Panopolis-潛艇堡

話說呢個係航班延誤N小時既……賠償？XD我都唔知點講好

火雞腿煙肉潛艇堡

成個包其實係凍既，係雪過哂放左係度好耐果種微冰既感覺

煙肉幾香口，不過真心好油膩，同埋韌身有少少難咬

火雞凍肉味道不濃，冇咩脂肪唔會好膩口，都幾多塊既

要有少少纖維，但感覺放淋左，莫講話脆度，水分都抽乾咁

包底係法包，外層香韌，都唔脆架啦，但重麵包香氣

好彩中間都有D沙律醬，如果唔係真係要乾啃/___>

阿鴻小吃-滷水香

先前去了一趟旅行

要係機場第二航廈Check-in

其後諗左好耐，行黎行去

最後決定試下呢間好出名既阿鴻小吃:^)

五香牛腱＋滷水豬頸肉＋時菜套餐　$79+10%

五香牛腱係薄切版

五香味超香超重，一夾起係見到筋位晶瑩透光

肉質綿稔，筋位爽口而非韌得難嚼難嚥:^)

滷水豬頸肉脂肪唔多，食落係爽口，甚至可謂有點脆

豬肉味幾濃，唔係話醃到冇肉味咁

滷水既五香味稍淡，不過都係夠入味夠香

時菜清甜，青綠色又甚是爽脆

佢落蠔油落得唔會太過份，剛好夠沾菜但又唔會過濃味令佢變膩:^)

