膩，平衡鹹味，有contrasting 既效果

如果唔配包同水果果d黎食cheese既話，本人真心推薦同蜜糖一齊食:^)

甜包

麵包等甜得不過分，剛好能滿足口腹之慾

水煮蛋

表面太乾身

不過幸好入面既蛋仲係流心，都做得好（Y）

不過muffin太乾韌（係咬唔開果種）

Pancake

焦得夠香，不油膩

芝士薯仔批

芝士味香濃帶微鹹

薯仔夠稔

酥皮底亦不算油膩，整體味道好吸引，但唔食得太多

Muffin

太乾，感覺似食麵包:^(

朱古力蛋糕

苦甜適中，夠濕潤易入口，但好快就冇哂

雲吞

雲吞皮薄滑

餡料多又足料，豬蝦肉比例恰好，食得出兩種既鮮甜，而且十分彈牙及爽口

湯底清，不油不膩，帶出雲吞既鮮味

茄子豆角

夠稔卻不爛

調味恰到好處

整體唔係好油膩，算係食d菜

果汁

有多款新鮮果汁可供任飲

Open Kitchen-真香蕉

[鬆餅狂毒自行動1]

香蕉合桃鬆餅 $19

味道清新，有淡淡香蕉香而非人工精油味

合桃多而不過硬，同鬆餅濕軟既感覺相配

中意佢做到鬆餅感覺幾煙韌

加上外皮烤到脆既同時，中間仲可以保持濕潤（因為水果既水份）

唔算太重牛油味，食完唔會好劑

可惜佢底部比較乾身，稍難咬開

（個人認為：

美式muffin係要有咬口

鬆軟既係海綿蛋糕果d 

牛油蛋糕、cupcake之類則比較實而多碎屑 

而硬脆，中心有少少濕潤既係英式scone或美式biscuit ，如KFC香蜜鬆餅）

SpiceBox-香還香

當時還是處於對印度食品的狂熱中……

難得見到有熱既samosa賣，仲要好企理清潔咁（潔癖

唔多講即刻買黎試下

Samosa $35/2

拎上手係熱辣辣既真係心都暖哂

外層一貫都係好油，而且係翻熱所以淋哂/___>\

個頭頗大，份量用料足

薯仔熟而不爛，仲保持到粒狀

一食入面全部實心，印度香料一大堆香氣撲鼻而來

味道唔會太濃太鹹，算係清少少，食完唔會咁劑

不過講真我就覺得試過就算啦，再買既intention唔大

金牌小龍-悠悠嚐

話說以前見過金牌小龍既任食團購

價格還是近$11x

同我今次單點既價位相若

Anyway……突然去食又唔係常客，冇所謂啦:^)

金牌小籠包　$36

外皮薄而不濕爛

一睇好乾身以為自己中伏，點知原來乾身痴筷子易夾又唔會穿

見牛肉麵又未上，無無聊聊係到數佢褶數，竟然每個都有至少廿褶:^0

趁熱快快食啦，咩都唔點就咁咬開小洞

明明垂直夾起，入面d湯汁竟然都多到流哂出黎

湯汁味鮮不油，好夠味

入面包肉都好多肉汁，唔只係硬實既塊狀:^)

金牌牛肉麵　$58

聽講呢間係2013年就憑牛肉麵，拎左飲食天王既獎

除左小籠包，唔可以唔試下呢個鎮店之寶既XD

落單果陣個姨姨有提番牛肉麵既湯底係有點辣既，會考慮客人既preference呢點幾好

一見碗麵，咦牛腱黎既？仲要咁厚:^S

講真牛腱多筋好容易就韌過橡皮（因為自己煮過真係耐少少就會開始韌

唉冇所謂啦，都要食架啦

試左湯底，味濃但稀身，唔會咁鹹咁痴口（Y）

少少辣味好香但唔會嗆口乸喉

我小心翼翼夾起厚厚的一片牛腱……瞪了一會……

一放入口，一抿即化

筋位竟全是膠質，唔係韌到可以用黎紥頭髮跳繩果種:^00000000000

冇雪味冇腥味之餘，仲肉味鮮濃，有種食緊牛筋腩既感覺

很遺憾，已經冇手擀粗麵揀

不過冇辦法，仲係想試

但麵條部分真係好可惜

佢外表係滑溜，但我覺得唔夠麵香味，似outsource供應（平日買番屋企）既質感

因為好滑身，唔係好吸到湯汁，亦冇麵條既微微甜香:^(

總括而言，牛肉麵係牛肉好食，湯底都ok，只係麵就……