白飯粒粒分明，係有咬口既感覺，唔係水濕濕的

我建議食得辣既可以加下佢枱面放既自家XO醬

真心香辣不膩，好有海鮮鮮味

重點係佢真係落足料，你係會見得到有好多蝦乾同瑤柱絲

我本身唔係好食得辣，但真係食到上哂癮咁每啖飯都要配d醬

（當然唔只照片入面咁少既份量

Pret A Manger-早鬆餅

之前有一排成日狂食鬆餅做早餐

當知道附近有pret a manger，又有鬆餅食

第二日朝早就衝左去嘆番個Fat Morning

Banana Caramel Muffin

香蕉味不算很濃烈

不過幸好佢係天然d既味道，唔係人工香精果種蕉味

即使唔重味都可以接受（寧願清淡d好過太假

甜度適中，仲有d焦糖香味，所以唔會好膩

muffin唔會好濕稔，但都係有少少油，鬆得黎唔會好易散哂

Belgian Chocolate Muffin

朱古力味好重，離遠聞都聞到

味道偏甜，卻非牛奶朱古力既甜膩感

食既時候朱古力粒會呈半溶狀態，好吸引（Y）

muffin體偏濕潤，且感覺較油

Red Chicken-炸雞夜

話說唔知點解兩個將會去韓國兩三星期既人

係出發之前仲要約出黎食韓國菜XDDDDDDDDDDD

好無厘頭……我都覺xdddd

點都好啦，出黎吹下水聚舊咁姐，因為真係好多年冇見

我地今次揀左去紅雞

因為大家都未試過呢間

之前晚晚都好似好多人排哂隊又要訂枱咁

當晚反而冇訂但有位，可能因為係平日晚上同埋真係幾夜

前菜

我都係偏好酸蘿蔔，因為食炸雞食煎餅總會有點膩劑

酸蘿蔔酸甜清新，仲要幾爽脆

當係清下味蕾開下胃口XDDD

檸檬炸雞

我地一開始就點左呢個

佢係無骨既炸雞

面頭有好多檸檬片，對於當時莫名酸味渴求既我真係一道恩物

炸雞香脆但唔會好油膩，加上醬汁本身偏酸都係一個優勢

至少食落唔會覺得膩，冇咁易劑

雞肉冇雪味冇腥味，又唔會太老太柴，感覺不錯

另外，醬汁係好足夠去點哂全部雞件，唔洗就住就住用

海鮮煎餅

煎餅份量合格

海鮮及香蔥料都有不少，至少唔係得粉漿

煎得帶點焦香，唔會過份油膩

食材緊緊黏附著煎餅，食果陣唔會跌到周圍都係咁浪費咁污糟

食材味道唔會有雪味，食落都OK

香蔥炸雞

兩個人吹吹下水……竟然又加點左炸雞

重點係人地三四個人食一盆炸雞都仲食淨

而我地兩個卻是兩盆炸雞再加煎餅……

除左「吃貨力量無限大」之外我都諗唔到講唔出其他字句

香蔥份量多，整成絲狀可以令味道突出又唔會太Concentrated

炸雞比先前既更香脆（因為冇浸落醬汁

醬汁係帶芥末既

雖然我唔食wasabi，但我是個醬怪，見到有醬就停不了

蔥伴炸雞，再加上點點醬汁，比想像中更有趣，更有層次

唔係好似外表睇落咁平平無奇

Hite

……呢個……我都冇咩好講啦XDDD

牛角-辣油油

行街經過見到，原來牛角下午茶有折頭

之後有日三點幾就去左食番次XDD

辣油雞腿肉香蔥溫泉玉子飯

好快就上了，一睇個份量又冇見縮水又冇偷工減料（Y）

溫泉玉子蛋白部分超嫩滑，感覺好似半成形既布丁咁，入口即化

蛋黃部分色水好靚，橙黃色，蛋香濃郁，重點係一d腥味都冇

一開始以為雞腿肉好老好柴，點知食落去入味又軟稔

唔可以話係嫩肉但質感不錯

飯底粒粒分明，軟硬適中，冇爛飯，又未至於硬到梗胃:^)

辣油有點炸蒜，香脆可口，配上其他配菜同白飯食係冇油膩感

其實佢係香氣十分重，但辣度唔高，只係好似落左1/2 tsp微辣粉既感覺

我一定會再試埋牛肉版本（Y）

麻香椰菜

椰菜爽脆帶微甜，芝麻味的確係份外香濃，但……感覺好油……

我自己係用枱面放左既燒汁去沖下佢-___

麵豉湯

冇咩特別，唔算太濃味既，我覺得可以接受

百瀧-泡沫湯

話說上次食過buono之後冇幾耐又去左食

（其實係因為剛好肚餓經過見到先入

Cappuccino Soup

睇到menu但唔知呢個係咩黎

個名堂令我以為真係用coffee煮湯（唔好笑啦好冇-__

上到黎先知原來係個賣相似

泡沫唔係好smooth，食到不少大氣泡，感覺不稠密

蕃茄湯味濃偏酸，煮得較稠，似係蕃茄醬汁多過湯

餐包唔熱……食落去食硬實，真要靠浸湯先夠順口可以食得落

煙三文魚南瓜燉飯

煙三文魚熟得黎唔會太乾

味道重鹹，撈飯摷碎佢食就啱味道（飯底甜

飯底偏甜，甜而清，配上多款蔬菜粒烹調，令整體甜膩感大幅降低

飯粒綿密但算分明，煮完都唔會話爛茸茸又出哂水咁（Y）

一路有個石鍋保溫，熱住食感覺唔會好油膩，話咁快已經食得哂

坤記-食煲仔

話說同個fd約左唔知幾多年去食煲仔飯不果

終於今次食得到，真係要熱烈地彈琴熱烈地唱

為此，我地要揀間有名氣而又係細細個就聽過既（？）煲仔飯

坤記聽聞係出名到晚晚爆場，保險d就算揀平日晚上都打去訂座先

當晚落哂大雨，下著貓和狗raining cats and dogs

但我地不畏強風暴雨，朝著煲仔前進（頒個獎黎

去到見到，果然真係風雨交加下仲大把人食緊、等緊同外賣緊

心知今次實冇死:^)

有哂openrice、u magazine同tripadvisor等等既貼紙

加上平日仲要天氣不佳仲咁勁人流，應該係正野！

滑雞臘味煲仔飯

滑雞真係熟透既，但肉質仲係名副其實咁滑嫩可口

雞味好重，冇雪味同血水，受熱亦均勻

臘味油份滲進飯底，油香滿溢卻不覺過膩

因為朋友唔係好食一d臘味潤腸，所以我就亳不客氣食哂佢xddd

油香真係好勁，當然話唔油唔肥就假既

但佢調味同香味好深層，係邊嚼邊滲，配飯食就唔會太膩滯

飯底偏硬身有嚼勁，米香濃郁，加上底部有飯焦，帶點焦香味，正野xddddd

張圖好朦……一開蓋個fd係咁催我影，連focus既時間都冇

冇辦法啦xddddd趕住食

滑蛋牛肉煲仔飯

一睇見已覺抵食，牛肉片多得黎唔係薄片咁，真心足料

牛肉肉味重，唔覺有咩鬆肉粉整過，但都係好滑好易咬開

加埋雞蛋既蛋香味好濃郁，蛋汁微稠剛好可以coat住食材:^)

飯底唔重覆講，食落同之前一樣冇咩偏差

兩煲煲底都有飯焦，但佢既焦度係剛好金黃色，唔會有焦黑苦澀既情況出現

沙嗲牛肉粉絲煲

滾住上，沙嗲香氣濃烈到撲鼻而來

牛肉份量都多，唔係話單靠粉絲墊高

沙嗲味香濃，但唔會太嗆，煲仔滾完好入味

粉絲晶瑩剔透，滑身之餘條條分明，冇爛冇溶

紅燒班球煲

重口味之選，調味重而入味

班球份量多又大塊，外皮仲有點脆度，好吸汁

魚肉部分冇腥味冇雪味，仲要好滑嫩

其他蔬菜配料都夠味，份量都不少

服務方面……

果晚我地係銅鑼灣行左一輪先搭叮叮

去得到西環都早已過原定時間

好彩佢地都好好人，仲俾我地排訂座隊可以早入過walk-in隊;^)

環境就唔好預好似高級餐廳／快餐店咁啦

係茶餐廳甚至大牌檔咁既

我地係坐室外另搭既枱，本人有潔癖就真係……麻麻

不過講真，當你坐低食緊既時候真係可以完全忘記環境既不足

一杯-関西燒

一直想食下日本燒餅，不過嗌極都搵唔到FD去試呢間一杯
最後有日Lunch就同媽媽一嚐了XDDD

環境如我所料係居酒屋形式

不過就好闊落，可以舒舒服服食又唔驚逼唔驚焗熱:^3

一杯関西燒　$58

関西燒上桌時仲係熱辣辣，新鮮整係吸引d

面頭有不少木魚碎及海苔粉，微微增添香氣:^)

燒餅皮係偏濕軟既，老實說係有種未熟既粉漿感（似文字燒）

待應一切開，「咦，都幾多料喎！」

入面不只有彈牙既牛筋粒及稔軟牛肉粒，仲有好多菜絲同蒟蒻粒

質感十分有嚼勁，加上有點芝士香同蛋香，味道都不錯

燒汁味濃但不膩，連埋美乃滋作調味，都幾開胃:^0

我個人覺得味道同質感都不錯，不過唔中意濕黏感覺既就可能認為不太合意

生薑豚肉石頭燒飯　$70

石鍋飯香氣逼人，快快影完相之後待應馬上幫手將飯同配料趁熱混好

生薑味唔算重，只是淡香，唔會話好辣

豚肉薄得黎入味，帶清甜味而不油膩，就算飯底唔濃味都唔覺寡

飯底有少少焦香，粒粒分明，煮得剛好，都算有嚼頭

百瀧-嚐燉飯

有日經過呢間係APM已久既百瀧

諗起係喎又未食過

本身已經食左正餐諗住去食下甜品，點知冇咩啱心水

最尾又食左個set lunch……:^000000000000

三文魚沙律

三文魚只有一片，不過感覺還balance

因為整杯沙律真係一口size，太多反會膩

三文魚偏乾身，油膩感不重

蔬菜部分清新爽脆，解膩及打底之選，可惜真係份量太過少:^(

白汁豬頸肉燉飯

豬頸肉份量都多，肉味濃郁，感覺彈牙有嚼勁

白汁香氣味道剛好，不會過濃以致油膩，裹到飯粒但唔會浸哂咁

加上有不少蔬菜粒，食既時候唔會覺得太膩太黏，不時有點清新感

飯粒未至稔爛，仲係有粉既感覺，同埋微硬有質感:^)

整體份量幾多，食完真係會有點飽感

綠茶香蕉奶昔

綠茶味甘香幾重，又唔會有苦澀味道

香蕉好香甜，清新不膩，配上綠茶幾搭配

飲品份量都偏多既，飲完都完飽了xdddd（當然我第二餐就另作別論

Bierhof-德國啤

朋友買左團購，德國菜……

應該可以吧，當試新餐廳:^)（月

約左好耐終於搵到晚出黎食:^)

餐廳面積不算太大，一入去似係Bar area，又入d先係主餐廳

成個環境佈置等等都幾有心思，加左德國元素（國旗、文字等

坐得幾舒服，環境都清潔

可能新開，d傢俱好重木味（我勁中意聞XDDDD

德國啤酒

好似話係Paulaner黎既

不過講真因為腸胃不太能適應，我平時唔飲酒（係呢排飲少少少少少……）

個人認為味道好清淡:^|（帶微甜），可能係我口味問題:^0

香腸豬手拼盤

香腸有三款既，都係脆皮

我地食既時候算係仲熱，味道不算太濃，帶點焦香

我個人中意有香草既，香草既香味濃d令香腸肉似乎冇咁膩

豬手屬重口味

上枱時已經係切開既豬手肉

皮脆，膠質不多，肉乾身，或者可謂鞋口

整體感覺太濃味，加上有點油膩，我要用啤酒黎淨一淨味蕾:^|

甜甜圈

一睇已經知係雪完出黎凍硬果種

不過冇所謂啦之後繼續食下餐（再補番鹹食同甜食-__>-）

果真係冰冰地，朱古力味甜之餘稍為膩了，感覺滿口fats……

沒關係了……飲野沖下佢:^|

服務態度不錯，仲有其實都幾attentive

不過買團購既話

由於唔使另俾服務費雜費，所以staff係唔會點煩你，連menu都唔會再俾

又唔會hard sell或者逼你點其他菜式，真係食完就走咁

佢地大概冇預人再另點菜式，也許會有團購客因而覺得staff唔理人

Starbucks-第二章

甘筍蛋糕

份量夠哂大，感覺好抵食先xd

外面既cheese層好香芝士味，不過唔會油膩唔會溜，感覺creamy同埋偏實

面頭不少果仁碎冇欺場架，果仁有各自獨特香味

即使我咁夜先買黎食放左咁耐佢都冇油溢味

蛋糕層濕潤，食到好多甘筍絲同果乾，味道好清新，甜度唔算高

食落係有少少油（通常carrot cake都係咁，因為dense又moist好易係咁），帶肉桂淡香

甜中帶甘香同微微鹹味，其實我覺得都合格架啦，加上性價比都過到關

綠茶紅豆星冰樂

綠茶紅豆呢個配搭本身已經夠正啦xd

綠茶味清新，甜度適中（別忘了還有紅豆泥的甜

紅豆冇咩人工味，甜得黎算自然，又有紅豆衣

（食過有d有紅豆泥既食品有膠味或有鐵味-___）

其實blend得算不錯，唔會成日飲到成口冰咁

三重焦糖星冰樂

呢個作為宵夜一部分真係一萬級邪惡

甜度係一萬分

首先未攬拌飲下先（試到分層既味道），特濃焦糖漿真係超甜

話明特濃，除左味道濃（重甜）之外，個稀稠度都係偏濃

老實講有種食緊溶左既拖肥既質感，smooth但muddy

第二重係Basic既焦糖醬，雖然甜，但稀身d冇咁concentrated

焦糖脆糖好細碎，脆度是有的，但係感覺有d似花生碎XD

撈勻佢，加上大大舊cream……

嘩真係evil！

飲飲下真係膩到……飲完狂灌水……

個人認為甜度都可以keep（畢竟凍野要好甜先出味，而且我係sweet monster

但個用料可能要變下，個特濃醬真係太muddy，再加cream係會好油膩

如果好似以前咁加d sea salt鹹味或者其他新配搭去中和膩感，可能更令人滿意

海鹽焦糖芝士蛋糕

海鹽味唔會鹹得太刺激

而且落得均勻，唔會話一堆鹹到苦一堆甜到膩

焦糖部分都幾甜既，不過帶點焦香味，加上有海鹽坐陣，甜味不至於太猖獗

芝士蛋糕算係滑身，起碼食落冇粉粒，又唔會好易溶或者太軟身

餅底偏甜，但配上芝士微鹹既香味同埋海鹽味

整體黎講唔會太甜，不過話會唔會覺得膩，主要係睇cheese部分

我個人係接受到，但本身cheesecake就一定唔係個個都啱

個人口味好重要，只係我認為海鹽同埋焦糖等等都增加左個cake既層次

Very Berry Loaf Cake

蛋糕體甜度適中且不油膩，但感覺太乾身

雖然唔係一拮就完全散碎，但佢係一大塊一大塊咁裂開/___

莓果酸甜，配上朱古力濃香，味道豐富卻又清新

只可惜佢莓果既部分真係太少，加上蛋糕乾身

整體食落真係好易滯，好似塞乾蛋糕落口咁，又難吞嚥，要靠飲品沖下……

Double Chocolate Chip Loaf Cake

未食就覺得有d油膩了，表面稍有亮光

朱古力味十分香濃，佢唔只係蛋糕頂有兩款朱古力打響頭炮

連蛋糕體都係朱古力底坐陣:^0

朱古力粒香甜帶微苦，因此膩度降低

而且呈半溶狀態，入口即化，令朱古力香氣充滿口腔每一個角落

朱古力蛋糕體唔算過分乾身，但大抵都可以話係偏乾

另外係佢真係有少少油膩，又幾甜，食食下都有d滯

Orange Poppy Seed Loaf Cake

呢個係我個人認為比較食得落既蛋糕

濕潤度充足，就已經解決左先前兩款蛋糕既乾涸問題

香橙味道夠清，又唔會太假

我唔中意食香橙味製品既，尤其係香橙朱古力，但此道本人認為可以接受

白朱古力偏甜，帶點奶香及脆度，加上香橙皮粒微酸帶韌性，甚是有趣

罌粟籽有淡淡籽香，微粒脆感令蛋糕不會單調，質感非一味軟稔

Tiramisu Frappuccino

上網見人率先試左話Tiramisu味超香濃

講真食開飲開Starbucks既，又點會唔清楚一貫水準同味道走向呢？

我就一定唔會信到十足十既，不過點都想試下:^)

因為我唔係好中意cream，所以點左少cream既

甫入口，已經心感不妙

太甜了！！！！！

Frappuccino本身甜底我知道明白清楚理解

但一邊諗住Tiramisu味去飲……

Tiramisu又唔可以話佢0%存在感，但真係淡淡淡版囉

如果以普通一杯Frappuccino角度黎講，都算係正常既，同平時沒兩樣

總之……為左Tiramisu味既同學大概會有點失望了

Bouchon-小法國

[慶祝母親節，我會選擇提早預祝，既環保又快捷]

非正日真係化算好多，反正重點不在銀碼

Bouchon係一間法國菜小酒館這樣

去緊果陣呀媽已經好擔心會唔會冇千千聲落唔到樓……

地舖……應該係出唔到門口XDDDD

其實之前我已經上網睇過Menu（上網已經睇到menu係放心d XD

價錢真係好相宜是沒有問題的:^)

環境好cozy

裝飾佈置都有法國感覺，同埋有得坐我好中意既高櫈:^)

不過真心唔中意佢大門口

雖然落地玻璃望到街景都幾寫意XDDD

但因為我地坐正門口位

佢一開係唔會自己關門，仲要關門要大力先鎖實

搞錯成日俾風吹開，出入又砰砰聲咁

Bread

外皮不算太硬，唔係酸種果種韌感

中心鬆軟，算係乾身版，唔會黏手亦不見油膩

暖暖地，搽牛油可以半溶，感覺更香滑可口

Crispy Goat Cheese

羊奶芝士十分香滑，奶味濃郁，帶微鹹

炸完之後不能避免有點油膩，不過佢夠香脆

加上墊底既菜有點柚子汁（？），整體起碼少d膩感

驚油膩同羶味既或者揀第二款會更適合:^)

Bacon & Egg Salad

蛋係全熟而不乾，蛋黃仲係有點濕度黏度，蛋香濃郁

講真我冇諗到咁多煙肉XDD

煙肉粒外層微脆，油香好重，厚厚地切粒食落質感更有嚼勁

菜冇咩特別，夠爽脆，依色水睇算新鮮，我冇咩特別要求既XD

Steak Frites

Steak我地揀左medium

外皮焦香，牛味濃郁不腥膩

筋唔算多，一入口肉汁已率先滲出，油香充滿口腔每個角落

煎蛋蛋香濃而不腥，蛋黃仲係生既程度

一戳即破，蛋汁源源不絕地湧出:^)

薯條係牙籤版既幼條

炸得好香，可惜真係好吸油，食到好膩/___>

Tartare de Boeuf（+$68）

牛肉他他冇腥味之餘，更是牛肉香味重

整體感覺都清新，可能因為唔會滲油又有d凍

蛋黃依然係吹彈可破又不腥膩

rye bread焗烤得有點焦香

外皮帶點脆度，配上他他既濕稔感覺剛好

Mousse au Chocolat

Mousse既朱古力味好香濃，氣泡唔係非常滑似水咁，不過都好輕綿

至於上面既朱古力裝飾……我個人認為可免

雖說朱古力既硬實感覺同mousse好contrast，可能出到黎係冇咁膩

但我食到既感覺係怪怪地

因為mousse入口即化咁，但朱古力係等好耐先開始melting

個感覺有點突兀了

Creme Brulee

面頭既焦香薄脆不用多說

但佢除左平時見既莓果之外，仲有個chocolate fudge

十分濕潤並且係緊實既

入面係好重忌廉香味，滑溜濃郁，甜度唔算高

Cappuccino

氣泡好綿密，香氣重但唔會膩:^)

Mocha

個人認為甜度適中，加上佢又唔係好大杯，飲完唔會太甜膩